Ամփոփելով ևս մեկ բեղուն և HR ոլորտում նորարարություններով լի տարի՝ ուրախ ենք ձեզ հետ կիսվել այդքան մեծ հետաքրքրություն վայելող #StaffTalks վիդեո բլոգերի շարքի 2018թ․ թողարկումներով, որը մենք ներկայացնում ենք Անի Մերուժանի Մարգարյանի հետ։
StaffTalks-ը նոր ձևաչափով վիդեոբլոգ է Հայաստանում, որում ներգրավել ենք մասնակիցներ, ում հետ քննարկումներ կծավալվեն կարիերայի զարգացման, ՄՌ ոլորտի կառավարման, նոր աշխատակիցների ներգրավման, թիմի գնահատման, թիմի մոտիվացիայի, ինքնազարգացման և այլ նման թեմաների շուրջ:
Նախագիծը մեկնարկել է 2017թ․-ին և արդեն հասցրել ենք թողարկել մոտ 10 վիդեո-բլոգ HR ոլորտի մասնագետների մասնակցությամբ: Նախորդ տարվա բոլոր թողարկումներին կարող եք ծանոթանալ ստորև։
Ղուկաս Ստեփանյան
Ձեզ ենք ներկայացնում 2018թ․-ի մեր առաջին #StaffTalks-ը, որին հրավիրել ենք Հավաքագրման (Ռեքրութմենթի) մասնագետ Ղուկաս Ստեփանյանին։ Ղուկասը բավականին հարուստ փորձ ունի ՏՏ Ռեքրութմենթի ոլորտում, staff.am-ի հետ կիսվել է այնպիսի հարցերի շուրջ, ինչպիսիք են․
ՏՏ Ռեքրութմենթի մեջ հաջողակ լինելու գործոնները,
Ռեքրութմենթում սոց․ ցանցերի դերը,
Ռեքրութերի ներգրավվածությունը հարցազրույցներում:
Այս ամենը, ինչպես նաև հետաքրքիր օրինակներ և մասնագիտական կարևոր աղբյուրներ կլսեք այս #StaffTalks-ում։
Անի Թորանյան
Մեր հաջորդ #StaffTalks-ի հյուրն է Ani Toranian-ը ՝ ՀՀ ամենացանկալի գործատուներից մեկի՝ PicsArt Armenia-ի Թրեյնիգների և զարգացման մենեջերը։
Անին բավականին մեծ փորձ ունի այս ոլորտում, և սիրով խոսել է այնպիսի թեմաների շուրջ, ինչպիսիք են՝
Ընկերություններում թրեյնինգների հաջող կազմակերպման նախապայմանների մասին։
Ընկերություններում առկա թրեյնինգների կարիքները բացահայտելու մասին։
Ինչպիսի չափանիշներ կարելի է կիրառել թրեյնինգի արդյունավետությունը գնահատելու համար:
Ընկերությունում մասնագետի զարգացման ինչպիսի այլընտրանքային մեթոդներ կան և այլն։
Անդրեյ Պանով
Անդրեյը բավականին մեծ աշխատանքային փորձ ունի ՄՌԿ ոլորտում, ղեկավարել է միջազգային տարբեր ընկերությունների ՄՌԿ գործառնությունները, ուսանել է Լոնդոնի Քինգսթոն hամալսարանում։
Succession planning – աշխատակիցների զարգացման ռազմավարությունը,Ինչպիսի առանձնահատկություններ է պետք հաշվի առնել անձնակազմի պլանավորման և զարգացման առավել արդյունավետ գործընթացներ ներդնելու համար։Վարս Վարդանյան
Շարունակելով #StaffTalks-ի ավանդույթը` մեր շատ սիրելի Անի Մերուժանի Մարգարյանի հետ հյուրընկալել ենք PicsArt Armenia-ի ՄՌԿ ղեկավար Vars Vardanyan-ին։
Վարսն անդրադարձել է ՄՌԿ կարևորագույն թեմաներից մեկին՝ #EmployerBranding-ին (գործատուի բրենդավորմանը), կիսվել պիկսարտյան փորձով և պրակտիկ խորհուրդներով։
Ասյա Սարգսյան
Նախորդ տարվա #StaffTalks նախագծի մեր վերջին հյուրը VTB BANK (ARMENIA)-ի ՄՌԿ ղեկավար Asya Sargsyan-ն է։ Քննարկման թեման Գործատուի Բրենդավորումն է։ Առանձնացնում ենք մի քանի կարևոր միտք.
ցանկացած ՄՌԿ մասնագետ, որը ցանկանում է հաջողության հասնել պետք է մտածի՝ որն է իր ընկերության այն արժեքը, որն առանձնացնում է մյուսներից,
գործատուի բրենդավորման համար պատասխանատու են բոլոր աշխատակիցները՝ սկսած մաքրուհուց մինչև գործադիր տնօրեն, սակայն ուղղությունը տալիս է ՄՌԿ-ն,
այս պրոցեսը սկսվում է ներսից՝ քո վերաբերմունքից դեպի քո աշխատակիցը. եթե վերաբերվես նրանց ուղղակի որպես կադր, ապա վերջիններս հենց այդպես էլ կաշխատեն, սակայն, եթե առկա է մարդակենտրոն վերաբերմունք, ապա կարող ենք ասել, որ բրենդավորման առաջին քայլն արված է։
Առհասարակ մեր նպատակն է, որ ՎՏԲ բանկի աշխատակիցներն իրենց երջանիկ զգան։
3 կարևոր Խորհուրդ ՄՌԿ-ում առաջին քայլեր անողների համար.
- ՄՌԿ ոլորտը քո ճանապարհն է, եթե սիրում ես մարդկանց և պատրաստ ես ծառայել նրանց:
- Պետք է կարողանալ օգտվել թվերից և աշխատել մեծ տվյալների հետ:
- Կարևոր է ունենալ ծրագրավորման և տեխնոլոգիաների որոշակի գիտելիքներ․ սա ապագայի հրամայականն է։
2019թ․-ին #StaffTalks վիդեո բլոգերի շարքը կհամալրվի նոր թողարկումներով, որի շրջանակներում կքննարկենք HR ոլորտին առնչվող տարաբնույթ թեմաներ։
