Staff.am-ի տարին ամփոփ  | Նվաճումներ, նորարարություններ և նոր հորիզոններ

Յուրաքանչյուր տարվա ավարտը բացառիկ հնարավորություն է վերագնահատելու ձեռքբերումները, նշելու լավագույն պահերը և նախանշելու ապագայի ուղին: 2024թ․-ը staff.am-ի համար նվաճումների և աճի տարի էր` հագեցած տարբեր նախաձեռնություններով, նորարարական պրոդուկտներով և տպավորիչ միջոցառումներով։

Այս հաջողությունները հնարավոր դարձան մեր համայնքի՝ գործատուների, մասնագետների և գործընկերների միասնական աշխատանքի ու աջակցության շնորհիվ: 

Հոդվածը սկսենք Staff.am-ի 2024թ․-ը ամփոփող այս հոլովակով՝ ներկայացնելով իհարկե, մի մասն այն ամենի ինչ հասցրինք իրականացնել միասին:

---

staff.am Էկոհամակարգը 2024թ․-ին

 Դեռևս 2023թ․-ին staff.am-ը սկսել էր նոր ճանապարհ՝ հանդես գալով որպես բազմապրոֆիլ էկոհամակարգ։ 2024թ․-ին, շարունակելով այս ուղին, staff.am էկոհամակարգն արդեն երկու ոտքով ամուր կանգնած է գետնին՝ ամրապնդելով իր դիրքերը և իրականություն դարձնելով իր նախանշած տեսլականը։
Staff.am էկոհամակարգի մասին ավելի խոսուն են թվերը՝

staff.am էկոհամակարգի յուրաքանչյուր ուղղություն 2024թ․-ի ընթացքում գրանցել է նշանակալի արդյունքներ և ունեցել արժեքավոր ձեռքբերումներ․

staff.am-ը՝ առաջատար հարթակ

2024-ին staff.am-ը ներկայացավ թարմացված և բարելավված հիմնական էջերով, որոնք ավելի ինտուիտիվ են և հարմար թե՛ գործատուների, թե՛ աշխատանք փնտրողների համար։

Career Factory՝ կարիերայի զարգացման մեր նոր հասցեն 

2024 թվականին Career Factory-ն, staff.am-ի կրթական ուղղությունը, շարունակաբար ընդլայնել է իր գործունեությունը՝ ապահովելով նոր և ժամանակակից ուսումնական հնարավորություններ բիզնեսի և վաճառքի ոլորտներում։ Այս տարվա ընթացքում իրականացվել են Mastering the Sales Game վաճառքի 4 դասընթաց, որոնք հնարավորություն են տվել մասնակիցներին ձեռք բերել խորացված գիտելիքներ և գործնական հմտություններ՝ վաճառքի բոլոր կարևոր ասպեկտներում։

Հոլովակի միջոցով կարող եք զգալ այն տրամադրությունը որ տիրում էր դասընթացի ընթացքում:

Իրականություն դարձավ նաև SalesGame Conf բիզնես միջոցառումը, որը միավորել էր ավելի քան 150 մասնագետների՝ վաճառքի, մարքեթինգի և բիզնեսի զարգացման ոլորտներից։ 

Career Factory-ն ամփոփում է տարին հաջողությամբ՝ համագործակցելով տասնյակ կորպորատիվ գործընկերների հետ և ստեղծելով կրթական միջավայր, որտեղ մասնագետները կարող են մշտապես կատարելագործվել և պատրաստվել աշխատաշուկայի պահանջներին։

Compass by staff.am՝ տվյալահեն որոշումների հարթակ

Compass by staff.am-ը staff.am-ի  վերլուծական ուղղությունն է, որը հնարավորություն է տալիս ընկերություններին ստանալ արժեքավոր տեղեկատվություն աշխատաշուկայի ակտիվության, տարբեր ոլորտներում զարգացման միտումների, միջին աշխատավարձերի և դրանց համեմատության մասին։

 Compass ծառայությունը 2024-ին դարձավ գործատուների կարևոր գործիք՝ առաջարկելով աշխատաշուկայի բենչմարքինգ և արտոնությունների վերլուծություն։ Շնորհիվ այս ծառայության՝ բազմաթիվ կազմակերպություններ կարողացան վերանայել իրենց աշխատավարձային և արտոնությունների համակարգերը՝ հաշվի առնելով ինչպես ներքին, այնպես էլ արտաքին վիճակագրությունը։ 

