Այցելություն Սինոփսիս Արմենիա. Ինչպիսի՞ն է տեխնոլոգիական հսկան իր աշխատակիցների աչքերով

Հյուսիսային Ամերիկա

Եվրոպա

Ասիա

Հարավային Ամերիկա

ԹԱՓՈՒՐ ԱՇԽԱՏԱՆՔՆԵՐ

Այս անգամ staff.am-ի թիմն այցելել էր Սինոփսիս Արմենիա ծանոթանալու ընկերության աշխատակիցների հետ, զրուցելու ընկերության առավելությունների մասին և մեր ընթերցողին հնարավորինս մանրամասն ներկայացնելու ՏՏ այս հսկայի գործունեությունը Հայաստանում։

Եթե ասենք, որ շատ տպավորված ենք ինչպես ընկերության փորձառու և բարձր որակավորում ունեցող աշխատակիցներով, այնպես էլ Սինոփսիսի կորպորատիվ մշակույթով, նշանակում է ոչինչ չասել ընդհանրապես։ Ինժեներական մտքի այսքան մեծ կոնցենտրացիա մեկ վայրում դժվար է գտնել հայկական մեկ այլ ընկերությունում։ Բազմաթիվ աշխարհահռչակ ընկերություններ IoT ոլորտում օգտվում են հենց Սինոփսիսի արտադրանքից՝ սկսած նախագծումից մինչև թողարկում։ Միկրոսխեմաների արտադրության որակի կառավարման գործընթացից մինչև սիլիկոնային չիպերի նախագծում՝ հայ մասնագետներն ունեն իրենց նորարարությունները։ Սինոփսիսը նաև կրթօջախ է, որն արդեն ավելի քան 1000 շրջանավարտ է տվել՝ մրցունակ մասնագետներ ոչ միայն ՀՀ-ում, այլ նաև երկրի սահմաններից դուրս։

Սինոփսիս ընկերությունը սկսել է իր գործունեությունը Հայաստանում 2004 թ.-ից: Այժմ ունենալով ավելի քան 700 որակյալ հայ մասնագետ՝ Սինոփսիսը Հայաստանի ՏՏ ոլորտի խոշորագույն գործատուներից մեկն է։ Սինոփսիսի տեխնոլոգիաները գտնվում են այնպիսի նորարարությունների սրտում, որոնք փոխում են մեր ապրելակերպն ու աշխատանքը. IoT, ինքնավար ավտոմեքենաներ, «Smart» բժշկական սարքեր, ապահով ֆինանսական ծառայություններ, մեքենայական ուսուցում և այլն: Այս առաջխաղացումները մեզ բերում են մի այնպիսի դարաշրջան, որ Սինոփսիսում անվանում են` Smart, Secure Everything, որտեղ սարքերն էլ ավելի խելացի են, ամեն ինչ կապված է ներքին ցանցով, ամեն ինչ պետք է ապահով լինի, և տեխնոլոգիայի այս նոր դարաշրջանի դինամիկան առաջադեմ սիլիկոնային չիպերն են: Սինոփսիսը` Smart, Secure Everything– ի համաշխարհային առաջատարն է, սիլիկոնային չիպերի նախագծման, ստուգման, IP ինտեգրման եւ կիրառման անվտանգության ստուգման համար, իր լավագույն գործիքներով:

Դե ինչ սկսենք․

Գագիկ Սուքիասյան, Quality Engineering Manager

Արփի Հովհաննիսյան, Analog & Mixed Signal Layout Design Manager 

[/one_third]

Հակոբ Բազոյան, Senior R&D Manager 

Սինոփսիսում շատ են կարևորում work-life balance-ը ևանհրաժեշտության դեպքում կարող ես անձնական գործերիդ համար ժամանակ հատկացնել։

Սինոփսիսն իմ առաջին գործատուն է, համալսարանն ավարտելուց հետո անմիջապես աշխատանքի եմ ընդունվել որպես Որակի Ապահովման (QA) Ճարտարագետ։ Մի քանի տարի անց արդեն ղեկավարում էի QA թիմը, իսկ այժմ, պատասխանատու եմ նաև ծրագրային կառավարման, configuration management-ի և web development-ի փոքր նախագծերի համար։

Ինչ ենք մենք անում. բոլոր սմարթֆոններում կան միկրոսխեմաներ, այդ միկրոսխեմաները մինչև արտադրվելը և սիլիկոնի վրա տեղադրվելը պետք է նախ նախագծվեն։ Քանի որ գործ ունենք շատ թանկ տեխնոլոգիաների հետ, նախագծման փուլի համար մարդիկ ոչ թե ֆիզիկապես են նախագծում միկրոսխեմաները, այլ իրականացնում են ծրագրային ապահովման միջոցով։ Մեր դեպարտամենտը հենց այդ ծրագիրն է ստեղծում, որն էլ վաճառվում է ինչպես Սինոփսիսի հաճախորդներին, այնպես էլ օգտագործվում է հենց Սինոփսիսում։

Նման ծրագրային ապահովման վրա աշխատելու համար մասնագետը պետք է ունենա շատ սպեցիֆիկ գիտելիքներ, դրա համար մեր թիմի նոր անդամները հիմնականում գալիս են Սինոփսիսի կրթական դեպարտամենտից, որտեղ արդեն ձեռք են բերում գիտելիքներ չիպ դիզայնի և այլ նման ոլորտների վերաբերյալ։ Սա, իհարկե, չի նշանակում, որ թիմում չեն կարող ընդգրկվել մասնագետներ այլ ընկերություններից։ Եթե մարդն ունի ստեղծարար մտածողություն, բավականին հեշտ է բազային գիտելիքներ տալը և սովորեցնելը։ Նշեմ, որ շատ ենք կարևորում ալգորիթմիկ մոտեցումը, մենք չունենք coder-ներ, ովքեր ուղղակի կոդ են գրում, մեր մասնագետները բավականին հետաքրքիր մարտահրավերների են հանդիպում և լուրջ խնդիրներ լուծում, որոնք էլ իսկապես բարձրացնում են մասնագետի որակավորումը։ Հաշվի առնելով, որ այն նոր տեխնոլոգիաները, որոնցով մենք աշխատում ենք Հայաստանում շատ քիչ ընկերություններում են կիրառվում (օր.` 7/5 նանոմետր), ինժեների համար իսկապես հետաքրքիր հնարավորություններ են բացվում մեզ մոտ:

Սինոփսիսը նման է հսկայական մեխանիզմի, որն անընդհատ շարժման մեջ է։ Այս ընկերությունում աշխատելու առավելություններից մեկն այն է, որ դու իսկապես զգում ես քեզ ինչ-որ մեծ ու կարևոր կառույցի մի մաս, և այն ինչ անում ես ամեն օր քո աշխատանքում միանշանակ կարևոր է հսկայական այդ մեխանիզմը շարժման մեջ պահելու համար։ Աշխատանքիդ ընթացքում շփվում ես Սինոփսիսի միջազգային թիմերի հետ՝ ԱՄՆ-ից, Հնդկաստանից, Չինաստանից և այլն։ Այս շփումը շատ կարևոր է ինձ համար, քանի որ ես ծանոթանում եմ տարբեր մշակույթների, մտածելակերպերի հետ, մարդիկ ովքեր ունեն տարբեր գիտելիք, որոնք դու ցանկության դեպքում կարող ես վերցնել։ Այսինքն` փաստացի մենք սովորում ենք ոչ միայն Հայաստանի լավագույն մասնագետներից, այլ նաև Սինոփսիսի այլ երկրների մեր կոլեգաներից։

Գագիկը նշեց, որ Սինոփսիսում շատ են կարևորում work-life balance-ը, և անհրաժեշտության դեպքում կարող ես անձնական գործերիդ համար ժամանակ հատկացնել։

Այս ոչ խիստ գրաֆիկը բերում է նրան, որ մենք մեր հիմնական աշխատանքը կատարելուց հետո ժամանակ ունենալու դեպքում զբաղվում ենք նորարարությամբ: Oրինակ, չնայած նրան, որ մենք թեստինգ թիմ ենք, բայց նաև ծրագրավորմամբ ենք զբաղվում և սկսել ենք ծրագրային ապահովում ստեղծել, որն օգնելու է թեստավորման աշխատանքներին։

Վստահորեն կարող եմ ասել, որ անկախ նրանից՝ կին ես, թե տղամարդ, այստեղ կարիերայի առաջխաղացման կոնտեքստում կարևոր են մարդկային արժեքները, մասնագիտական պատրաստվածությունը և աշխատանքին նվիրվածությունը։

Ես Սինոփսիսի կրթական բաժնի շրջանավարտ եմ և ընկերությանն եմ միացել, երբ դեռ ուսանող էի։ Այս ընթացքում երբեք ցանկություն չեմ ունեցել որևէ այլ ընկերությունում աշխատելու, քանի որ շատ գնահատում եմ այն հնարավորությունները, որոնք ունեմ այստեղ, աշխատանքային այն մթնոլորտը, որն առկա է մեր ընկերությունում։ Այսօր զբաղեցնում եմ ղեկավար պաշտոն և աշխատանքիս միշտ վերաբերվել եմ շատ լուրջ, այն ինձ օգնել է կայանալ ինչպես մասնագիտական, այնպես էլ ֆինանսական տեսանկյունից։ Վստահորեն կարող եմ ասել, որ անկախ նրանից՝ կին ես, թե տղամարդ, այստեղ կարիերայի առաջխաղացման կոնտեքստում կարևոր են մարդկային արժեքները, մասնագիտական պատրաստվածությունը և աշխատանքին նվիրվածությունը։

