Հայաստանը՝ որպես MentorcliQ-ի պատմության գլխավոր մաս. CEOTalk MentorcliQ CEO և նախագահ Ֆիլ Ջորջի հետ

1412

staff.am CEOTalk նախագծի շրջանակներում հետաքրքիր զրույց ենք ունեցել MentorcliQ CEO և նախագահ Ֆիլ Ջորջի հետ։

Այս անգամ սակայն ձևաչափը փոքր-ինչ այլ էր, մենք այցելեցինք Ենոքավանում գտնվող Ապագա Ռեզորթ, որտեղ MentorcliQ-ը մի քանի օրով Երևան քաղաքից դուրս թիմբիլդինգային իվենթ էր կազմակերպել և ամբողջ թիմով բավականին արդյունավետ ժամանակ էր անցկացնում՝ աշխատանքային քննարկումներ, հանգիստ, այդ թվում նաև էքստրիմ հանգիստ, կիթառային ժամեր, խաղեր, հայկական հյուրասիրություն և այլ տարբեր ակտիվություններ։ Այդ ժամանակ աշխատանքային այցով Հայաստանում էր գտնվում նաև MentorcliQ-ի CEO և նախագահ Ֆիլ Ջորջը, և լավագույն առիթն էր զրուցելու MentorcliQ-ի պատմության և հաջողությունների մեջ Հայաստանի և հայաստանյան թիմի դերակատարման ու ապագա պլանների մասին։


Մինչ մեր զրույցին անդրադառնալը, որը կարող եք դիտել ինչպես տեսանյութով, այնպես էլ հոդվածում ստորև, հակիրճ պատմենք MentorcliQ-ի և թիմին միանալու հնարովորությունների մասին։


MentorcliQ-ի մասին


MentorcliQ-ը SaaS պլատֆորմ է, որն ապահովում է նույն ընկերությունում համապատասխան հմտություններով աշխատակիցների միջև կապը գիտելիքների փոխանցման և մենթորության համար։ Մենթորության այս հարթակի միջոցով ընկերությունները կարողանում են նպաստել աշխատակիցների մասնագիտական և կարիերայի աճին։


MentorcliQ թիմին միանալու հնարավորություններ



Տեսանյութ. staff.am CEOTalk MentorcliQ CEO և նախագահ Ֆիլ Ջորջի հետ


Շնորհակալություն, Ֆիլ, մեզ հյուրընկալելու և MentorcliQ-ի հաջողակ պատմությամբ մեզ հետ կսիվելու համար, կնշե՞ք՝ ի՞նչը նպաստեց այստեղ՝ Հայաստանում, ներկայացուցչական գրասենյակ հիմնելու Ձեր որոշմանը։

Իմ պատմությունը Հայաստանում սկսվել է դեռևս 15 տարի առաջ։ Ես Խաղաղության կորպուսի կամավոր էի Հայաստանում, որն ԱՄՆ-ի կողմից հովանավորվող միջմշակութային հաղորդակցության ծրագիր է։
2005 թվականին Հայաստանում ես հանդիպեցի մեր գլխավոր տեխնիկական տնօրենին՝ Մայլզին։ Մենք ապրում էինք Վանաձորին մոտ գտնվող Փամբակ գյուղում։ Մենք հայերենն ու հայկական մշակույթն էինք սովորում, և առիթ ունեցանք հանդիպելու ու համագործակցելու։ Այնուհետև երբ 2012 թվականին հիմնեցինք MentorcliQ-ը, կրկին սկսեցինք համագործակցել և քննարկել, թե ինչ հնարավորություններ այն կարող է ստեղծել։ Այդ ժամանակ Մայլզը մտածում էր վերադառնալ Հայաստան։ 2014 թվականին վերադարձավ Հայաստան, որից հետո սկսեցինք քննարկել մեր թիմն այստեղ՝ Հայաստանում ձևավորելու ու Հայաստանը MentorcliQ-ի պատմության մեծ մասը դարձնելու մասին։ Այսպիսով, մենք իսկապես հպարտ ենք, որ 2016 թվականին սկսեցինք այդ գործընթացը, և Արմեն Օրդույանը՝ մեր առաջին թիմակիցը միացավ մեզ, ով հրաշալի ղեկավար էր և կարողացավ ընդլայնել մեր թիմն այստեղ։ Այժմ Հայաստանում ունենք շուրջ 30 աշխատակից, և իսկապես ոգևորված ենք շարունակել թիմի ընդլայնումն այստեղ և Հայաստանում աճող տեխնոլոգիական մշակույթի մասը կազմել։

MentorcliQ-ը շարունակում է նորություններով հանդես գալ։ Կարո՞ղ եք նշել հայաստանյան թիմի դերը Ձեր տեխնոլոգիական առաջընթացում։ 

Մենք ձեռք ենք բերել River-ը 2020 թվականին, այնուհետև 2019 թվականին Turp-ը։ Նոր ընկերություններ ձեռք բերելը մասամբ հաջողության նշան է, քանի որ ցույց է տալիս, որ դառնում ես քո ոլորտի առաջատարը։
Երկու ձեռքբերումներն էլ ահռելի էին մեր ընկերության համար, և կարծում եմ, որ պատասխանն էին այն մեծ աշխատանքի, որ կատարվում է այստեղ՝ Հայաստանում՝ նկատի ունենալով պլատֆորմի մշակումը, մեր ոլորտում առաջատար տեխնոլոգիայի կառուցումը, որը մեզ հնարավորություն է տալիս ընդլայնվել և ավելացնել այլ մեծ ընկերություններ մեր կազմում։ Որպեսզի պատկերացնեք, սկսել ենք մի քանի ինժեներներով, այնուհետև 4 ինժեներ և այժմ մեծ թիմ, որը կառուցում է մենթորության տեխնոլոգիայի ապագան։ Մենք ունենք տասնյակ հիմնական գործիքներ, որոնք թողարկել ենք վերջին մի քանի տարիների ընթացքում։ Բոլոր մանրամասներն, իհարկե, չեմ կարող ներկայացնել, քանի որ հրապարակային չեն, պարզապես մի քանի, իսկապես, հրաշալի հնարավորություններ, որոնք բավականին շատ են օգնել մեր հաճախորդներին` ամբողջ աշխարհով մեկ միավորելով իրենց աշխատակիցներին։

Բավականին հետաքրքիր է, արդյո՞ք Ձեր ընկերությունում կիրառում եք Ձեր կողմից մշակված գործիքը աշխատակիցների կարիերայի աճն ապահովելու համար։ 

Մեր ընկերությունում մենք շատ աշխատակիցներ չունենք, բայց օգտագործում ենք մեր տեխնոլոգիան, քանի որ մենթորությունը կարևոր է ցանկացած չափի ընկերության համար` անկախ նրանից 10 թե 10,000 աշխատակից է աշխատում։ Ուստի մենք օգտագործում ենք մեր տեխնոլոգիան։ Մենք ունենք 5 կամ 6 մենթորության տարբեր ծրագիր, որոնք կիրառում ենք՝ ամեն ինչ, սկսած խաչաձև գործող նախագծերից, որոնք օգնում են ծրագրավորման, սպասարկման, վաճառքի և այլ բաժինների՝ մարքեթինգի, ֆինանսների ու բիզնեսի հետ առնչվող այլ ոլորտների աշխատակիցներին միավորվել և հասկանալ, թե մյուսներն ինչ գործառույթներ են իրականացնում։
Իսկապես, շատ կարևոր է, որ յուրաքանչյուրը զգա, որ մասն է կազմում MentorcliQ ընտանիքի, որին մենք կարճ անվանում ենք “CliQ”։

Կնշե՞ք այն արժեքները, որոնց շնորհիվ ձևավորվել է այսպիսի առողջ թիմային միջավայր։

Կարծում եմ, որ յուրաքանչյուր ընկերության արժեքները իրենց աշխատակիցների արտացոլումն են։ Մի քանի տարի առաջ մենք հատուկ հավաքվեցինք և սկսեցինք մտածել՝ «Ի՞նչ է MentorcliQ-ը», ինչ ենք մենք ներկայացնում թե մեր հաճախորդներին, թե մեր աշխատակիցներին։ Եվ այդ քննարկումից էլ առաջացավ FUNHAT հապավումը, որը բաղկացած է մեր մշակույթը կազմող չորս բառերից։ Մենք սկսեցինք “FUN”-ից՝ վստահ լինելով, որ մենք մեր յուրաքանչյուր հաճախորդի և աշխատակցի ամեն օրվա լուսավոր կետն ենք։ “H” տառը ցույց է տալիս, որ մենք օգնող ենք մեր հաճախորդների, միմյանց նկատմամբ։ “A”՝ ամբիցիոզ, ուստի մինչ որոշ ընկերություններ մտածում են «այո» ասելիս, մենք մտածում ենք, թե որն է ձեր խնդիրը և ինչպես կարող ենք այդ լուծել։
Եվ վերջինը, “T”-ն մտածողին է վերաբերում, այն, ինչ որ մենք անում ենք, մտածված և կշռադատված է։

Որո՞նք են Հայաստանի թիմի հետ կապված ապագայի Ձեր պլանները։ 

Երբ սկսեցինք մտածել այստեղ մեր թիմի աճի մասին, հիմնական կենտրոնացվածությունը տեխնիկական թիմի վրա էր։ MentorcliQ-ն իսկապես տեխնիկական ոլորտի շատ տաղանդներ ունի, որոնց հետ շարունակում ենք աճել և որոնցով ոգևորված ենք։ Մեծ անակնկալ էր այն, որ սկսեցինք մտածել Հայաստանի դերը մեր տեսլականում մեծացնելու մասին։ Մենք սկսեցինք ընդլայնել թիմը ոչ տեխնիկական մասնագետներով, ինչպիսիք են HR ուղղվածությամբ մասնագետները, ովքեր օգնում են հավաքագրել մասնագետների, դա մեր առաջին քայլն էր այս հարցում։ Այնուհետև բոլորովին վերջերս ավելացրեցինք աշխատակիցներ, ովքեր մասն են կազմում մեր մարքեթինգի, հաճախորդների աջակցման, հաճախորդների գործընկերների թիմերի։ Կարծում եմ, քանի որ մենք առաջ ենք շարժվել, սկսել ենք Հայաստանը տեսնել որպես EMEA (Եվրոպա, Մերձավոր Արևելք և Աֆրիկա) և APAC (ասիական – խաղաղօվկիանոսյան) տարածաշրջաննների համար գլխամաս։

Ի՞նչն է Ձեզ ամենից շատ տպավորում Հայաստանում, որի մասին միշտ սիրում եք կիսվել նաև Ձեր ամերիկացի գործընկերների հետ։

Այո, ես կասեի, անշուշտ, ես նախկինում ապրել եմ այստեղ և այդ պատճառով շատ ծանոթ եմ մշակույթին, բայց այն, ինչ ինձ միշտ գրավում է հայկական մշակույթում, հյուրընկալությունն է, և որը առօրյայում միշտ տեսանելի է:

Անցած երեկո մենք թիմով ընթրում էինք և պարզապես ժամեր անցկացնում սեղանի շուրջ՝ կենացներ ասելով միմյանց համար։ Այս ամենը հայկական մշակույթի մեծ մասն է կազմում, երբ մտածում են հյուրերի համար կարմիր գորգ փռելու մասին, որպեսզի հյուրերն իրենց լավ և գնահատված զգան։

Անկեղծ ասած, ոգևորող է տեսնել այսպիսի հյուրընկալություն Հայաստանում։


MentorcliQ թիմին մաղթում ենք նորանոր ձեռքբերումներ և թիմի մեծ աճ, իսկ հաջողությունների շարունակության մասին կարող եք հետևել StaffMedia-ում։

Powered by staff.am.