2016թ.-ի փետրվարի 6-ին կայացավ staff.am կարիերայի նոր հարթակի առաջին Focus Group-ը, որն անցկացվեց Էրեբունի Պլազա բիզնես կենտրոնում հայկական առաջատար ընկերությունների մարդկային ռեսուրսների կառավարման 12 մասնագետների մասնակցությամբ: Focus Group-ի նպատակն էր staff.am-ի գաղափարը ներկայացնել այն սեգմենտի ներկայացուցիչներին, ովքեր հանդիսանալու են դրա անմիջական օգտագործողը: Մասնակիցներն ընտրված էին տարբեր ոլորտներից, ապահովելու կարծիքների և տեսակետների բազմազանությունը, մասնավորապես HSBC Bank Armenia, SFL, ՀայՓոստ և Կոնվերս Բանկ, IDEA Foundation, Բարսիս ընկերություն, Պարադիգմա Արմենիա, HR խորհրդատվության ոլորտի ներկայացուցիչներ և այլոք:
Focus Group-ը, որը տևեց ավելի քան երեք ժամ, բավականին արդյունավետ էր այն առումով, որ հնարավորություն տվեց staff.am ստարթափ թիմին ևս մեկ անգամ համոզվել, որ նման հարթակը շատ սպասված և կարևոր գործիք կարող է դառնալ հայկական շուկայում: Մասնակիցների հետ արդյունավետ քննարկումների արդյունքում ի հայտ եկան հարթակի գործիքակազմի և ֆունկցիոնալի ուժեղ կողմերը, ինչպես նաև գործիքներ, որոնք հրատապ են մասնագետների համար։
Օրինակ, staff.am-ը աշխատանք փնտրող անհատներին հնարավորություն է տալիս ստեղծել օնլայն CV աշխատաշուկայի միջազգային և ժամանակակից պահանջներին համապատասխան, լրացնել իրենց համառոտ բնութագիրը, գնահատել մասնագիտական ու սոֆթ հմտությունները և դիմել staff.am-ում տեղադրված հայտարարություններին ընդամենը 1 click-ով։ staff.am-ում գրանցված անձիք նաև առավելություն են ստանում առաջինը դիմել տեղադրված աշխատանքի հայտարարություններին՝ ստեղծելով աշխատանքի ծանուցումներ իրենց կողմից նշված տվյալների համապատասխան և այնուհետև հետևելով իրենց դիմումների ընթացքին։
Մյուս կարևոր ֆունկցիան, որը միաձայն ողջունվեց ընկերությունների կողմից, դա Գործատուներին տրամադրվող կառավարման գործիքակազմն է, որը հնարավորություն է տալիս Գործատուներին և Անհատներին շփվել միմյանց հետ անմիջապես staff.am-ի միջոցով, ստեղծել և կառավարել տվյալների բազա կազմված այն Անհատներից, ովքեր ժամանակի ընթացքում դիմել են հայտարարված թափուր աշխատատեղերի համար, և հնարավորություն ունենալ փնտրել նոր աշխատակից հենց այդ տվյալների բազայում:
Ընդհանուր առմամբ, ավելի քան երեք ժամ տևած հանդիպումը շատ դրական և արդյունավետ մթնոլորտում անցավ: Մասնակիցները հայկական նոր ստարթափ թիմին հաջողություն մաղթեցին staff.am հարթակը կյանքի կոչելու գործում:
