Ֆինանսական ոլորտի խոշոր միջազգային ընկերություն ղեկավարելու գործընթացը լի է մարտահրավերներով: Միևնույն ժամանակ, նման ընկերությունների ղեկավարները կարող են որպես ազդեցիկ օրինակ ծառայել այն երիտասարդների համար, որոնք ցանկանում են ունենալ կարիերայի աճ` բացահայտելով իրենց ողջ պրոֆեսիոնալ ներուժը և հասնելով իրենց նպատակներին կարիերայի զարգացման առումով:
Այսօր անչափ ուրախ ենք ներկայացնելու #StaffLIVE մեր հերթական հյուրին՝ «Էյչ-Էս-Բի-Սի Բանկ Հայաստան» ՓԲԸ-ի (HSBC Հայաստան) առաջին հայազգի գլխավոր գործադիր տնօրեն Իրինա Սեյլանյանին։ Իրինան մեզ հետ կկիսվի իր հաջողակ կարիերայի տպավորիչ պատմությամբ և կպատասխանի ձեր հարցերին։
Օնլայն քննարկումը կվարի staff.am և HireBee համահիմնադիր Լուիզա Ավետիսյանը։
Հիմնական թեմաները, որոնք կքննարկենք LIVE սեսիայի ժամանակ հետևյալն են՝
- Կարիերան բանկային ոլորտում՝ կրթությունից մինչև միջազգային փորձ,
- Մարտահրավերներ և հնարավորություններ՝ որպես HSBC Հայաստանի առաջին հայազգի գլխավոր գործադիր տնօրեն,
- Կանանց հզորացումը կարիերայում․ գենդերային հավասարության ապահովման ոլորտում HSBC Հայաստանի քայլերը,
- Խորհուրդներ ֆինանսական ոլորտում հաջողակ կարիերայի զարգացմամբ հետաքրքրված մեր մասնակիցներին։
Մեր հյուրի մասին՝
Իրինա Սեյլանյանը զբաղեցնում է «Էյչ-Էս-Բի-Սի Բանկ Հայաստան» ՓԲԸ-ի գլխավոր գործադիր տնօրենի պաշտոնը, որում նշանակվել է 2020թ-ի մարտի 02-ին: Իրինան ավարտել է Հայաստանի պետական ճարտարագիտական համալսարանը և Երդվյալ որակավորված հաշվապահների ասոցիացիայի (ACCA) դասընթացները: Զբաղեցրել է տարբեր ղեկավար պաշտոններ Էյչ-Էս-Բի-Սի Բանկ Հայաստան ՓԲԸ-ում և HSBC խմբի անդամ այլ ընկերություններում: Իրինան միակ կին գլխավոր գործադիր տնօրենն է Հայաստանի բանկային համակարգում և առաջին հայազգի տնօրենը «Էյչ-Էս-Բի-Սի Բանկ Հայաստան» ՓԲԸ-ում:
Ովքե՞ր կարող են մասնակցել՝
StaffLIVE-ն անվճար օնլայն հանդիպում է բոլոր նրանց համար, ովքեր ձգտում են ցանկացած ոլորտում, ներառյալ՝ ֆինանսական, կարիերայի մեծ առաջընթաց ունենալ կամ պարզապես ոգեշնչվել հաջողակ կարիերայի պատմությամբ։
Ինչպե՞ս մասնակցել`
«StaffLIVE Իրինա Սեյլանյանի հետ» հանդիպումը տեղի կունենա Facebook հարթակի միջոցով երկու փուլով՝ հիմնական քննարկում (մինչև 30 րոպե) և հարց ու պատասխան լսարանի հետ (մինչև 30 րոպե)։ Մասնակցության համար, պարզապես միացեք Facebook-յան LIVE-ին։
Ավելացրեք այս վիրտուալ հանդիպումը Ձեր օրացույցում և միացեք մեր հետաքրքիր քննարկմանը՝
📅 Օրը՝ Հինգշաբթի, օգոստոսի 13,
🕠 Ժամը՝ 18։30,
🎙 Հյուր՝ Իրինա Սեյլանյան,
📑 Թեմա՝ «Career with impact. StaffLIVE with Irina Seylanyan, first Armenian CEO of HSBC Bank Armenia»:
