Այսօր ուրախ ենք ձեզ հետ կիսվել ՏՏ ոլորտում առաջատար MentorcliQ միջազգային ընկերության կորպորատիվ մշակույթի, արժեքների և Հայաստանում զարգացման պլանների մասին։ Այս թեմայով մենք հատուկ զրույց ունեցանք MentorcliQ VP, People Ops Լոռա Զոթթերի հետ, ով այդ պահին գտնվում էր Հայաստանում և անչափ ոգևորված էր հայաստանյան թիմի հետ անցկացրած ժամանակով ու կազմակերպած միջոցառումներով։
Տեսահարցազրույցը կարող եք դիտել երկլեզու տարբերակով։ Հարցազրույցը հասանելի է նաև հոդված տարբերակով ստորև։
STAFFMEDIA ՏԵՍԱՀԱՐՑԱԶՐՈՒՅՑ
Շնորհակալություն, Լոռա, այսպիսի հնարավորության համար։ Ուրախ ենք ձեզ հետ միասին զրուցել Հայաստանում և գլոբալ աշխարհում լավագույն գործատուներից MentorcliQ-ի մասին։
Ինչպիսի՞ն է MentorcliQ-ի մշակույթը:
MentorcliQ-ն ունի հրաշալի մշակույթ, որի մի մասնիկն էլ ինձ բախտ է վիճակվել լինել։ Մենք այդ մշակույթը բաժանում ենք չորս կարևոր արժեքների: Առաջինը` FUN – լուսավոր, ուրախ, այնուհետև օգնող, ամբիցիոզ, մտածող, որից էլ առաջացավ FUNHAT հապավումը, որպեսզի այն հեշտ հիշվող և հասանելի լինի բոլորի համար։
Այս արժեքները ցույց են տալիս, թե մենք ինչքան դրական ենք մեր ամենօրյա փոխհարաբերություններում, ինչքան օգնող ենք, երբ թիմի անդամներից մեկը բախվում է ինչ-որ խնդրի կամ մարտահրավերի, ինչքան ամբիցիոզ ենք մեր պլաններում՝ միշտ նորարարություններ առաջարկելով, այլ ոչ թե հենվելով ստատուս քվոյի վրա։
Եվ, վերջիվերջո, մտածող այն բանի շուրջ, թե ինչպես ենք մենք փոխհարաբերվում միմյանց հետ, ինչպես ենք մենք սպասարկում մեր հաճախորդներին, որպես ընկերություն ինչպես ենք մենք կայացնում ռազմավարական որոշումներ, և թե ինչ փորձ ենք ապահովում մեր աշխատակիցների համար։ Մեր արժեքները մեր մարդիկ են։ Սա լավագույն ձևն է նկարագրելու մեր մարդկանց՝ չափազանց լուսավոր, օգնող, ամբիցիոզ և մտածող։
Մենթորության ի՞նչ ծրագրեր են կիրառվում ընկերությունում, և ի՞նչ ազդեցություն ունի այն MentorcliQ-ի մշակույթի վրա։
Յուրաքանչյուր աշխատակից միանում է MentorcliQ-ին, որովհետև կարևորում է մենթորությունը։ Մենք ունենք ներքին մենթորության ծրագրեր, որոնք Համահունչ են մեր կողմից հաճախորդներին առաջարկվող լավագույն փորձին և առաջարկություններին։
MentorcliQ-ում մենթորության մեր ծրագրերը սկսվում են աշխատանքի առաջին իսկ օրվանից։ Բոլոր նոր ընդունված աշխատակիցները MentorcliQ պլատֆորմի միջոցով անցնում են օնբորդինգի ծրագիրը։ Կան պաշտոնին հատուկ թրեյնինգ նախագծեր և ինժեներների, և մեր ԱՄՆ-ում գործող թիմի համար։ Ունենք նաև մենթորության բաց ծրագրեր, որի շնորհիվ ընկերության ցանկացած աշխատակից կարող է մենթոր ունենալ։ Օրինակ, ես ինքս ունեցել եմ չորս մենթոր ընկերությունում։
Կան նաև մեր աշխատակիցներին հետաքրքրող թեմաներով մի շարք խմբային մենթորության ծրագրեր, որոնք հաճախ անվանում ենք աշխատակիցների ռեսուրս ծրագրեր: Այսպիսով, մենք իսկապես ունենք մենթորության հզոր մշակույթ MentorcliQ-ում։
Ընկերությունում թիմի ներգրավվածությունն ապահովող ի՞նչ հաջողված նախաձեռնության օրինակով կարող եք կիսվել։
Վերջերս մենք սկսել ենք ավելի պաշտոնապես անցկացնել ամսական հանդիպումներ, որն անվանում ենք “Appreciative Spotlights”։ Այն ենթադրում է, որ մենք ամսվա մեջ մեկ ժամ հատկացնում ենք ամբողջ թիմով միասին հանդիպելուն ու մեկս մյուսին գնահատելուն։
Մենք կիսվում ենք «kudo»-ներով, և գովաբանում ենք լավ կատարված աշխատանքները, տոնում ենք ծնունդները, տարեդարձները, նոր երեխաների ծնունդները, ամուսնությունները և այլ կարևոր իրադարձություններ։
