Վաճառքի տեսանկյունից՝ որակյալ գովազդը նույնքան կարևոր է, որքան որակյալ արտադրանք ունենալը։ Գովազդը կարծես այն կամուրջն է, որը կապում է ապրանքը պոտենցիալ գնորդի հետ։ Եթե կամուրջը կառուցված է ճիշտ տեղում, հիմնված է ճշգրիտ հաշվարկների վրա և ամուր է, ապա ապրանքի և հաճախորդի հանդիպումը ոչ միայն տեղի կունենա, այլև կպսակվի հաջողությամբ։
Այն մարդը, որը դադարեցնում է գովազդը, որպեսզի գումար խնայի, նման է այն մարդուն, որը փորձում է դադարեցնել ժամացույցի աշխատանքը, որպեսզի ժամանակ խնայի:
Հենրի Ֆորդ
Ճիշտ ընտրված և ճիշտ մշակված թվային գովազդը բրենդի ճանաչելիության բարձրացման և վաճառքի ակտիվացման տեսանկյունից կենսական նշանակություն ունի։
Ժամանակները փոխվում են, արդյունավետ գովազդ մշակելու եղանակները՝ ևս։ Գովազդի ավանդական եղանակների կողքին հայտնվում են թվային գովազդի տարբեր տեսակներ, որոնցից վերջին տարիներին լայն տարածում է ստացել PPC (Pay-Per-Click)-ն: Այն թվային գովազդի մոդել է, որի ժամանակ գովազդատուն վճարում է յուրաքանչյուր click-ի դիմաց։ Հենց PPC-ի օրինակով էլ կքննարկենք այն հիմնական սխալները, որոնց պատճառով թվային գովազդի click-ը այդպես էլ վաճառք չի դառնում։
Պատճառ #1 | Թվային գովազդը չունի թիրախավորված լսարան
Պատկերացրեք՝ երկարատև վազքից հետո դուք ուժգին ծարավել եք, և ձեզ առաջարկում են թխվածքաբլիթ։ Որքան էլ քաղցրի սիրահար լինեք, և որքան էլ թխվածքաբլիթն ախորժելի տեսք ունենա, այն չի լուծում ձեր խնդիրը։ Չթիրախավորված թվային գովազդը կարծես հենց այդ թխվածքաբլիթն է, որն առաջարկում եք ծարավ հաճախորդին։ Ուստի նախ և առաջ պետք է հասկանալ, թե ձեր ապրանքը կամ ծառայությունը ինչ խնդիր է լուծում, և ով ունի դրա կարիքը։ Դուք պետք է ունենաք ձեր իդեալական հաճախորդի հստակ նկարագրությունը՝ ըստ տարիքի, սեռի, մասնագիտության, նախասիրությունների և այլն։ Եթե ձեր թվային գովազդը գտնի իր թիրախային լսարանին, ապա գովազդվող պրոդուկտի վաճառքի հավանականությունը շատ ավելի մեծ կլինի։
Օրինակ՝ PPC գովազդի հարթակներից մեկը Facebook-ն է, որն ունի լսարանի թիրախավորման բազմաֆունկցիոնալ հնարավորություններ, և այդպիսով թվային գովազդի այս մոդելը շատ նպատակահարմար է թիրախային գովազդներ մշակելու տեսանկյունից։
Պատճառ #2 | Գովազդային տեքստում բացակայում են բանալի բառերը (keywords)
Պատկերացրեք՝ պատրաստում եք ձեր սիրելի կերակրատեսակը, սակայն մոռանում եք ներառել բաղադրատոմսի համեմունքներից մեկը։ Պարզ է, չէ՞, որ դուք չեք ստանա այն համը, որին այդքա՜ն ձգտում էիք։ Թվային գովազդում ևս կան բաղադրիչներ, որոնք բաց թողնելու դեպքում չեք ստանա ձեր ցանկալի արդյունքը։ Գովազդային տեքստ մշակելիս չպետք է մոռանալ ամենակարևոր բաղադրիչների՝ բանալի բառերի մասին։ Դրանք որոնողական համակարգում ամենահաճախ որոնված բառերն են, որոնք ներառելու դեպքում կբարձրացնեք ձեր գովազդի տեսանելիությունը։
PPC գովազդային մոդելը կիրառելի է նաև Google որոնողական համակարգում, ուստի՝ կիրառելով Google-ում ձեր գովազդվող ապրանքի կամ ծառայությանն առնչվող ամենից հաճախ որոնված բառերը՝ դուք կարող եք առավելագույնի հասցնել ձեր գովազդի արդյունավետությունը։
Պատճառ #3 | Թվային գովազդների տեղադրում՝ առանց մշտադիտարկման (monitoring)
Պատկերացրեք՝ ցանկանում եք տանը բույս աճեցնել։ Բույսը ծաղկամանի մեջ սերմանում եք, ջրում ու մի կողմ քաշվում։ Անցնում են ամիսներ, իսկ դուք զարմանում եք, թե ինչու բույսը դեռ ծիլ չի տվել։ Նույնն էլ թվային գովազդների դեպքում է․ պետք չէ գովազդը տեղադրել ու սպասել միանգամից մեծ արդյունքերի։ Փոխարենը պետք է համբերատար հետևել գովազդների գրանցած արդյունքներին, վերլուծել դրանք և գովազդի հետ կապված հետագա որոշումները կայացնել՝ հիմնվելով դրանց վրա, անհրաժեշտության դեպքում՝ կատարել նաև փոփոխություններ։ Եվ այս գործընթացը պետք է կրի շարունակական բնույթ, քանի որ այն, ինչն աշխատում է այսօր, հնարավոր է՝ չաշխատի վաղը։
