Կանանց միամսյակի առթիվ Evolution Armenia ընկերության 4 կին «Evolutioneer»-ները պատմել են ժամանակակից կնոջ կարիերային վերաբերող մարտահրավերների ու հնարավորությունների մասին, ինչպես նաև կիսվել են իրենց փորձով ու օգտակար խորհուրդներով։
Նադեժդա Աբոլա, Գործառնությունների ղեկավար
Ինչպե՞ս սկսեցիք Ձեր կարիերան Evolution-ում:
Ուսման տարիներին փնտրում էի կես դրույքով աշխատանք, որը հեշտ կլիներ համատեղել իմ ակտիվ ապրելակերպի հետ: Ընկերներիցս մեկն առաջարկեց դիմել Evolution, քանի որ ունեի անգլերենի բավարար մակարդակ և ներկայանալու հմտություններ։ Այդպես սկսվեց Live խաղավարի իմ կարիերան։ Իսկ այսօր արդեն նշում եմ ընկերությունում 11 տարին և աշխատում եմ արդեն 3-րդ երկրում։
Արդյո՞ք ընկերություններին անհրաժեշտ է ներգրավել ավելի շատ կին ղեկավարներ:
Կարծում եմ, այո։ Ավելին, Evolution-ը այս առումով շատ հաջողակ է․ մեզ մոտ ղեկավար պաշտոնների կեսից ավելին զբաղեցնում են կանայք։ Գենդերային տարբերությունները չպետք է խնդիր լինեն 21-րդ դարում՝ հանդուրժողականության և հավասարության դարաշրջանում, այդ իսկ պատճառով ընկերությունները ոչ միայն պետք է «փորձեն», այլև խրախուսեն գենդերային բազմազանությունը ղեկավար պաշտոններում։
Ելնելով Ձեր փորձից՝ ի՞նչ խորհուրդ կտաք այն կանանց, ովքեր մտածում են կարիերան Evolution-ում սկսելու մասին։
Պարզապես արեք դա: Մի՛ հապաղեք, կայացրեք մեզ միանալու որոշումը, և ինքներդ կզգաք Evolution-ում աշխատելու առավելությունները։ Դրական մթնոլորտը կխրախուսի Ձեզ ամեն օր ավելի ու ավելի լավը դառնալ, զարգացնել մասնագիտական հմտությունները և ի վերջո, եթե քրտնաջան աշխատեք, կունենաք կարիերայի աճի բոլոր հնարավորությունները։
Ալինա Մելիքբեկյան, Մարդկային ռեսուրսների ղեկավար
Ինչպե՞ս սկսեցիք Ձեր կարիերան Evolution-ում:
Երբ միացա EVO-ին, արդեն տարիների փորձ ունեի տարբեր ընկերությունների մարդկային ռեսուրսների կառավարման ոլորտում: 2020 թվականն էր, երբ ինձ հնարավորություն տրվեց միանալ Evolution-ին։ Այդ պահին մենք նոր էինք մտել հայկական շուկա, և այստեղից սկսվեց իմ արկածային ճանապարհորդությունը EVO-ում։ Ուրախ եմ լինել այս հրաշալի, բազմազգ համաշխարհային առաջատար ընկերության մաս և տեսնել, թե ինչպես ենք մենք մի քանի աշխատակիցներից աճում, դառնում հարյուրավոր և նույնիսկ հազարավոր աշխատակիցներով ընկերություն։ Ստեղծում ենք բազմաթիվ աշխատատեղեր, հատկապես երիտասարդների համար՝ դառնալով շատերի համար առաջին գործատու և ընձեռելով աշխատանքի և կարիերայի աճի բազում հնարավորություններ։ Միասին կառուցում ենք աշխարհում Evolution-ի ամենամեծ ստուդիաներից մեկը՝ նպատակ ունենալով դառնալ տեղական շուկայի լավագույն գործատուներից։
Հայ երիտասարդության մտածելակերպում կա՞ն այնպիսի խնդիրներ, որոնց լուծումը կնպաստեր նրանց կարիերայի աճին։
Վստահ կարող եմ ասել, որ մենք արդեն իսկ ունենք պոտենցիալով լի առաջադեմ երիտասարդություն, որն օր առաջ ցանկանում է սկսել կարիերան և ներկայիս արագ զարգացող աշխատաշուկայում կերտել զարգացման իր սեփական ուղին։
Համեմատած իմ սերնդի հետ՝ նոր սերունդն ավելի շատ, ինչպես ասեմ, «պրոֆեսիոնալ վերաբերմունք» ունի յուրաքանչյուր հարցին, ավելի ինքնավստահ է, գիտի նաև, թե ինչ է ուզում և ինչպես հասնել դրան։ Այս ամբողջն իմ կարծիքով դրական փոփոխություններ են։ Այն, ինչ ես կցանկանայի, որ նրանք անեին՝ մայրենի լեզվի հետ մեկտեղ, ավելի աշխատեին նաև օտար լեզվի հմտությունների վրա: Սա մի քիչ «եսասիրական», մասնագիտական մոտեցում է իմ կողմից, քանի որ մենք աշխատանքի ենք ընդունում անգլերենի իմացությամբ երիտասարդներին։ Բայց այո, անգլերենի և այլ օտար լեզուների իմացությունը երիտասարդ սերնդի կողմից ավելի շատ ուշադրության կարիք ունի, թեև սա ամբողջովին երիտասարդության խնդիրը չէ, կրթությունը ազգային քաղաքականության խնդիր է:
Մարիանա Շիուկաշվիլի, Քոուչ
Ինչպե՞ս սկսեցիք Ձեր կարիերան Evolution-ում:
Երբ սկսեցի աշխատել որպես Live խաղավար, սովորում էի ֆինանսների բաժնի երկրորդ կուրսում: Ենթադրվում էր, որ դա ժամանակավոր աշխատանք է, որպեսզի վճարեի համալսարանի վարձը, սակայն ինձ այնքան դուր եկավ ընկերությունը, որ որոշեցի մնալ և աճել այստեղ։ Եվ դա ճիշտ որոշում էր, քանի որ Evo-ում կարիերան բավարարում է մշտական մասնագիտական մարտահրավերներ հաղթահարելու ցանկությունս, և դա նպաստում է նաև անձնական աճին։ Ձեռք եմ բերել հաղորդակցման հմտություններ, որոնց շնորհիվ ավելի լավ եմ ընկալում մարդկանց և արդյունավետ հարաբերություններ եմ կառուցում, ավելի ուշադիր եմ դարձել։
Որպես կին՝ ի՞նչ խոչընդոտների եք հանդիպել Ձեր կարիերայում հաջողակ դառնալու ճանապարհին: Ինչպե՞ս հաղթահարեցիք դրանք:
Իմ ոլորտում հաջողակ դառնալու ճանապարհին հանդիպածս խոչընդոտներից էր սխալ գործելու վախը: Երբեմն կանայք առանց գիտակցելու հենց իրենք են ստեղծում այդ դժվարությունները։ Ամենակարևորը՝ պետք է գիտակցել, որ սխալներ թույլ տալը նորմալ է, պարզապես պետք է ընդունել դրանք և առաջ շարժվել։ Սա այն է, ինչը մեզ տալիս է կյանքի փորձ և դարձնում ավելի իմաստուն:
Անի Մուրադյան, Հերթափոխի մասնագետ
Ինչպե՞ս սկսեցիք Ձեր կարիերան Evolution-ում:
Բազմամշակութային միջավայրում սովորելիս հասկացա, որ դա օգնում է զարգացնել միջանձնային շփման բազմաթիվ հմտություններ, ընդլայնել մտահորիզոնը։ Հասկացա, որ կցանկանայի իմ կարիերան սկսել միջազգային ընկերությունում։ Այդ ժամանակ ես հանդիպեցի Evolution-ի աշխատանքի հայտարարությանը և հասկացա, որ դա այն ընկերությունն էր, որը ես փնտրում էի:
Ի՞նչն եք ամենաշատը սիրում Ձեր աշխատանքում:
Իմ աշխատանքն ինձ միշտ թույլ է տալիս շփվել մարդկանց հետ և ամեն օր նոր ու օգտակար բաներ բացահայտել: Ինձ դուր է գալիս այն, որ Evolution-ում կարող եմ կիրառել հմտություններս տարբեր իրավիճակներում, և որ միշտ կա աճի հնարավորություն, նոր ու հետաքրքրիր նախագծեր։ Ավելին, ես գնահատում եմ մեր ընկերությունը իր ճկունության, դինամիկայի համար: Վստահաբար կարող եմ ասել, որ Evolution-ը միշտ դեպի վեր տանող ճանապարհ է նրանց համար, ովքեր պատրաստ են նոր մարտահրավերներին։