Վստահորեն կարող եմ ասել, որ մեր թիմն առաջատար տեղ է զբաղեցնում ոլորտում, ունենք այնպիսի բարձրակարգ մասնագետներ, որոնց շնորհիվ քայլում ենք ժամանակակից տեխնոլոգիաներին համահունչ։ Մեր թիմն առաջիններից է, ով սկսում է կիրառել այն նորագույն տեխնոլոգիաները, որոնք ամբողջ աշխարհում զբաղեցնում են առաջատար դիրքեր։ Սերտորեն աշխատում ենք Հնդկաստանի և ԱՄՆ-ի հետ, ինչը մեզ թույլ է տալիս ծանոթանալ աշխատանքային իրենց մշակույթին, ապահովում է փորձի փոխանակում։ Նման շփումը և միջազգային թիմում աշխատելը դրական ազդեցություն է ունենում նաև անհատի վրա՝ ապահովելով մասնագիտական աճ։

Տոպոլոգիան իրականում ստեղծագործ աշխատանք է։ Որպես անալոգիա կարող եմ հետևյալ օրինակը բերել․ ունենք դատարկ սենյակ, որը պետք է հնարավորինս օպտիմալ և խիտ դասավորել, որպեսզի լուծվեն մեր առջև դրված կոնկրետ խնդիրներ։ Հիմա պատկերացրեք այդ նույն խնդիրը, բայց արդեն տրանզիստորների մակարդակով։ Նման աշխատանքն ունի շատ նրբություններ, բավականին ծանրաբեռնված աշխատանք է, քանի որ այսօրվա տեխնոլոգիաներն ունեն իրենց բարդությունները, որոնք պետք է հասկանալ և վերածել <<աշխատող>> դիզայնի։

Նշեմ, որ ամբողջ աշխարհում Սինոփսիսը մեկ հարկի տակ է հավաքել շատ խելացի և բանիմաց ինժեներների, և ուրախ եմ, որ մենք էլ Հայաստանում այդ ներուժի մի մասն ենք կազմում։

Շատ հաճախ հայկական թիմը հանդես է գալիս առաջարկություններով, որոնք ի վերջո ընդունվում են և արդեն նոր տեխնոլոգիայի տեսքով ներկայացվում ամբողջ աշխարհում։ Սա շատ մեծ մոտիվացիայի աղբյուր է իրականում մեր մասնագետների համար։ Մյուս կողմից էլ Սինոփսիսն ամբողջ աշխարհում օգտվում է միայն նորագույն տեխնոլոգիաներից, դրա օրինակ է այն, որ մեր կողմից Հայաստանում նախագծված չիպերն օգտագործվում են Samsung-ի և Huawei-ի կողմից։

Իմ թիմն ընդլայնվում է և նոր մասնագետների կարիք միշտ կա։Նորեկների համար ստեղծված են բոլոր պայմանները։ Նոր թիմակիցների համար առկա են բոլոր գործիքներն ու ռեսուրսները, որոնք օգնում են նրանց կայանալ մասնագիտական առումով։ Աշխատավայրում փոխհարաբերությունները նույնպես շատ լուրջ հիմքերի վրա են դրված, չկան հիերարխիկ տարբերություններ, բոլորն ազատ են իրենց կարծիքը հայտնելու մեջ, առհասարակ, Սինոփսիսը, լինելով տեխնոլոգիական կազմակերպություն, շատ մեծ տեղ է տալիս մարդկային գործոնին։

Ամենամեծ առավելությունը, որ կցանկանամ նշել ուսանողների համար, այն է, որ այստեղ ձեռք են բերում համապարփակ գիտելիքներ ոչ միայն դիզայնի վերաբերյալ։ Ի վերջո, մեր մասնագետները մրցունակ են ոչ միայն Հայաստանում, այլ նաև դրանից դուրս։

Սինոփսիսը որպես գործատու շատ առավելություններ ունի․ կնշեմ մի քանիսը։ Շատ գնահատում եմ կայունությունը, հանգստությունն ու պաշտպանվածությունը շատ խնդիրներից՝ բժշկական, սոցիալական և այլն։ Մասնագիտական տեսանկյունից մենք աշխատում ենք վերջին տեխնոլոգիաներով, տեղյակ ենք բոլոր նորություններից, աշխատում ենք ամբողջ աշխարհում հայտնի այնպիսի ընկերությունների հետ, ինչպիսիք են Samsung, QualComm, TSMC, ST Microelectronics, և այլն, որոնք համաշխարհային մասշտաբով թելադրում են այս ոլորտի զարգացման միտումները:

Սկսել եմ HPL ընկերությունից, իսկ Սինոփսիս Արմենիային միացել եմ 12 տարի առաջ, երբ վերջինս ձեռք բերեց HPL ընկերությունը: Մասնագիտական տեսանկյունից աշխատել ենք նույն պրոդուկտի վրա, որն այժմ այն հիմնական պրոդուկտներից է, որը Սինոփսիսը վաճառում է իր հաճախորդներին ամբողջ աշխարհում։ Հպարտությամբ կարող եմ նշել, որ մեր պրոդուկտը միակն է, որն ամբողջությամբ ստեղծվել է Հայաստանում մեր թիմի կողմից, և հիմնական թիմի կորիզը դեռ շարունակում է աշխատել ընկերությունում։

Այն իրենից ներկայացնում է բավականին բարդ ծրագրային փաթեթ։ Պատկերացրեք միկրոսխեմաների արտադրության գործընթացը, որն ինքնին շատ բարդ է, իսկ այն ծրագիրը, որը մենք ստեղծել ենք և շարունակում ենք կատարելագործել, թույլ է տալիս միկրոսխեմաների նախագծման և արտադրման ցանկացած փուլում առաջացած խնդիրների վերաբերյալ ներբեռնել տվյալներ, մշակել դրանք և օժանդակել հնարավորինս արագ պարզելու, թե ո՞րն է արտադրության օգտակար ելքի նվազման պատճառը։ Մեր ծրագրային ապահովման միջոցով հսկայական քանակությամբ տվյալներ են մշակվում, արտադրանքի բոլոր փուլերից վերցված՝ սկսած նախագծումից մինչև արտադրություն։ Համակարգը, այդ տվյալները մշակելով, թույլ է տալիս գտնել հնարավոր ձախողումների տեղը և հավանական պատճառը: Սա բավականին թանկ ծրագրային փաթեթ է և ունի մրցակցային առավելություն, քանի որ միավորվելով Սինոփսիսի այլ ծրագրային փաթեթների հետ՝ սպասարկում է միկրոսխեմաների արտադրության համարյա բոլոր էտապները, կարողանում է, հավաքագրելով մեծ քանակությամբ բազմազան տվյալներ, մշակել և ավելի արդյունավետ դարձնել արտադրությունը։

Մեր թիմն արդեն 2 տարի է հաջողությամբ կիրառում է արհեստական բանականության ալգորիթմեր՝ լուծելով օրինակ հետևյալ խնդիրը. Ենթադրենք 1 ամսվա ընթացքում արտադրվում են մեծ քանակությամբ միկրոսխեմաներ․այս գործընթացում բնականաբար կատարվում են հազարավոր թեսթեր (փորձարկումներ), որոնց արդյունքները մարդն ի վիճակի չէ մշակել անհրաժեշտ ժամանակահատվածում։ Ավտոմատացված համակարգը, օժանդակելով մարդուն նեյրոնային ցանցերի կամ այլ տեխնոլոգիաների կիրառմամբ, կարողանում է արդյունքները դասակարգել ըստ պարամետրերի, կոնֆիգուրացիաների և ձախողումների, բացահայտելով, օրինակ, նոր ինչ-որ խնդիր, որը նախկինում չէր նկատվել և առավել մանրամասն ուսումնասիրելու կարիք ունի մասնագետների կողմից։

Հակոբից տեղեկացանք, որ թիմն ընդգրկում է մասնագետներ` ծրագրավորման և որակի վերահսկման ոլորտներից։ Թիմում ընդգրկված են նաև փորձնակներ (intern-եր), ովքեր սովորում են և աշխատում, և, իհարկե, վարձատրվում դրա համար։

Սինոփսիսը որպես գործատու շատ առավելություններ ունի․ կնշեմ մի քանիսը։ Շատ գնահատում եմ կայունությունը, հանգստությունն ու պաշտպանվածությունը շատ խնդիրներից՝ բժշկական, սոցիալական և այլն։ Մասնագիտական տեսանկյունից մենք աշխատում ենք վերջին տեխնոլոգիաներով, տեղյակ ենք բոլոր նորություններից, աշխատում ենք ամբողջ աշխարհում հայտնի այնպիսի ընկերությունների հետ, ինչպիսիք են Samsung, QualComm, TSMC, ST Microelectronics, և այլն, որոնք համաշխարհային մասշտաբով թելադրում են այս ոլորտի զարգացման միտումները, այսինքն, աշխատելով Սինոփսիս Արմենիա-ում, ինքդ քեզ զգում ես այդ մեծ համայնքի մի մասը, այն ինչով դու զբաղվում ես ամեն օր, արտացոլվում է գլոբալ մակարդակով որևէ նոր արտադրանքի կամ պրոդուկտի կոնտեքստում։

Հակոբի հետ խոսեցինք նաև իր թիմում ընդգրկվել ցանկացող թեկնածուների տեխնիկական պատրաստվածության և այն մասնագիտական պահանջների մասին, որոնք առկա են։

