Երբևէ զգացե՞ լ եք, որ օրվա ժամերը Ձեզ չեն բավականացնում։ Դուք շտապում եք, շտապում, զբաղված եք ողջ օրվա ընթացքում՝ աշխատանք, երեխաներ, ընտանեկան հոսգեր, սպորտսրահ, և այլն և հույս ունեք, որ կհասցնեք ամենը, իսկ օրվա վերջում պարզվում է, որ առօրյա գործերը լիարժեք կատարված չեն։
Երբեք մի ասա, որ բավարար ժամանակ չունես։ Դու ունես ճիշտ նույնքան ժամանակ օրվա ընթացքում, որքան այն բժիշկները, ովքեր մարդկային կյանքեր են փրկում ամեն օր, այն գիտնականները, ովքեր մարդկության համար կարևոր հայտնագործություններ են կատարել ու կատարում, և այն մարդիկ, ովքեր ամեն օր մարտահրավերներ են նետում անհնարինին, և որոնց շնորհիվ մարդկությունն առաջ է շարժվում:
Հասկանալի է, երբ կյանքը դառնում է ավելի գերհագեցած, անհրաժեշտ է ավելի արագ ընթացք հաղորդել գործերին։ Այս պարագայում, անշուշտ, օգտակար կլինեն ժամանակի կառավարման մի քանի խորհուրդներ։ Ժամանակի կառավարում չի նշանակում բոլոր գործերը ավարտին հասցնել օրվա ընթացքում, այլ որոշել գործերի հրատապությունը և հասցնել ավարտել ամենակարևորները։ Ժամանակը ճիշտ կառավարելով՝ Դուք կկարողանաք նաև հանգստանալ, լիցքաթափվել և ժամանակ գտնել հաճելի մարդկանց շրջապատում ժամանակ անցկացնելու համար:
Շատ մարդիկ կարծում են, որ կարող են արդյունավետորեն տնօրինել իրենց ժամանակը՝ պարզապես մի քանի ժամ քիչ քնելով։ Սա իհարկե լավ միտք է, բայց միայն աշխատանքի արդյունավետությունը նվազեցնելու համար։ Իսկ այժմ, հետևեք մի քանի խորհուրդների, թե ինչպես իսկապես ճիշտ կառավարել ժամանակը։
Հուսով ենք ներկայացված խորհուրդները կօգնեն Ձեզ, գոնե մասամբ ավելի արդյունավետ կառավարել Ձեր ժամանակը: Եթե ինքներդ ունեք Ձեր “know-how”-ն, որի շնորհիվ շատ բաներ եք հասցնում օրվա մեջ, ապա ուրախ կլինենք, եթե կիսվեք մեզ հետ:
