Աշխատանքը և ընտանիքը մեր կյանքի ամենակարևոր մասն են կազմում: Հեռախոսներն ու համակարգիչները 24 ժամ մարդուն դարձնում են հասանելի, ինչի պատճառով էլ մենք հաճախ աշխատում ենք անգամ ոչ աշխատանքային ժամերին: Հետազոտությունները ցույց են տվել, որ աշխատող մարդկանց 94%-ը շաբաթական աշխատում է ավելի քան 50 ժամ: Արդյունքում, երբեք չվերջացող գործերը կարող են վնասել մարդկանց առողջությանն ու երջանկությանը, անգամ խնդիրներ առաջացնել ընտանիքում:
StaffBlog-ն առանձնացրել է 10 օգտակար խորհուրդներ, որոնք կօգնեն Ձեզ բալանսավորել կյանքն ու աշխատանքը:
1 Եթե աշխատանքը և գործերը անընդհատ զբաղեցնում են Ձեր մտքերը, ապա ժամանակն է ամեն ինչ կարգավորելու: Սկսեք ինքներդ Ձեզ ասել, որ ընտանիքը նույնպես կարևոր է, ապա գործել: Օրինակ, կարելի է աշխատանքային ժամի ավարտվելուն պես գնալ տուն, այլ ոչ թե մնալ գրասենյակում մինչ կավարտեք բոլոր գործերը:
2 Օրացույցում կամ նոթատետրում գրի առեք ծննդյան և ամուսնության տարեդարձերը և այն իրադարձությունները, որ կարևոր են Ձեր ընտանիքի համար:
3 Տուն գալուն պես, փորձեք կտրվել աշխատանքից: Կարող եք հեռախոսը մի քանի ժամով անջատել, որ կարողանաք հանգստանալ: Իսկ աշխատանքի վայրում, փորձեք զերծ մնալ ընտանեկան հարցերով զբաղվելուց: Ամեն ինչ իր տեղն ու ժամանակն ունի:
4 Էլեկտրոնային հասցեն ստուգեք միայն աշխատանքային ժամերին: Անընդհատ նամակներին պատասխանելը կարող է ավելորդ սթրես առաջացնել:
5 Ազատ ժամանակն անցկացրեք իրական մարդկանց հետ, այլ ոչ թե սոցիալական կայքերում: Համացանցը կարող է կախվածություն առաջացնել՝ խլելով այն թանկագին ազատ ժամանակը, որ Դուք ունեք:
6 Փորձեք աշխատել ոչ թե ավելի շատ, այլ ավելի լավ: Ավելի շատ աշխատելը ոչ միայն կսպառի Ձեր ուժերն ու կպակասեցնի Ձեր աշխատանքի արդյունավետությունը, այլ նաև վնաս կհասցնի Ձեր առողջությանը:
7 Ցույց տվեք Ձեր հարազատներին, որ նրանք Ձեր կյանքում առաջնային տեղ են զբաղեցնում: Հիանալի կլինի հանգստյան օրեր վերցնել ու ժամանակ անցկանցել ընտանիքի հետ:
8 Տնային գործերը մի թողեք միայն կիրակի օրվա համար։ Եթե կարող եք, որոշ ընտանեկան հարցեր լուծեք նաև շաբաթվա մյուս օրերին:
9 Մի մոռացեք ֆիզիկական վարժությունների մասին։ Օրվա մեջ մի քանի րոպե մարզվելը կօգնի Ձեզ հանգստանալ և կտրվել աշխատանքային հոգսերից: Հիանալի տարբերակ է զբոսանքը ընտանիքի անդամների հետ:
10 Հասկացեք, որ կատարելության հասնելն անհնար է: Պետք չէ ձգտել, որ ամեն ինչ անթերի լինի: Եթե և՛ աշխատում եք, և՛ հոգում Ձեր ընտանիքի մասին, ապա պետք է հասկանալ, որ երբեմն մեկը մյուսի պատճառով կարող է տուժել, և դա նորմալ է:
Աշխատանքը երբեմն խլում է ամբողջ ժամանակն ու էներգիան և չի թողնում ժամանակ հատկացնել ընտանեկան կյանքին: Աշխատանքի և ընտանիքի միջև հաստատված բալանսը կօգնի Ձեզ լինել ավելի երջանիկ, առողջ ու խուսափել ավելորդ խնդիրներից:
