StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել Ucom ընկերության Անձնակազմի hավաքագրման և hամալսարանների hետ hամագործակցության hամակարգող Անի Ակիմյանի օգտակար խորհուրդները CV կառուցման մասին։
ԱՆԻ ԱԿԻՄՅԱՆ
Ucom LLC
Recruitment and University Partnership Coordinator
CV-ի կառուցվածքից և բովանդակությունից կախված է առաջին տպավորությունը ձեր մասին որպես մասնագետի: Պետք է միշտ հիշել, որ փորձառու Անձնակազմի հավաքագրողին անհրաժեշտ է ընդամենը մեկ րոպե աչքի անցկացնելու ձեր CV-ն և հասկանալու՝ համապատասխանում է ձեր փորձառությունը այս կամ այն հաստիքին, թե ոչ: CV-ն կազմելիս պետք է կարևորել տեղեկության հավաստի լինելը և համապատասխանությունն իրականությանը: Օրինակ՝ եթե շատ տարիներ առաջ ինչ-որ օտար լեզու եք ուսումնասիրել, բայց հիմա basic մակարդակից էլ ցածր է, ապա մի ներառեք դա ձեր CV-ում:
Ինչպիսի՞ կառուցվածք պետք է ունենա CV-ն, որպեսզի մատչելի, ընթեռնելի լինի արագ ուսումնասիրման համար՝
Պետք է մեկ տառատեսակով գրված լինի և միագույն:
Նշված լինի անուն, ազգանուն, բնակության վայրը (քաղաք), բջջային հեռախոսահամարը, էլեկտրոնային հասցեն: (Բնակության վայրը անհրաժեշտ է լինում հաճախ նշել, քանի որ ձեր դիմած ընկերությունում նույն հաստիքը կարող է թափուր լինել մեկ այլ քաղաքում):
Գրել հակիրճ անձնական ներածություն՝ ձեր կարիերայի նպատակները, ձեռքբերումները, երեք կամ չորս ձեզ բնորոշ հմտություններ, որոնք կարող են առանձնացնել ձեզ այլ դիմորդներից: Նաև ինչ սերտիֆիկացիաներ եք ձեռք բերել, օրինակ ` PMP և այլն: Այդ ամենը գրել ներկա ժամանակով և առաջին դեմքով:
Այնուհետև ներկայացնել ձեր աշխատանքային փորձը՝ սկսելով վերջինից: Նշել ընկերության անունը, զբաղեցրած պաշտոնը և ժամանակահատվածը՝ երբ եք աշխատել: Մի քանի կետերով ներկայացնել հիմնական պարտականությունները (աշխատանքային փորձ չունենալու դեպքում կարող եք նշել ձեր կամավորական կամ համալսարանական գործունեությունը/ներգրավվածութ
Կրթության դաշտը նույնպես սկսել վերջինից` նշելով կրթական հաստատության անվանումը, մասնագիտացումը և ժամանակահատվածը:
Նշել ինչ համակարգչային ծրագրերի եք տիրապետում:
Նշել օտար լեզուների իմացությունը և աստիճանը:
Ձեր CV-ն կարող եք եզրափակել հակիրճ ձեր կամավորական և սոցիալական գործունեությամբ:
Չներառել նկար, եթե հայտարարության մեջ նշված չէ։
Պետք է խուսափել գույնզգույն և տարբեր տառատեսակների օգտագործումից:
Պետք չէ ներառել անձնական տվյալներ՝ անձնագիր, ընտանիքի անդամների տվյալներ, օրինակ՝ աշխատավայր։
Պետք չէ նշել նախկին աշխատավարձի չափը և ինչ ֆինանսական ակնկալիքներ ունեք ապագա գործատուից:
