Փետրվարի 8-ին ԼՈՖԹ-ում տեղի ունեցավ StaffCommunity-ի հերթական հանդիպումը, որին հրավիրված էին մասնակցելու staff.am ՄՌԿ մասնագետները, staff.am Brand Advocate-ները և Հայաստանի մանուկներ հիմնադրամի (COAF) շահառուները՝ staff.am կորպորատիվ սոցիալական պատասխանատվության ծրագրի շրջանակներում։
Հանդիպումը կազմակերված էր քննարկելու <<Agile-ը բիզնեսում>> արդի թեման ոլորտի հմուտ մասնագետ, Կազմակերպական զարգացման քոուչ (Agile մենեջմենթ) Արմինե Մկրտչյանի հետ։
Թեմայի և հրավիրված guest speaker-ի ընտրությունը պայմանավորված էր նրանով, որ Agile-ը
շատ ընկերությունների ուշադրության կիզակետում է։ Թեման նաև անմիջական առնչություն ունի մարդկային ռեսուրսների կառավարման հետ։
Հանդիպում-քննարկումն անցավ շատ ակտիվ և մոտիվացնող մթնոլորտում։ Խոսվեց ինչպես Agile-ի տեսական հիմքերի մասին, այնպես էլ բերվեցին օրինակներ դրա պրակտիկ կիրառման վերաբերյալ։ Մասնակիցները բավականին շատ հարցեր ունեին, մասնավորապես, տրադիցիոն և Agile կառավարման մոտեցումների տարբերությունների և դրանց կիրառությունների վերաբերյալ։
Հանդիպման ժամանակ նույնիսկ հետաքրքիր խաղ կազմակերպվեց, որն էլ վիզուալ կերպով արտացոլեց Agile-ի առավելությունները ժամանակակից մենեջմենթի համատեքստում։ Մեր մասնակիցների արձագանքը շատ դրական էր, մի քանիսն էլ ներկայացնում ենք ստորև․
Հոյակապ կազմակերպված միջոցառում էր, շատ օգտակար եվ հետաքրքիր։ Լավ կլիներ հնարավորինս հաճախ կազմակերպվեին նման հանդիպումներ։
Հայկ Հայրապետյան
Սեմինար-քննարկումը ոչ միայն բիզնեսին վերաբերող խնդիրների մասով էր արդյունավետ լուծումներ առաաջարկում, այլև առօրյա կյանքի, ինչն էլ հենց ավելի հետաքրքիր, ուշադրության արժանի ու ուսանելի էր դարձնում սեմինարը։
Սյուզանա ՂազարյանՇնորհակալություն staff.am-ին այն կարևոր աշխատանքի համար, որը Դուք ձեռնարկել եք Հայաստանում։
Վիկտորիա Պողոսյան
StaffCommunity-ի հետ հանդիպումներն անչափ կարևոր են staff.am-ում։ Մեր թիմն արդեն ակտիվորեն աշխատում է հաջորդ միջոցառման կազմակերպման վրա։ Անպայման հետևեք մեզ հաջորդ հանդիպմանը մասնակցելու համար։
