StaffBlog այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել ՎԵՈՆ Արմենիա ընկերության  «3-րդ սերունդ» ստաժավորման ծրագիրը։


Հայաստանում հեռահաղորդակցության առաջատար ընկերություններից մեկը` «ՎԵՈՆ Արմենիա»-ն 1995թ-ից մատուցում է կապի ծառայություններ Հայաստանի ողջ տարածքում, 2008 թ-ից՝ Beeline ապրանքանիշի ներքո: Հանդիսանալով Հայաստանում հեռահաղորդակցության առաջին համակարգի ժառանգորդը` «ՎԵՈՆ Արմենիա»-ն առաջարկում է ժամանակակից ինովացիոն լուծումներ, ներդնելով Հայաստանում համաշխարհային լավագույն չափանիշներ՝ ինչպես հեռահաղորդակցության և թվային տեխնոլոգիաների, այնպես էլ կառավարման, կորպորատիվ մշակույթի և սոցիալական պատասխանատվության ոլորտներում:

«ՎԵՈՆ Արմենիա» -ն աջակցում է Հայաստանում թվային տեխնոլոգիաների և Startup էկոհամակարգի զարգացմանը, այդ թվում՝ Sevan StartUp Summit-ին: Հանդիսանում է Beeline Startup Incubator-ի հիմնադիրը, որի շնորհիվ արդեն իսկ տասնյակ երիտասարդ ստարտափներ կարողացել են իրենց բիզնես գաղափարները զարգացնել մինչև լիարժեք բիզնես լուծումներ:open space in 360 degree

«ՎԵՈՆ Արմենիա»-ն տրամադրում է GSM 900/1800, 3G (UMTS) և 4G (LTE) ստանդարտ շարժական կապի, ամրակցված հեռախոսակապի ծառայություններ, ինչպես նաև ապահովում է ինտերնետ հասանելիություն CDMA, ADSL, FTTB և VDSL տեխնոլոգիաներով:

«ՎԵՈՆ Արմենիա» -ն պատկանում է  աշխարհի հեռահաղորդակցության  խոշորագույն ինտեգրված օպերատորներից մեկի՝ «ՎԵՈՆ» ընկերությունների խմբին (գլխամասային գրասենյակն Ամստերդամում), որն ընդգրկում է հեռահաղորդակցության ընկերություններ 10 երկրներում, որոնք կապի ծառայություններ են մատուցում ավելի քան 240 մլն բաժանորդների: «ՎԵՈՆ» ընկերությունների խմբի բաժնետոմսերը շրջանառվում են NASDAQ և Euronext Amsterdam բորսաներում: Մանրամասներին հնարավոր է ծանոթանալ www.veon.com կայքում:

ՍՏԱԺԱՎՈՐՄԱՆ ԾՐԱԳՐԻ ՄԱՍԻՆ

Շուրջ 12 տարի «ՎԵՈՆ Արմենիա» ընկերությունն իրականացնում է «3-րդ սերունդ» ստաժավորման ծրագիրը: Ծրագրի շնորհիվ երիտասարդները  հնարավորություն են ստանում կիրառել իրենց գիտելիքները` մասնակցելով ռեալ բիզնեսի նախագծերին փորձառու մասնագետների ղեկավարման ներքո, և ձեռք բերել աշխատանքային փորձ Հայաստանի խոշորագույն միջազգային գործատուներից մեկում:

Այս տարիների ընթացքում շուրջ 160 ուսանող անցել է ստաժավորման ծրագիր: Նրանց մեծ մասն այսօր զբաղեցնում է առանցքային պաշտոններ «ՎԵՈՆ Արմենիա» ընկերությունում և ընկերությունից դուրս՝ դառնալով շուկայում պահանջված մասնագետներ տարբեր ոլորտներում՝

Հեռահաղորդակցություն,

Տեղեկատվական տեխնոլոգիաներ,

Մարդկային ռեսուրսների կառավարում,

Ֆինանսներ և գնումներ,

Իրավաբանություն,

Շուկայագիտություն (մարքեթինգ),

Վաճառք և այլն։

Ծրագրի տևողությունը 11 ամիս է, որի ընթացքում ստաժորները նաև վարձատրվում են: Այդ ընթացքում ստաժորներն իրենց մասնագիտական գործունեության հետ համատեղ մասնակցում են անձնային զարգացման դասընթացներին և ընկերության ներքին կյանքին` ծանոթանալով ընկերության կորպորատիվ մշակույթին:

Ծրագիրը յուրօրինակ դարբնոց է, որի շնորհիվ Ընկերության շարքերը շարունակաբար համալրվում են տաղանդավոր, նպատակասլաց և ստեղծարար մտքով լի երիտասարդ կադրերով։

Հաջողության պատմություններով մեզ հետ է կիսվում Քրիստինեն:

Kristine
Քրիստինե Հայրապետյան, Հաճախորդների փորձի բարելավման (NPS) բաժնի ղեկավար
«Սա հիանալի հնարավորություն է կողմնորոշվելու մասնագիտական ուղղվածության ընտրության հարցում և մասնագիտորեն զարգանալ մեր ընկերասեր թիմում: Որպես փորձնակ «Beeline» եկել եմ 2015 թ.՝ լինելով 3-րդ կուրսի ուսանողուհի: Աշխատանք փնտրելիս՝ ուսանողները հաճախ են առնչվում փորձի պակաս ունենալու խնդրին, և ես էլ բացառություն չէի: Ծրագիրն ինձ հնարավորություն ընձեռեց հետաքրքիր նախագծում օգտակար փորձ ձեռք բերել, ինչպես նաեւ ցույց տալ իմ հմտությունները թիմում աշխատելիս»: 

«3-ՐԴ ՍԵՐՈՒՆԴ» ՍՏԱԺԱՎՈՐՄԱՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՀՆԱՐԱՎՈՐՈՒԹՅՈՒՆՆԵՐԸ

Ստաժավորման ծրագրին մասնակցությունը վճարվում է 11 ամիսների ընթացքում։ Արդեն 3 ամիս անց լավագույն ստաժորները թափուր աշխատատեղի առկայության դեպքում ընդունվում են աշխատանքի համապատասխան ստորաբաժանումում։ Ֆինանսական վարձատրությունից զատ ստաժորներն օգտվում են նաև Ընկերության կողմից տրամադրվող լրացուցիչ այլ արտոնություններից (անվճար ծառայողական հեռախոսակապ):

«Վեոն Արմենիա»-ում դու.

ձեռք կբերես աշխատանքային փորձ

կկատարելագործես մասնագիտական հմտություններդ

կաշխատես պրոֆեսիոնալ միջազգային թիմում

կկարողանաս համատեղել ուսումդ աշխատանքի հետ

հնարավորություն կստանաս մասնակցել թրեյնինգների

անցնել աշխատանքի «Վեոն Արմենիա»-ում։

Ստաժավորման ծրագիրը վարձատրվող է։

«3-ՐԴ ՍԵՐՈՒՆԴ» ՍՏԱԺԱՎՈՐՄԱՆ ԾՐԱԳՐԻ ՏԵՎՈՂՈՒԹՅՈՒՆԸ

11 ամիս

ԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է

Մրցույթի միջոցով, որին կարող են դիմել պահանջներին համապատասխանող թեկնածուները։

ԴԻՄՈՒՄԻ ԸՆԹԱՑԱԿԱՐԳ

Դիմի՛ր, եթե դու

վառ անհատականություն ես,

սիրում ես սովորել,

պատասխանատու և նպատակասլաց ես,

նախաձեռնող և ստեղծարար,

վարժ տիրապետում ես հայերեն, ռուսերեն և անգլերեն լեզուներին:

Դիմել կարող են ԲՈՒՀ-երի ավագ (3-րդ և բարձր, մագիստրատուրա) կուրսի ուսանողները  և/կամ ընթացիկ ուսումնական տարվա շրջանավարտները։

Դիմել մինչև մայիսի 31-ը։ Շտապի՜ր։

ԴԻՄԵԼ ՀԻՄԱ

Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի StaffBlog անդրադարձերը Հայաստանում տարբեր ոլորտների առաջատար ընկերությունների ինթերնշիփային ծրագրերին։