Ինչպես անել, որ staff.am-ի քո պրոֆիլը 24/7 «աշխատի» քեզ համար

Նոր աշխատանք, նոր հնարավորություններ․․․
Հիանալի է հնչում, այնպես չէ՞։ Բայց միշտ չէ, որ այս գործընթացը այսքան պարզ է ու հեշտ։ Երբեմն դրա հետևում մնում են տարբեր հարթակներում անցկացրած ժամեր, անընդհատ ինքնակենսագրականը թարմացնելու անհրաժեշտություն, երբեմն էլ անպատասխան նամակներ։ Սա այն գործընթացն է, որը կարող է հոգնեցնել նույնիսկ ամենամոտիվացված աշխատանք փնտորղին։
Լավ, արի սկսենք նորից։ 
staff.am-ում քո պրոֆիլը աշխատում է քեզ համար 24/7։ Գործատուներն իրենք են գտնում քեզ, և դու հայտնվում ես հենց նրանց ուշադրության կենտրոնում՝ առանց ավելորդ ջանքերի։ Հնարավո՞ր է։ Այո, staff.am-ում այս ամենն արդեն իրականություն է։

Staff.am-ը ստեղծել է «Ակտիվ փնտրում եմ» գործիքը, որի շնորհիվ դու կարող ես մուտք գործել այն աշխատաշուկա, որտեղ գործատուներն են քեզ փնտրում։

Արդեն հետաքրքիր է չէ, ուրեմն արի պարզենք՝ ինչ է «Ակտիվ փնտրում եմ» գործիքը, ինչպես է այն աշխատում և ինչու այն պետք է ակտիվացնես հենց հիմա։

Ի՞նչ է «Ակտիվ փնտրում եմ» գործիքը և ինչպե՞ս է այն աշխատում

«Ակտիվ փնտրող եմ» (Actively Searching) գործիքը staff.am հարթակում նոր լուծում է, որը հնարավորություն է տալիս ակտիվորեն աշխատանք փնտրողներին տեսանելի լինել գործատուների համար։ Եթե դու հիմա կամ մոտ ապագայում ցանկանում ես փոխել աշխատանքդ կամ բաց ես նոր առաջարկների համար, սա հենց այն է, ինչ քեզ պետք է։

Այն գործարկվում է շատ պարզ.

• Եթե դու գրանցված ես staff.am-ում և ունես առնվազն 70% լրացված օնլայն CV, կարող ես ակտիվացնել «Ակտիվ փնտրում եմ» (Actively Searching) բեջը քո պրոֆիլում։
• Ակտիվացնելուն պես՝ դու հայտնվում ես «StaffSearch» որոնման համակարգի հատուկ ֆիլտրում, որտեղ գործատուները կարող են տեսնել այն մասնագետներին, ովքեր այժմ ակտիվորեն փնտրում են աշխատանք։

«Ակտիվ փնտրում եմ» բեջը հասանելի է staff.am web և mobile հավելածներում։

Ի՞նչ կտա «Ակտիվ փնտրում եմ» գործիքը քեզ՝ որպես աշխատանք փնտրողի

Եթե դու նոր հնարավորություններ ես փնտրում կամ որոշել ես փոխել աշխատանքդ, «Ակտիվ փնտրում եմ» (Actively Searching) գործիքը հենց այն է, ինչ պետք է քեզ՝

1. Դու առաջինը կհայտնվես գործատուների ուշադրության կենտրոնում

Երբ ակտիվացնում ես այս գործիքը, գործատուներին անմիջապես հասկանալի է դառնում, որ դու բաց ես առաջարկների համար։ Սա քեզ տալիս է առավելություն մրցակիցների նկատմամբ։ Քո պրոֆիլը առաջնային է դառնում որոնումների մեջ, իսկ բեյջը տեսանելի է գործատուի համար՝ վստահություն ներշնչելով, որ դու նոր առաջարկների համար։

2. Աշխատանքին դիմելը դառնում է շատ ավելի հեշտ ու արագ

Եթե քո օնլայն CV-ն լրացված է 70%-ով կամ ավելի, կարող ես դիմել ցանկացած աշխատանքին ընդամենը մեկ հպումով։ Բացի այդ, դու կարող ես հետևել  քո դիմումների ընթացքին՝ ստանալով ծանուցումեր հավաքագրման մյուս փուլերի վերաբերյալ։

3. Քո պրոֆիլը «աշխատում» է քեզ համար 24/7

Գործատուները staff.am-ի «StaffSearch» համակարգում որոնումներ են կատարում ամեն օր, ամեն ժամ։ Քո ակտիվացված պրոֆիլը տեսանելի է նրանց ցանկացած պահի, նույնիսկ եթե տվյալ պահին ոչ մի աշխատանքի չես դիմել։ Այդպիսով դու հենց վաղը կարող ես ստանալ այնպիսի առաջարկ, որը կփոխի քո կարիերայի ընթացքը։

Ինչպե՞ս ակտիվացնել «Ակտիվ փնտրում եմ» բեջը

✔ Մուտք գործիր staff.am-ում քո պրոֆիլ։
  ✔ Համոզվիր, որ քո օնլայն CV-ն լրացված է առնվազն 70%-ով՝ դա մեծացնում է հնարավորությունը՝ քեզ գտնեն և դիմեն գործատուները։
✔ Ակտիվացրու «Ակտիվ փնտրող եմ»  տարբերակը քո անձնական էջից։

«Ակտիվ փնտրում եմ» (Actively Searching) գործիքը քո անձնական առաջխաղացման լավագույն հնարավորությունն է։ Դա հնարավորություն է տեսանելի դառնալու ճիշտ պահին, երբ գործատուն փնտրում է հենց քո հմտություններով մասնագետի։

Եթե պատրաստ ես քո կարիերայում նոր էջ բացել և ավելի արագ գտնել ցանկալի աշխատանքը, սկսիր արդեն այսօր։