10-15 տարի առաջ մասնագետ համարվելու և մեր թիմը համալրելու համար բավարար էր ծրագրավորման որևէ լեզվին տիրապետելը, սակայն ժամանակները փոխվել են և պահանջները՝ նույնպես։ Այսօր մասնագետը պետք է տիրապետի առնվազն 2 դիսցիպլինայի, օրինակ` հարցազրույցի ժամանակ մեծ ուշադրություն ենք դարձնում ֆունդամենտալ գիտելիքների վրա, ինչպիսիք են՝ մաթեմատիկան, ֆիզիկան, անալիտիկ ունակությունների վրա և այլն։ Ուղղակի տիրապետել որևէ ծրագրավորման լեզվի բավարար չէ, քանի որ այստեղ մեր առջև դրվում են բարդ ծրագրավորման և գիտական խնդիրներ, որոնց լուծում տալու դեպքում է միայն մասնագետը զարգանում և մեկ քայլ առաջ գնում։

Աստղիկ Պողոսյան, R&D Manager

Լիլիթ Խաչատրյան– Market Research Manager

Աշխատանքը մեր թիմում շատ հետաքրքիր է այն մասնագետների համար, ովքեր իսկապես ցանկանում են խորը գիտելիքներ ձեռք բերել C++ ինժեներության մեջ, քանի որ հիմնովին ուսումնասիրում ենք և նաև սովորեցնում այդ տեխնոլոգիան։ 

Իմ թիմը R&D (Research and Development) –ով է զբաղվում, և իմ պարտականությունների մեջ ոչ միայն թիմի ղեկավարումն է որպես people manager, այլ նաև պատասխանատու եմ տեխնիկական մենեջմենթի համար։

Սինոփսիսում գնահատում եմ կայունությունը, որը վերաբերվում է ոչ միայն Սինոփսիս Արմենիային, այլ առհասարակ Սինոփսիսին՝ որպես կառույց։ Ընկերությունը դինամիկ աճ է ապրում՝ անընդհատ նորություններ ներկայացնելով։ Բացի դրանից շատ եմ կարևորում մարդկային արժեքները, որոնք մեր ընկերությունում իսկապես բարձր մակարդակի վրա են դրված։ Վստահորեն կարող եմ ասել, որ անհատն անկախ իր զբաղեցրած պաշտոնից, իր ձայնը կարող է հասանելի դարձնել՝ դրանով իսկ ապահովելով մասնագիտական աճ։

Մասնագիտական տեսանկյունից մենք օգտագործում ենք C++-ը, որպես օբյեկտ կողմնորոշված ծրագրավորում (OOP), որպես տվյալների կառուցվածք: Մենք չենք դիտարկում C++-ը որպես գործիք, այլ կարևորում ենք դրա կատարողականությունը, կայունությունը և այլն։ Առնչվում ենք բավականին բարդ ալգորիթմերի հետ։

Աստղիկից հետաքրքրվեցինք՝ արդյո՞ք նոր թիմակիցների ռեքրութմենթն արվում է ընկերության այլ ստորաբաժանումներից, կրթական դեպարտամենտից, թե այլ ընկերություններից նույնպես:

Աշխատանքը մեր թիմում շատ հետաքրքիր է այն մասնագետների համար, ովքեր իսկապես ցանկանում են խորը գիտելիքներ ձեռք բերել C++ ինժեներության մեջ, քանի որ հիմնովին ուսումնասիրում ենք և նաև սովորեցնում այդ տեխնոլոգիան։ Շատ հաճախ ունենում ենք դեպքեր, երբ այլ տեխնոլոգիայով արդեն իսկ աշխատանք ունեցող երիտասարդը ցանկություն է հայտնում տեղափոխվել մեր թիմ, իսկ նպատակը հենց այս տեխնոլոգիայում իսկապես հմտանալն է։ Նման դեպքերի համար Սինոփսիսում առկա է ներքին տեղափոխությունների հնարավորություն նոր տեխնոլոգիաներ սովորել ցանկացողների համար։

Աստղիկը նշեց նաև, որ բավականին հետաքրքիր է աշխատել տարբեր երկրներում գտնվող այլ թիմերի հետ։

Օրվա ընթացքում կարող ենք շփվել մի քանի արտերկրյա թիմերի հետ՝ Կանադայից, ԱՄՆ-ից, Թայվանից, Հնդկաստանից և այլն։ Իհարկե, մարտահրավերներ ունենում ենք, հիմնականում պայմանավորված ժամային տարբերությամբ, բայց, այնուամենայնիվ, շատ հետաքրքիր է նման բազմամշակութային աշխատանքային մթնոլորտը։

Մեր հաջորդ զրուցակիցը Լիլիթ Խաչատրյանն է, ով Սինոփսիսի Հայաստանյան գրասենյակի շուկայական հետազոտությունների բաժնի ղեկավարն է։

Շատ եմ գնահատում այն, որ ամբողջ Սինոփսիսի մակարդակով մեր թիմն իրականացնում է կարևոր ռազմավարական աշխատանք։ Միանշանակ Սինոփսիսը խորհուրդ կտայի ընկերներիս, քանի որ կորպորատիվ մշակույթն այստեղ իսկապես հիմնված է մարդկային հարաբերությունների վրա, իսկ այն արժեքները, որոնք առկա են կազմակերպությունում, իսկապես ծառայում են իրենց նպատակին։

Սինոփսիսի շուկայական հետազոտություններով զբաղվող թիմը Հայաստանում ստեղծվեց 2008 թվականին՝ գտնվելով Սինոփսիսի Կորպորատիվ Մարքետինգի ենթակայության ներքո։ Ինձ հնարավորություն ընձեռնվեց լինել առաջինը այդ նորաստեղծ թիմի անդամներից և հաջողությամբ զարգացնել ու ընդլայնել թիմը Հայաստանում։ Ժամանակի ընթացքում, փորձնական հիմունքների վրա ստեղծված թիմը կարողացավ ապացուցել վստահելի մասնագետների առկայությունն այս բնագավառում նույնպես և էապես մեծացնել թիմի գործառույթները Հայաստանում։ Այն, որ հիմնական հետազոտությունները կատարվում են Հայաստանյան թիմի կողմից և բազում բիզնես որոշումներ հիմնվում են մեր կողմից հրապարակված հետազոտական արդյունքների և տեղեկատվության հիման վրա, արդեն իսկ ոգևորիչ է: Մենք գիտակցում ենք մեր կողմից կատարված աշխատանքի կարևորությունն ու նշանակությունը, ինչպես նաև բարձր գնահատում Սինոփսիսի տարբեր բիզնես միավորումների վստահությունը Հայաստանյան թիմի հանդեպ։

Օգտագործում ենք տարբեր գործիքներ, ունենք հասանելիություն դեպի տվյալների տարբեր բազաներ, որոնց օգնությամբ էլ անց ենք կացնում մեր հետազոտությունները թիրախային շուկաներում։ Հաճախորդների հարցումների համար օգտագործում ենք հատուկ համակարգեր, որոնցով իրականացնում ենք ինչպես ներքին, այնպես էլ արտաքին հարցումներ։ Մասնավորապես, իրականացնում ենք ամենամյա Synopsys Global User Survey-ն, որի միջոցով կազմակերպությունը հավաքագրում է կարևոր տեղեկատվություն իր սպառողների գոհունակության, առկա խնդիրների և նպատակների վերաբերյալ և կատարում համապատասխան վերլուծություններ։

Լիլիթից տեղեկացանք, որ ամենադժվար հետազոտություններն իրականացվում են այն շուկաներում, որտեղ կա լեզվական խոչընդոտ, օրինակ՝ Ճապոնիա, Չինաստան․ սակայն այդ հարցին նույնպես հնարավոր է լինում լուծում տալ` դիմելով տվյալ երկրում առկա Սինոփսիսի գրասենյակների օգնությանը։

Ունենք պարբերաբար կրկնվող նախագծեր, սակայն շատ են նաև այն նախագծերը, որոնք իրականացնում ենք առաջին անգամ։ Այս զանազանությունը մեր աշխատանքն իսկապես հետաքրքիր է դարձնում, ինչպես նաև հնարավորություն տալիս մշտապես սովորել ու զարգանալ՝ իրականացնելով հետազոտություններ տարբեր բնագավառներում։

Լիլիթին խնդրեցինք ներկայացնել վերջերս իրականացված որևէ հետաքրքիր հետազոտական նախագիծ։

Գաղտնիք չէ, որ Սինոփսիսը զարգանում է նոր ուղղությամբ, և այժմ, EDA և IP շուկայում ներկայությունից բացի, ընկերությունը մուտք է գործում ծրագրային ապահովման որակի և անվտանգության շուկա՝ ձեռք բերելով ծրագրային ապահովմամբ զբաղվող մի շարք ընկերություններ։ Այժմ մեր թիմը զբաղվում է նոր շուկայում Սինոփսիսի հետաքրքրության շրջանակներում գտնվող ընկերությունների վերաբերյալ հետազոտություններ իրականացնելով։ Շատ հետաքրքիր նախագիծ է, և ունի գլոբալ ծածկույթ։

Լիլիթի հետ խոսեցինք Սինոփսիսի կողմից տրվող առավելությունների մասին։

Շատ եմ գնահատում այն, որ ամբողջ Սինոփսիսի մակարդակով մեր թիմն իրականացնում է կարևոր ռազմավարական աշխատանք։ Միանշանակ Սինոփսիսը խորհուրդ կտայի ընկերներիս, քանի որ կորպորատիվ մշակույթն այստեղ իսկապես հիմնված է մարդկային հարաբերությունների վրա, իսկ այն արժեքները, որոնք առկա են կազմակերպությունում, իսկապես ծառայում են իրենց նպատակին։

Սիոփսիսում staff.am-ի թիմն առիթ ունեցավ զրուցելու ոչ միայն փարձառու մասնագետների, այլ նաև ընկերությունում ինթերնշիփի ծրագրի մասնակիցների հետ։

Շատ հետաքրքիր էր լսել երտասարդ սերունդի ներկայացուցիչներին, ովքեր մեծ խանդավառությամբ խոսում էին իրենց աշխատանքային առօրյայի, Սինոփսիսում ապագա ծրագրերի, ինչպես նաև այն առավելությունների մասին, որոնք տրամադրվում են ընկերության ամենաերիտասարդ կադրերին։

Մարիա

[/one_fifth][one_fifth]

Կարեն

Տաթևիկ

[/one_fifth][one_fifth]

Մանվել

[/one_fifth][one_fifth_last]

Սերգեյ

Ես միացել եմ Սինոփսիսին որպես Փորձնակ 2017թ․դեկտեմբերին, Hardware Release թիմ: Մեր բաժինը պատասխանատու է հաճախորդին ուղարկվող արտադրանքի լիարժեք և ավարտուն փաթեթի համար։ Որոշել եմ կարիերաս սկսել Սինոփսիսում, քանի որ տեսնում եմ այն հնարավորությունները, որոնք տրվում են այս ընկերությունում թե՛ գիտելիքի ձեռքբերման, թե՛ կարիերայի աճի կոնտեքստում։ Նաև սովորում եմ Պոլիտեխնիկական համալսարանի չորրորդ կուրսում և ստացվում է համատեղել internship-ն ուսման հետ։ Նշեմ, որ մինչ Սինոփսիսին միանալը եղել եմ փորձնակ մեկ այլ կազմակերպությունում, սակայն այստեղ աշխատանքային միջավայրը շատ է տարբերվում, մարդիկ իսկապես շատ ընկերասեր և պատրաստակամ են։ Չնայած որ ինձ շատ դուր է գալիս ներկայիս իմ թիմը և այն աշխատանքը, որում ներգրավված եմ, սակայն որպես մասնագետ ուսումնասիրել եմ RTL, Verilog, HDL ծրագրավորման լեզուները և կարիերայիս զարգացման տեսանկյունից հնարավոր է ապագայում ընտրեմ հենց այդ ուղղությունը։ 

Սինոփսիս եմ տեղափոխվել այլ ընկերությունից, քանի որ ցանկանում եմ ունենալ մասնագիտական առաջընթաց։ Արդեն ավելի քան 1 տարի է փորձնակ եմ և սպասումներս իրականացել են, քանի որ իսկապես զգում եմ, որ ունեմ մասնագիտական աճ. այն ծրագրերը, որոնք ուսումնասիրել եմ այստեղ, ավելի ծավալուն են և բազմազան։ Սինոփսիսը որպես գործատու շատ առավելություններ ունի, և նույնիսկ փորձնակներն են օգտվում որոշ արտոնություններից, օրինակ` ես ֆուտբոլ եմ խաղում և շատ եմ գնահատում, որ ընկերությունը տրամադրում է սպորտային փաթեթ և անվճար մարզվելու նման հնարավորություն ։

Շատ ուրախ եմ, որ internship-ն անցնում եմ հիշողությունների նախագծմամբ զբաղվող NVM թիմում, և արդեն ավելի քան 3 ամիս է Սինոփսիսում եմ։ Առավելություններից կնշեմ, որ սա միակ կազմակերպությունն է, որն ունի նաև ուսումնական հսկա դեպարտամենտ։ Այն իմ նման երիտասարդներին հնարավորություն է տալիս ամբողջ աշխարհում և ՀՀ-ում այսքան արագ զարգացող ՏՏ ոլորտում ձեռք բերել իսկապես արժեքավոր գիտելիքների հիմք։ Հավատացած եմ, որ կրթական դեպարտամենտը գնալով ավելի է ընդլայնելու իր գործունեությունը և այն ԲՈՒՀ-երի ցանկը, որոնց հետ համագործակցում է: Ես ինքս Պոլիտեխնիկական համալսարանն եմ ավարտել, իսկ այժմ սովորում եմ Սինոփսիսի մագիստրատուրայում՝ համատեղելով ուսումը internship-ի հետ։ Սինոփսիսի ուսումնական դեպարտամենտում սովորելն ավելի հեշտացրեց internship-ի անցնելու գործընթացը։ Բացի ուսումնական դեպարտամենտից, կնշեմ որ անխտիր բոլոր թիմերում շատ լուրջ են վերաբերվում փորձնակներին, օգնում են և իսկապես պատրաստում են ապագա մասնագետներ, իսկ ահա երիտասարդ մասնագետի հետագա առաջխաղացումն իսկապես ամբողջապես կախված է հենց իրենից։

Մոտ 1 տարի intern եմ QA թիմում (Որակի Կառավարում): Ընկերությանը միացել եմ համալսարանն ավարտելուց հետո։ Սինոփսիսում գնահատում եմ այն, որ ընկերությունը ճկուն է, և internship-ը կարող ես համատեղել հոբբիիդ կամ այլ հետաքրքրության հետ։ Օրինակ` ես շատ սիրում եմ նկարել 🙂 Սինոփսիս եմ ընդունվել ընկերներիս խորհրդով, և շատ ուրախ եմ, որ աշխատում եմ նրանց շրջապատում։ Թիմի առումով իսկապես կարող եմ ասել, որ այստեղ աշխատում են զարգացած, ընկերասեր և պատրաստակամ մարդիկ․ նման աշխատանքային մթնոլորտն ամեն տեղ չէ, որ առկա է։ Կցանկանամ նշել, որ այստեղ նախաձեռնություններով հանդես գալը շատ խրախուսվում է. օրինակ՝ մենք հետաքրքիր նախագիծ պետք է իրականացնենք, ընկերության ներսում նկարներ ենք պատկերելու՝ դարձնելով գրասենյակային միջավայրն ավելի հանգստացնող և տրամադրող։ Սա նաև իմ նախաձեռնությունն է և ուրախ եմ, որ շուտով այն կսկսեմ իրագործել։

Ես նույնպես Hardware Release թիմից եմ, արդեն 1 ամիս է Սինոփսիսում եմ, իրականում դեռ չեմ հասցրել լիարժեք ծանոթանալ Սինոփսիսի կառուցվածքին, բայց այս պահին ինձ տեսնում եմ Release թիմում, hետագայում պլանավորում եմ սովորել նաև սկրիպտավորում: Սինոփսիսին միանալու ցանկությունս շատ մեծ է եղել, դեռևս 2 տարի առաջ մասնակցել եմ ընդունելության գործընթացին և դուրս եմ մնացել վերջին փուլից: Այս ընթացքում շարունակաբար աշխատել եմ գիտելիքներս զարգացնելու ուղղությամբ և այսօր արդեն միացել եմ ընկերությանը որպես intern։

Ընկերության կողմից տրամադրվող բենեֆիթների (արտոնությունների) փաթեթը

Բժշկական ապահովագրություն, ոչ միայն աշխատակիցների, և նրանց անմիջական ընտանիքի այլ նաև ծնողների համար

Վճարվող “Sick Leave” օրեր

Բոնուսային համակարգ

Մասնագիտական զարգացման և կարիերայի աճի հնարավորություն

Մասնագիտական թրեյնինգներ. առցանց, լսարանային և արտերկրյա

Emploee Referral, Computer Donation, Welcome bag ծրագրեր

Առողջ ապրելակերպ քարոզող սպորտային փաթեթներ և միջոցառումներ

Կորպորատիվ սոցիալական պատասխանատվության միջոցառումներ

Ճկուն աշխատանքային գրաֆիկ ուսանողների համար

Անգլերեն լեզվի դասընթացներ

Գործուղումներ:

Սինոփսիս ընկերության աշխատանքային առօրյան նկարներում

Դե ինչ ամփոփենք․

Լինելով ՀՀ-ում խոշորագույն ՏՏ ընկերություններից մեկը, Սինոփսիսն իր գործունության տասնյակից ավելի տարիների ընթացքում մեծ ներդրում է ունեցել Հայաստանում ՏՏ ոլորտի զարգացման մեջ՝ կրթելով ինժեներների նոր սերունդներ, ովքեր այսօր հաջողությամբ նոր ծրագրեր են իրականացնում, ոչ միայն հայկական գրասենյակում, այլ նաև ամբողջ աշխարհում։ Սինոփսիսի կողմից ստեղծված պրոդուկտներն ու ծրագրերն, այօսր օգտագործվում են համաշխարհային տեխնոլոգիական հսկաների կողմից։ Իսկ քանի որ ՀՀ գրասենյակը ամենամեծերից մեկն է, ԱՄՆ-ից դուրս, ապա այդ աշխատանքի կարևոր մի մասն էլ իրականացնում են հենց հայ մասնագետները։
Սինոփսիս Հայաստանի գրասենյակ միանշանակ էլի կայցելենք, քանի որ մեկ անդրադարձով հնարավոր չէ ամփոփել ՀՀ ամենախոշոր գործատուներից մեկի աշխատանքային գործունությունը։ Ուրախ ենք, որ ՀՀ-ում ընկերությունը դինամիկ աճ է գրանցում և համալրում է իր թիմը։ Եթե արդեն փորձառու ինժեներ եք, ապա Սինոփսիսն իսկապես նպաստում է անհատի շարունակական մասնագիտական աճին, տրամադրում է մրցունակ աշխատավարձ և արտոնությունների անզուգական փաթեթ։
Իսկ ուսանողներին, ովքեր դեռ չեն կողմնորոշվել ՏՏ ոլորտում ինչ ուղղություն են ցանկանում ընտրել, ապա միանշանակ ուսումնասիրեն այն բոլոր հնարավորությունները, որոնք առկա են իր ոլորտում աշխարհի ամենախոշոր ընկերություններից մեկում։