«Ո՞րն է կինոյի միջի Գործատուն»․․․ դեռ Covid19-ը քարտեզի վրա չէր նշմարել Հայաստանը, երբ Ֆիլիպ Մորրիս Արմենիայից մեզ պատմեցին մի հրաշք նախաձեռնության մասին, ու միասին կազմակերպեցինք հարցում պարզելու, թե առհասարակ մարդկանց կարծիքով որն է կինոյի միջի Գործատուն, որ ստեղծում է միայն հոլիվուդյան ֆիլմերում հանդիպող աշխատանքային պայմաններ ու որտեղ բոլորը գործի են գնում ՀԱՎԵՍՈՎ 🙂
Ու այս ընթացքում, երբ հաստատվեց արտակարգ իրավիճակ, կարելի է ասել հարցին պատասխանելն ավելի հեշտացավ։ Այն գործատուն, որը հոգում է իր աշխատակիցների մասին ու հաստատում է տանից աշխատանքի հարմարավետ պայմաններ, որ բոլորը տանը մնան ու աշխատեն ՀԱՎԵՍՈՎ 🙂
Դե ուրեմն, եկեք միասին ծանոթանանք Top Employer Institute հեղինակավոր կառույցի փորձագետների կողմից լավագույն գործատու տիտղոսին արժանացած ընկերության #WFH լավագույն փորձին։
Ֆիլիպ Մորրիսի թիմակիցներ, շնորհակալ ենք մեզ հետ ձեր փորձով կիսվելու համար։
Ֆիլիպ Մորրիս Արմենիայի հեռահար աշխատանքի լավագույն փորձը
Ֆիլիպ Մորրիս Արմենիա ընկերությունը, հոգ տանելով աշխատակիցների առողջության մասին, արդեն չորս շաբաթ է, ինչ աշխատակիցներին հնարավորություն է տվել աշխատել տանից։
Կորոնավիրուսի սփռման սկզբնական շրջանում, երբ այն դեռ տարածում չէր ստացել Հայաստանում, Ֆիլիպ Մորրիս Ինթերնեյշնլը, հետևելով միջազգային ցուցումներին, արդեն իսկ իր աշխատակիցներին ապահովել էր պաշտպանիչ միջոցներով՝ դիմակներ, ալկոգել և ամեն օր իրականացնում էր աշխատակիցների ջերմաչափում։
Չեղարկվեցին նաև բոլոր արտասահմանյան հանդիպումները, որպեսզի մեր աշխատակիցները չլքեն երկիրը և իրենց ռիսկի չենթարկեն։
Որպես խոշոր միջազգային ընկերություն, որն ունի շուրջ 56 արտադրող գործարան աշխարհի 33 երկրում ու որի արտադրանքը վաճառվում է մոտ 180 երկրում, հետաքրքիր է արդյո՞ք նոր մոտեցումներ մշակվեցին հեռահար աշխատանքի կազմակերպման համար, թե արդեն ունեիք մշակված մեթոդաբանություն։
Միանշանակ, այո։ Ընկերության աշխատակիցների համար հեռահար աշխատանքը նորություն չէր։ Work from home մոտեցումը միշտ է գործածվել մեր կազմակերպությունում։ Իրականում, Ֆիլիպ Մորրիսում չկա մեծ տարբերություն թե՛ սովորական, թե՛ արտակարգ իրավիճակում աշխատանքի կազմակերպման տեխնիկական լուծումների առումով։ Դեռ մինչև արտակարգ իրավիճակը, ղեկավարին զգուշացնելու դեպքում, աշխատակիցները հնարավորություն ունեին շաբաթական մեկ օր աշխատել տանից։ Իսկ Ֆիլիպ Մորրիսի կողմից տրամադրվող տեխնիկական լուծումների ու ծրագրային միջոցների շնորհիվ էլ ապահովվում է ամենօրյա աշխատանքի բարձր կատարողականությունը, ինչպես նաև վիրտուալ համաժողովներին ու թիմային զանգերին մասնակցությունը։ Յուրաքանչյուր աշխատակից ունի լիարժեք հասանելիություն բոլոր ծրագրերին։
Ի սկզբանե, երբ որոշեցինք մեր վիրտուալ այցով ծանոթանալ Ֆիլիպ Մորրիսի լավագույն փորձին, կասկած անգամ չունեինք, որ տեխնիկական կամ համակարգային առումով կատարյալ ընթացակարգ ունեք, բայց անկեղծանանք, անչափ հետաքրքիր էր, թե որպես արտադրական ոլորտի ընկերություն ու խոշոր գործատու (չենք կարող չշեշտել այս փաստը՝ ԼԱՎԱԳՈՒՅՆ ԳՈՐԾԱՏՈՒ), ի՞նչ մարտահրավերների եք հանդիպել ու ի՞նչ լուծումներ եք տվել այդ խնդիրներին։
Բնականաբար, երբ ամբողջ թիմն է հեռահար աշխատում, առերեսվում ենք մի շարք մարտահրավերների, հատկապես այն դեպքում, երբ չգիտես՝ որքա՞ն կարող է նման իրավիճակը տևել։
Այս դեպքում շատ կարևոր է աշխատակիցների հոգեբանական վիճակը։
Վերջերս աշխատակիցների համար վեբինար էինք կազմակերպել և հրավիրել բժիշկ-համաճարակաբանի, ով բացատրում էր, թե ինչ է կորոնավիրուսը, ինչպես պաշտպանվել նրանից, և պատասխանում բոլորին անհանգստացնող հարցերին։ Վեբինարներ ենք կազմակերպում նաև հոգեբանների հետ՝ աշխատակիցների հոգեվիճակն ու աշխատունակությունը կայուն պահելու համար։
Անընդհատ նոր հարթակներով ենք կիսվում, թե ինչպես, օրինակ, զբաղեցնես երեխաներին կամ ժամանակդ ճիշտ կառավարես։ Բացի այդ, տանից աշխատող մայրիկների համար հեռահար աշխատանքը բարդ է տրվում, քանի որ փոքրիկները ուշադրություն են պահանջում։
Պլանավորում ենք նաև բարելավել աշխատակիցների ֆիզիկական ակտիվությունը ստեղծված իրավիճակում՝ հատուկ մասնագետների օգնությամբ։
Հարցումների միջոցով ստուգում ենք՝ որտեղ ունենք բարելավման կարիք։
Նաև մարդկանց հորդորում ենք ինքնազարգացմամբ զբաղվել և օգտվել առցանց ռեսուրսներից։ Ֆիլիպ Մորրիսը մասնագիտական զարգացման ու առցանց ուսուցման բազմաթիվ ներքին հարթակներ ունի, որտեղ կարելի է գտնել ամենատարբեր արդի դասընթացներ և նյութեր։
Նման պայմաններում, բնականաբար, բացակայում են սուրճի կամ թեյի շուրջ խոհանոցային զրույցները, որոնք մեր գրասենյակում բարի ավանդույթ են։ Թիմային աշխատանքի առումով դրանք աշխատանքային օրվա կարևոր մաս են: Այս հարցը որոշ մարդկանց համար կարգավորվում է հաղորդագրությունների, մյուսների համար՝ հեռախոսազրույցների կամ վիդեոկոնֆերանսների միջոցով: Աղջիկներ ունենք, ովքեր ամեն առավոտ հեռահար սրճում են միասին։
Ունենք ընդհանուր խումբ, որտեղ աշխատակիցները կիսվում են այս օրերին տեղի ունեցած զվարճալի պատմություններով կամ նկարներով 🙂
Բայց եկեք խոստովանենք, որ առավելություններն էլ քիչ չեն։
Առավելություններից այն է, որ ընդհանրապես ժամանակ չի ծախսվում աշխատավայր հասնելու համար։ Մեր բնակարանները ինքնատիպ գրասենյակներ են դարձել։ Շատ հանդիպումներ, որոնք աշխատանքային ժամանակի զգալի մաս են կազմում, հիմա կազմակերպվում են հեռահար, հետևաբար անցնում են ավելի արագ։
Արդեն չորրորդ շաբաթն է, ինչ աշխատում եք հեռահար։ Ի՞նչ եք կարծում, արդյո՞ք կկարողանաք օբյեկտիվ պատասխանել մեր բլից հարցին, թե՞ առաջիկա օրերի ընթացքում նոր խենթ ու սպասումով լի որոշումներ կծնվեն։ Օրինակ, «Որ առաջինը օրը գնանք օֆիս․․․․․» 🙂
Վստահ եմ, որ առաջին քայլով բոլորը գրկախառնվելու են։ Այս ընթացքում Ֆիլիպ Մորրիս Արմենիան դարձավ 25 տարեկան․ նշելու լավ առիթ, որը հետաձգել ենք վիրուսի պատճառով։ Անպայման պետք է հավաքվել։
Շատ շուտով Covid19-ը կընդունի իր սխալը ու կհեռանա՝ ուղի բացելով նորարարական ու առողջապահական ծրագրերի, հաջողությունների ու տիտղոսների համար, որոնք իրագործվում և ձեռք են բերվում Ֆիլիպ Մորրիսի նպատակասլաց աշխատանքի շնորհիվ։ Ու ամենակարևորը, ընկերությունն իր հատուկ տեղն ունի արևի տակ՝ իր բոլոր ծրագրերի ու աշխատանքի առանցքում տեսնելով մարդուն։
