Երբ հայտարարվեց արտակարգ դրություն ու հեռահար աշխատանքային ռեժիմ, շատերիս համար այնքան էլ անսովոր չհնչեց, դե համակարգիչս ինձ հետ է, օնլայն գործիքներով կապի մեջ կլինենք թիմի հետ մինչև ամեն բան կկարգավորվի։ Այս սցենարը կարելի է պատկերացնել 10, 20,…, լավ, գուցե նաև 100 թիմակցի դեպքում, իսկ ինչպե՞ս են կազմակերպում իրենց հեռահար աշխատանքը Հայաստանի խոշորագույն ընկերությունները, օրինակ՝ Digitain-ը, որն ունի ավելի քան 1000 աշխատակից։
Չէ՞ որ դիջիթեյնցիներին դժվար է պատկերացնել առանց թիմային խենթ միթինգների, challenge-ների, ամենօրյա քննարկումների, քաղցր ու վիտամինային ընդմիջումների :), միջազգային գործուղումների ու մրցանակաբաշխությունների, դե էլ չասենք նաև մասնագիտական կարծիքների ու փորձի փոխանակման մասին։
Բայց, եկեք տեսնենք, որ Digitain-ը նաև այս հարցում ուներ իր հստակ ռազմավարական պատասխանը։ Դիջիտաղանդնե՛ր, շնորհակալ ենք ձեր լավագույն փորձով մեզ հետ կիսվելու համար 🙂
Work from home` Digitain-ի արձագանքը Covid19-ին
Հաշվի առնելով աշխարհում և Հայաստանում վիրուսային հիվանդություններով վարակվելու բարձր հավանականությունը՝ ընկերությունը միանգամից հանձն առավ պլանավորել համաճարակի առաջին, երկրորդ և երրորդ մակարդակներում կանխարգելիչ միջոցառումներ դեռևս մինչ արտակարգ իրավիճակի ստեղծվելը։ Պլանավորման առաջին փուլում ստեղծվեց խումբ, որի նպատակն էր ուսումնասիրել վիրուսի հնարավոր զարգացումները և դրանց համապատասխան կանխարգելիչ միջոցառումները, ըստ այդմ էլ մշակվեց համապատասխան ռազմավարություն ընկերության բոլոր գրասենյակներում իրականացնելու համար։
Առաջին փուլում վիրուսի ներթափանցումը կանխարգելելու համար ընկերության բոլոր գրասենյակները զինվեցին ախտահանիչ և պաշտպանիչ հնարավոր բոլոր միջոցներով։ Այս իրավիճակում ամենաէմոցիոնալ պահը աշխատակիցների անսպառ հումորն էր. open space-երում, եթե մեկնումեկը պատահմամբ փռշտում էր, բոլորով մեկ մարդու նման հավաքվում էին, ջերմությունը չափում, օդափոխություններ անում, մինչև որ պարզ էր դառնում, որ դա ընդամենը փռշտոց էր, որոշ դեպքերում էլ պարզապես կատակ:) ։
Ապա` անցկացվեցին աշխատակիցների անվտանգության ապահովմանն ուղղված մի շարք միջոցառումներ՝ հաճախակի օդափոխություններ, ախտահանման աշխատանքներ։
Կարող ենք ասել, որ մասնագիտորեն եք մոտեցել հարցին՝ «թագավարակի դեմ պայքարը» դիտելով որպես առանձին նախագիծ, իսկ ո՞րն էր այդ նախագծի ռազմավարության երրորդ փուլը։
Դե, իսկ վերջին փուլում, երբ հայտարարվեց արտակարգ դրություն՝ ընկերությունը կազմակերպեց #WorkFromHome բոլոր աշխատակիցների համար:
Քանի որ աշխատակիցներից շատերն ունեն աշխատանքային լափթոփեր միայն ներքին ցանցին միանալու (VPN) հասանելիություններ ստացան, իսկ բոլոր այն աշխատակիցներին, ովքեր պետք է համակարգիչներով աշխատեին, հնարավորություն տրվեց համակարգիչները տուն տանել։ Գլուխ գովալու տեղիք հաստատ ունենք 🙂 մենք հասանք մեր նպատակին․ աշխատանքները շարունակեցինք տնից՝ ապահովելով բիզնեսի անընդհատականությունը։