2024թ․-ին ունեցանք բիզնես նախաճաշ մեր գործընկերների հետ, որի ընթացքում կիսվեցինք Compass by staff.am վերլուծական ծառայության հնարավորություններով և առավելություններով, պատասխանեցինք մեր գործընկերների հարցերին։

2024թ․ի դեկտեմբերին հրապարակվեց նաև staff.am-ի “ՀՀ աշխատաշուկա 2024” թվով ութերորդ զեկույցը, որն իրականացվում է compass by staff.am վերլուծական ուղղության շրջանակներում։

Compass-ի միջոցով մշակված տվյալներն աջակցեցին բիզնեսներին՝ կրճատելով աշխատակիցների հոսունությունը և բարելավելով կառավարչական որոշումները։

staffmedia.am՝ բիզնես, մարդիկ աշխատաշուկա և ոչ միայն

Staffmedia-ն այս տարի դարձավ բիզնեսի առաջխաղացման նոր հարթակ՝ գործատուների բրենդավորման, հեղինակային սյունյակների, բովանդակալից հոդվածների և հայտնի բիզնես գրքերի վերլուծութունների միջոցով։ Հարթակը ոչ միայն պատմում է մարդկանց և բիզնեսի մասին, այլև ներկայացնում էր այն կարևոր թեմաները, որոնք առավել հետաքրքրում են աշխատաշուկայի տարբեր օղակներին։

2024 թվականի ընթացքում հաջողությամբ իրականացրել ենք գործատուի բրենդավորման մի շարք նախագծեր, որոնց շնորհիվ մեր գործընկեր կազմակերպությունները կարողացել են ամրապնդել իրենց դիրքերը որպես գրավիչ գործատուներ և ներգրավել առավել որակյալ մասնագետների:

---

Beyond podcast. Կիսվել, կրթել և ոգեշնչել

Տարին նշանավորվեց staff.am-ի համար նաև   Beyond Podcast– ի մեկնարկով, որը դարձավ յուրօրինակ հարթակ՝ բացահայտելու մարդկանց իրական պատմությունները՝ նրանց մասնագիտական կոչումներից և պաշտոններից այն կողմ։ Beyond Podcast-ը ստեղծվել է՝ որպես որակյալ այլընտրանք սոցիալական մեդիայի մակերեսային բովանդակությանը։ Այն միավորում է տարբեր ոլորտների առաջատար մասնագետների՝ ծրագրավորողներից մինչև բժիշկներ, նկարիչներից մինչև կառավարիչներ, ովքեր իրենց նորարարական մտածելակերպով և համարձակ գաղափարներով իրական փոփոխություններ են բերում մեր հասարակությանը։

Լինելով ուսուցողական և մարքեթինգային արդյունավետ գործիք՝ փոդքասթը մտքերի փոխանակման կենդանի հարթակ է, որտեղ յուրաքանչյուր դրվագ նոր հնարավորություն է՝ սովորելու, ոգեշնչվելու և զարգանալու։  

---

Տարին լի էր հիշարժան իրադարձություններով

Բացի այդ, նոյեմբերի 22-24-ը մասնակցեցինք Engage Armenia 2024 ֆորումին Դուբայում, որտեղ ներկայացրինք մեր տեսլականը Հայաստանի աշխատաշուկայի զարգացման վերաբերյալ։ Ֆորումի ընթացքում քննարկվեցին սփյուռքի ներգրավման հնարավորությունները և համագործակցության նոր ուղիներ Հայաստանի զարգացման համար։

---

Ամենամշակութային staff.am Գալա 2024-ը

---

One team, one dream

Մեր թիմի համար 2024-ը դարձավ լիարժեք նվաճումների, նորարարությունների և գործընկերային աճի տարի։ Այս ամենն իրականություն դարձավ այն մարդկանց շնորհիվ, ովքեր հավատում են մեր առաքելությանը և աջակցում մեր նախաձեռնություններին։

Հոդվածը կցանկանանք ավարտել մեր թիմային միջոցառման վառ հոլովակով, որը ևս մեկ անգամ վկայում է մեր միասնականության և ուժի մասին։ 2025 թվականը մեզ համար սկսվում է մեծ ակնկալիքներով և նոր նախաձեռնություններով՝ վստահությամբ, որ այն կլինի առավել արդյունավետ ու նշանակալի։