Մենք ունենք նաև աշխատակիցների հետ հարցազրույցներ, որը ես եմ վարում և անվանվում է “Peer spotlight”։ Այն բաղկացած է աշխատակիցների աշխատանքից դուրս հետաքրքրությունների մասին մոտ 10 հարցից, ինչի շնորհիվ մենք բոլորս ենք ներգրավվում և կիսում յուրաքանչյուրի հաջողությունը։
Ինչպիսի՞ն է MentorcliQ-ի մոտեցումն աշխատավայրում բազմազանությանը, հավասարությանը և ներառականությանը (DEI)։
DEI-ն իսկապես MentorcliQ-ում շատ կարևոր դեր ունի։ Մենք առաջնահերթություն ենք տալիս DEI-ին աշխատակցի գործընթացների բոլոր փուլերում՝ սկսած թեկնածուների ներգրավումից մինչև օնբորդինգ ու պահպանում։ Տաղանդների ներգրավման համար թիրախավորում ենք տարբեր թեկնածուների մի շարք աղբյուրների միջոցով։
Հավաքագրման բոլոր փուլերում մենք հետևում ենք մեր մետրիկաներին, որպեսզի վստահ լինենք, որ բավականաչափ բազմազանություն ունենք մեր բազայում։ Մենք նաև ունենք DEI-ի աջակցման հզոր մշակույթ՝ կազմակերպելով ներքին թրեյնինգներ DEI թեմաներով։
Մեր աշխատակիցների համար շուտով կթողարկենք նաև խորհրդատվական խորհուրդ DEI ուղղվածությամբ, որպեսզի ներքին գործընթացները շարունակաբար բարելավվեն։
Նոր թեկնածուներ դիտարկելիս ո՞ր որակներն ու արժեքներն եք կարևորում։
Մենք հստակորեն թեկնածուների մեջ փնտրում ենք այնպիսի արժեքներ, որոնք համահունչ են FUNHAT-ի հետ։ Lուսավոր, օգնող, ամբիցիոզ և մտածող։ Սրանք այն կարևոր արժեքներն են, որոնց հետ պետք է համահունչ լինի ցանկացած նոր թեկնածու։
Բայց մենք նաև փնտրում ենք այլ որակներ։ Մենք շատ արագ զարգացող բիզնես ենք ու այն մարդիկ, ովքեր ձեռնարկատիրական մտածողություն ունեն, հարմարվող են, կարող են ճկուն լուծումներ տրամադրել անհայտ խնդիրներին, մեր ամենահաջողված աշխատակիցները կարող են լինել։
MentorcliQ-ն ունի աշխատակիցներ տարբեր տարածաշրջաններում: Ինչպե՞ս է ընկերությունը կարողանում ապահովել համայնքի զգացումն ու համագործակցությունը թիմերի միջև։
Մենք ունենք գլոբալ թիմ, ու շատ աշխատակիցներ աշխատում են լրիվ դրույքով հեռավար, ուստի համախմբվածության զգացումն ապահովելը կարող է իսկապես բարդ լինել։
Մենք փաստացիորեն այժմ ամփոփում ենք մեր շաբաթն այստեղ՝ Հայաստանում, ինչը ֆենոմենալ էր։ Այսինքն, մենք կազմակերպում ենք այնպիսի միջոցառումներ, որոնք կոչվում են cliQ փառատոններ, ինչի արդյունքում մենք միմյանց ավելի լավ ենք ճանաչում:
Մեր ներքին մենթորության ծրագրերը նույնպես շատ կարևոր են թիմերի միջև կապն ապահովելու տեսանկյունից։ Այդ ծրագրերի շնորհիվ մեր բոլոր աշխատակիցները կարողանում են միասին ներգրավվել տարբեր թեմաների շուրջ քննարկումներում, ինչպիսիք են բարեկեցությունը, DEI-ը և այլն։
Եվ, վերջապես, մենք ունենք ընկերությունում շաբաթական հանդիպումներ նշելու հաջողությունները, կիսելու նորությունները, ինչն էլ օգնում է էլ ավելի տեղեկացված և համախմբված լինելուն։
Ինչպե՞ս կնկարագրեք հայաստանյան թիմը և նրա դերը MentorcliQ-ի զարգացման մեջ։
MentorcliQ-ի հայաստանյան թիմը ֆենոմենալ է։ Ես անցկացրել եմ իմ առաջին շաբաթը Հայաստանում և հանդիպել բոլորին անձնապես։ Չափազանց աշխատասեր, խելացի։ Մենք կարողացել ենք աշխատանքի ընդունել լավագույն ծրագրավորողների։ Նրանք բավականին լուսավոր են, բարի և հյուրընկալ։ Ուստի երբեք բավարար չի լինի նշել, թե ինչքան հրաշալի են Հայաստանի մեր թիմակիցները։
Իսկ ի՞նչ պլաններ ունեք այստեղ՝ Հայաստանում։
Մենք շարունակելու ենք մեծացնել մեր ինժեներական թիմն այստեղ և վայելել այս գեղեցիկ գրասենյակը Հայաստանում։ Այն ծրագրավորողների համար, ովքեր հետաքրքրված են մեր մշակույթով, մեր արժեքներով, և ցանկանում են աշխատել շուկայում առաջատար պրոդուկտի վրա, MentorcliQ-ը կլինի լավագույնը։