Միանշանակ երևում է, որ խնդրին նման պրոֆեսիոնալ լուծում տալուց հետո աշխատանքները նույնպես կընթանան իրենց բնականոն հունով։ Իսկ ի՞նչ եք կարծում արդյոք այս հարցում ձեր օգնականը tech գործիքներն էին։
Նաև, մեր ընկերությունը բավականին մեծ է, և աշխատակիցները միշտ էլ օգտվում են տարբեր tech գործիքներից շփումն ու աշխատանքը ավելի հեշտ ու արդյունավետ դարձնելու համար և, ինչու չէ, ավելի հետաքրքիր 🙂 Այնպես որ իրականում tech գործիքներ կիրառելը նորություն չէր, և նորերը ներդնելու կարիք գրեթե չառաջացավ:
Բացի այդ Work from home ռեժիմի ընթացքում աշխատանքի կատարողականը ամբողջացնելու համար ընկերությունը ապահովում է ինտերնետ հասանելիություն բոլոր աշխատակիցներին, տրամադրում է լափթոփեր և ներքին հաղորդակցման հարթակների շնորհիվ մշտապես իրականացնում թե՛ հարցազրույցներ, թե՛ հանդիպումներ, թե առցանց դասընթացներ: Նույնիսկ շարունակում ենք ներգրավել նոր Դիջիտաղանդներ 🙂
Նշեցիք «Նաև», այսինքն, կան այլ կարևոր բաղադրիչներ, որոնք ընկած են ձեր թիմային հաջողության հիմքում։ Կկիսվե՞ք մեզ հետ 🙂
Այո՛, ճիշտ նկատեցիք։ Ստեղծված դրությունում միանշանակ խնդիր կարող էր առաջանալ աշխատակիցների մոտիվացիայի անկումը և աշխատանքային միջավայրից դուրս աշխատանքը: Մենք, այս իրավիճակը ընդունելով որպես մարտահրավեր, մշակեցինք համապատասխան քայլեր դրանք կանխելու համար, քանի որ արտակարգ իրավիճակներում էլ ավելի է ընդգծվում կորպորատիվ մշակույթի դերը, աշխատակիցների մոտիվացիան, ընկերության մասնիկ կազմելու գիտակցումը, թիմային ոգին… Այս ամենի պահպանումը շարունակական գործընթաց է ենթադրում:
Ըստ այդմ էլ աշխատակիցներին ուղարկվող մոտիվացիոն նամակներից և հրապարակումներից զատ սկսեցինք ավելի ակտիվ օգտագործել հաղորդակցման հարթակները՝ ներքին հաղորդակցման հարթակներ, սոցիալական հարթակներ՝ թիմային հետաքրքիր մթնոլորտ ստեղծելու և թիմային ոգին բարձր պահելու համար։
Տեխնիկական խնդիրներն էլ նվազագույնի հասցնելու նպատակով կազմեցինք տարբեր աշխատանքային և ծրագրային ուղեցույցներ , օրինակ՝ «Ինչպես կազմակերպել առցանց հանդիպումներ», «Ինչպես կարգավորել VPN-ի միջոցով օգտագործվող աշխատանքային ծրագրերը» և այլն՝ դրանով իսկ պարզեցնելով աշխատակցի առօրեական աշխատանքը work from home ռեժիմում:
Ընթացքում հասկացանք, որ ստեղծված իրավիճակում ամենաբարդը տանը հարմարավետ աշխատանքային միջավայր ստեղծելն է՝ հարմար աթոռ, անաղմուկ տարածք աշխատելու համար։ Հատկապես դժվար է աշխատանք կազմակերպելը բազմանդամ ընտանիքներում, երբ երեխաներն էլ են առցանց դասապատրաստումներ անում կամ մասնակցում են ծնողների վիդեոքոլլերին՝ ամենալուրջ պահին՝ «մամա, սոված եմ», «պապա, արի խաղանք», իսկ մնացածն էլ թողնում ենք ձեր երևակայությանը:?
Եվ այստեղ էլ ծնվեց մեր հայտնի դարձած Challenge-ների գաղափարը, որոնց միջոցով աշխատակիցներին մարտահրավերներ ենք նետում ստեղծելու իրենց «դիջիմիջավայրը» տանը, պատմել ու առօրյա #workfromhome արկածներից ՝ նպատակ ունենալով աշխատանքային մթնոլորտ ստեղծել իրենց իսկ տանը։
Իրականացնում ենք նաև տարատեսակ հարցումներ, որոնք վերաբերում են ընկերությանն ու ստեղծված իրավիճակին և, ինչու չէ, հնարավորություն ենք ընձեռում աշխատակիցներին կիսվել իրենց նորարարական բիզնես մտքերով և գաղափարներով, որոնք կարող են նպաստել ընկերության բիզնեսի զարգացմանը:
Այնքան հետաքրքիր գաղտնիքներ բացահայտեցիք մեզ համար, որ անպայման ուզում ենք ականջալուր լինել ձեր #workfromhome արկածներին։
Մի քանիսը, անպայման, կարող ենք մեջբերել՝
Պատմություն N1
Ուրեմն, երբ #remotework-ը սկսվեց, մեր թրեյդերներից մի հումորո՜վ, հավեսով մարդ ասեց, թե բա ես իմ աթոռը ու սեղանը տանում եմ տուն, ոնց ուզում եք արեք, համ օֆիսի համն ու հոտը հետս կլինի, համ էլ հարմար է աշխատել։ Ասե՛ց ու տարա՛վ։ Մի շաբաթ անց նամակներ ենք սկսում ստանալ՝ «կարող ենք գալ մեր աթոռը տուն տանել»?
Պատմություն N2
Անցնելով #workfromhome -ի` սունկի պես սկսեցին աճել աշխատանքային չատերը տարբեր խմբերի հետ և, իհարկե, աշխատանքային բուռն քննարկումները։ Առաջին լարված օրվա վերջում Մարիամի հետ բուռն քննարկում էի անում, ինչպես այդ պահին մտածում էի խմբային չատերից մեկում, հետո սկսեցի tag անել խմբի մյուս անդամներին, որ իրենք էլ կարծիք հայտնեն, բայց բոլորը լուռ էին։ Մի քանի վայրկյան անց Մարիամից ստանում եմ հետևյալը` Naira ushqi ari, sa group chiii ???
Պատմություն N3
«ականջակալերով անհաշվելի վիդեոքոլերից հոգնած՝ բարձրախոսով մասնակցում եմ հանդիպման, 15 րոպե թեժ քննարկումից հետո տեսնում եմ էկրանին գլխավերևումս կանգնած է մայրս ու ասում է․ ճիշտ չեք լուծում հարցը, պետք ա նախ սա անեք , հետո սա ?», իմ քայլող հանրագիտարանը միշտ կողքիս է ։)
Արդեն պատկերացնում ենք՝ ինչ ոգևորվածությամբ են դիմում ձեր թափուր աշխատատեղերին՝ փորձելով դառնալ ձեր նոր դիջիտաղանդը ու միանալ այս ուրախ թիմին, թեկուզև, առայժմ վիրտուալ տարբերակով։
Իսկ ի՞նչ առավելություններ ու թերություններ ունի հեռահար աշխատանքը ձեր ընկերության համար։
Առավելություններից` գրավոր հաղորդակցման լիարժեք էքսպերտ ես դառնում ։) , տեղաշարժվելու վրա ժամանակ չես ծախսում, խոհանոցը կամ պետքարանը մի քանի մետր հեռավորության վրա են, էլ չասեմ անկողնուց «գրասենյակ» հասնելն ինչ արագ է ստացվում ։)։ Կարծում ենք՝ բարելավում է նաև work/life բալանսը. չէ՞ որ տան անդամներն այս պարագայում ոչ միայն ընտանիք են, այլև գործընկերներ ու ընկերներ ?
Թերություններից էլ՝ շատ աշխատանքային պրոցեսներ տանից անհնար է լինում կազմակերպելը, մարդկային շփման կարիքը գնալով դառնում է ավելի ու ավելի կենսական։ Մեկուսացած լինելով՝ նվազել է նաև գործընկերներից ինչ-որ նոր բան սովորելու, ինչու չէ, նրանց հետ մեկ բաժակ սուրճ վայելելու ու լանչ կազմակերպելու հնարավորությունը: Չնայած որ սուրճի ընդմիջման ավանդույթը փորձում ենք պահել օնլայն հարթակում՝ «ո՞վ է սուրճ ուզում» կտեսնես խմբային չատերում ?
Եթե այս ստեղծված իրավիճակին նայում ենք արժեքային տեսանկյունից, ի՞նչը ամենից շատ կարևորվեց ձեզ համար։
Ստեղծված իրավիճակը առիթ էր վերաարժևորելու մոտեցումները, թիմային ոգին էլ ավելի ընդգծվեց։ Երբ 1000-ից ավելի աշխատակից ունեցող մեծ ընկերություն ես, մարտահրավերներն ավելի շատ են, քան 100-ի դեպքում։ Սակայն հանդուրժողականությունն ու աշխատակիցների պատասխանատվությունը միայն դրական են անդրադառնում աշխատանքի արդյունավետ կազմակերպման վրա։ Շատ կարևորվում է ղեկավարների ներգրավվածությունը առույգ ու աշխատանքային ոգին բարձր պահելու գործում։ Կարծում եմ սա մի բացառիկ հնարավորություն է հենց իրենց համար գնահատելու թիմակիցներին ու աշխատանքային գործընթացները։
Եվ վերջում, մեր ամենասպասված ու հույզերով լի բլից հարցը։ Իմիջիայլոց, մեր ընթերցողներն արդեն գիտեն՝ որ հարցի մասին է խոսքը ու չեմ չափազանցնի, եթե ասեմ, որ անհամբեր սպասում են 🙂
Ինչպիսի՞ն է լինելու ձեր գրասենյակային աշխատանքի առաջին օրը։
Դիջիթեյնցիներին ամենաշատը կարոտախտն է տանջում, ինչի արդյունքում իրենք պատրաստ են նույնիսկ իրենց ամենավատ սովորություններից հետ կանգնել, միայն թե գան աշխատանքի ?
«Ես էլ նաուշնիկ չեմ դնի ու դեյ օֆֆ չեմ գնա?»։
«Ես էլ բոլորի համար էս օրերի տեղը կհանեմ ու շաաաատ միրգ կկտրատեմմմ???»:
Ես չեմ ասի Հաս , մի հատ ճնշումս չափի էլի, ոնց որ լավ չեմ, որովհետև էսքանից հետո ողջ մնալով միշտ լավ կլինեմ հաստատ ?։
Կարոտախտը նույնիսկ ստիպել է նրանց մեեե՜ծ խոստումներ տալ ?։
«Առաջին օրը գալում եմ ու open space-ում ասելու՝ ինչքան կարող եք խոսացեք, միացրեք ձեր ականջակալների (տեղից էլ արդեն լսելի) երաժշտությունը, սովորականից բարձր խնդացեեեեքքք, ոտքի վրա լիքը միթինգներ արեք, վերջում էլ բոլորին կհավաքեմ հանգստի սենյակում տործիկ ուտելու, որովհետև լիքը կենաց/ծնունդ վիդեո քոլով էն չի ??❤️։
Բոլորին գրկելու եմ, նույնիսկ վերելակներին ?։
«will walk around shouting “free hugs” ? »․
«Ես էլ առավոտը նախաճաշ կբերեմ բոլորիդ»:
#WorkFromHome VS #OfficeWork
«Դեյ օֆֆ չեմ գնա», «նախաճաշ կբերեմ», «բոլորին թույլ կտամ, որ սովորականից բարձր ծիծաղեեեեեն», հավատու՞մ եք այս խոստումներին․․․․իհարկե, հավատում ենք։ Այն թիմը, որի ոգին միշտ բարձր է, տաղանդը շատ՝ 1000-ից ավելի :), work/life բալանսը, դիջիմիջավայրը ապահովված, միանշանակ կհաղթի «թագավարակի դեմ պայքարի» նախագիծը՝ նորից վերադառնալով գրասենյակային աշխատանքային ռեժիմի, հարազատ ու կենսախինդ առօրյայի։