PPC գովազդների առավելություններից է իր չափելիությունը, ինչը հնարավորություն է տալիս հասկանալ, թե հատկապես որ գովազդներն են արդյունավետորեն աշխատում, և ըստ այդ արդյունքների՝ տվյալահեն որոշումներ կայացնել։ Օրինակ՝ կարելի է հաշվել ոչ միայն click-ների, այլև վաճառքի վերածված click-ների քանակը։ Google Analytics-ը հիանալի տարբերակ է գովազդի արդյունքները մշտադիտարկելու և վերլուծելու համար։
Բոնուս պատճառ | Ոչ բավարար գիտելիք և փորձառություն
Հաճախ թվում է, որ եթե ինչ-որ բանի մասին ինչ-որ տեղ լսել կամ կարդացել ենք, ապա մենք արդեն բավականաչափ տիրապետում ենք երևույթին։ Սակայն դա ամենևին էլ այդպես չէ․ երևույթին տիրապետել նշանակում է ունենալ ոչ միայն բավարար տեսական գիտելիք, այլև այդ գիտելիքը գործնականում կիրառելու փորձառություն։ Եվ չնայած PPC գովազդային մոդելը վերջին տարիներին լայն տարածում է ստացել, PPC-ի ուղղվածությամբ հայալեզու դասընթաց գտնելը բավականին դժվար է։ Հարց է առաջանում՝ այդ դեպքում որտեղ կարելի է գտնել PPC գովազդների հետ աշխատելու ողջ ինֆորմացիան։ Հենց այս նպատակով Career Factory-ն մշակել է «PPC Fundamentals and Optimization» էքսկլյուզիվ դասընթացը, որի բովանդակությունը հասանելի չէ որևիցե այլ հարթակում։ Դասընթացի արդյունքում կտիրապետեք PPC (Pay-per-click) գովազդների (Google Ads, Meta Ads) հետ աշխատելու նրբություններին և գովազդային արշավների տարբեր տեսակներին (search, display, video, shopping), կկարողանաք ստեղծել և կառավարել Google Ads և Meta Ads Manager հաշիվներ, կհմտանաք բանալի բառերի (keywords) հետազոտության և լսարանի թիրախավորման գործում, ազատորեն կօգտվեք Google Analytics-ից՝ գովազդային արշավների արդյունքներին հետևելու և վերջիններս հետազոտելու համար, կկարողանաք օպտիմալացնել գովազդային արշավները և շատ ավելին։
Թվային գովազդային արշավ մշակելիս արդեն գիտեք, թե PPC-ի առավելությունները ինչպես կարող են նպաստել ձեր բիզնես նպատկներին հասնելու ճանապարհին և ինչու նախապատվությունը տալ այս գովազդային մոդելին։ Հիմա տեսնենք, թե ինչու ընտրել հենց «PPC Fundamentals and Optimization» դասընթացը։
Պատճառ #1․ Միջազգային և բազմամյա փորձառություն ունեցող թրեյներ
Դուք վստահելի ձեռքերում եք, քանի որ դասընթացն անցկացնելու է մարքեթինգի և գովազդի ոլորտում ավելի քան 10 տարվա փորձ ունեցող Դավիթ Արշակյանը, որը աշխատել է ոչ միայն հայկական, այլև ԱՄՆ-ի և Եվրոպայի շուկաներում։ Դավիթը Optimyzee ընկերության հիմնադիրն ու գլխավոր գործադիր տնօրենն է։ Optimyzee-ն օգնում է բիզնեսներին ստեղծել և օպտիմալացնել գովազդային արշավները՝ ավտոմատացնելով մի շարք բարդ ընթացակարգեր։
Պատճառ #2․ Պրակտիկ քեյսեր
Իհարկե, ցանկացած ոլորտում տեսական գիտելիքներն անհրաժեշտ են, բայց ոչ բավարար։ Դասընթացը ձեզ կտա ոչ միայն թվային գովազդների հետ կապված տեսական գիտելիք, այլև իրական քեյսերի վրա աշխատելու հնարավորություն։
Եթե դուք ունեք ձեր սեփական բիզնեսը, ապա ձեզ կտրվի բացառիկ հնարավորություն ձեռք բերված գիտելիքը կիրառելու ձեր բիզնես էջի վրա և Դավիթի հետ միասին օպտիմալացնելու ձեր գովազդային արշավները։
Պատճառ #3․ Օնլայն ձևաչափ
Դասընթացն անցկացվելու է օնլայն ձևաչափով, ինչը նշանակում է, որ կարող եք օգտվել այս աննախադեպ հնարավորությունից աշխարհի ցանկացած կետից, ձեզ հարմար ցանկացած վայրից։
Դե ինչ, արդեն գիտեք, թե թվային գովազդ մշակելիս հատկապես ինչերին է պետք ուշադրություն դարձնել, գիտեք նաև, թե որտեղ կարելի է ստանալ PPC գովազդների վերաբերյալ որակյալ կրթություն։ Ձեզ մնում է գրանցվել դասընթացին և թևակոխել թվային գովազդների հետաքրքրաշարժ աշխարհ։
Հիշեցնենք, որ Career Factory-ն staff.am էկոհամակարգի չորս ուղղություններից կրթականն է, որի գործունեությունը սկիզբ է առել 2023 թվականին։ Career Factory-ն շարունակ հանդես է գալիս մերօրյա աշխատաշուկայի պահանջներին ու մարտահրավերներին համապատասխան կրթական նախաձեռնություններով՝ այդպիսով նպաստելով իրենց ոլորտում որակյալ և մրցունակ մասնագետների ձևավորմանը։
