Ասում են, երբ ուրախ ես դիմավորում մարտահրավերին, ուրախ էլ ճանապարհում ես։ Այնքան դրական, թեթև ու անկեղծ մթնոլորտ էր FLUX Technologies մեր վիրտուալ այցի ողջ ընթացքում, որ մի պահ արդեն մոռացել էինք, թե ինչ առիթով ենք այցելել ու ինչու են բոլորը տնից աշխատում։ Թվում էր, թե այդպես էլ պետք է լիներ, չէ՞ որ դա նրանց մոտ շատ լավ է ստացվում։
Հենց այդ պատճառով էլ ուզում ենք ձեզ հետ անպայման կիսվել այս աշխույժ ու հումորով թիմի 100% remote : 100% productive աշխատանքի լավագույն փորձով։
ֆլաքսիանիննե՜ր, շնորհակալ ենք ձեզ 🙂
Work From Home` FLUX Technologies-ի արձագանքը Covid19-ին
Դեպքերն իսկապես շատ անսպասելի զարգացան, չնայած, ամբողջ աշխարհում տեղի ունեցող իրադարձություններից արդեն հասկանալի էր, որ նման սցենար հնարավոր է։
Դեռ մարտի 1-ն էր, երբ մենք հատուկ աշխատանքային ռեժիմ սահմանեցինք մեր թիմում աշխատող մայրերի համար, քանի որ դպրոցներն ու մանկապարտեզներն արդեն սկսել էին «ժամանակավոր» դադարեցնել գործունեությունը:
Այդ ժամանակվանից էլ շեշտակի ուշադիր էինք հիգիենայի պարագաների առկայությանը, կրկնակի ավելացրել էինք մաքրության ու ախտահանության մասով աշխատանքները թե ընդհանուր գրասենյակի, և թե յուրաքանչյուրի աշխատանքային տարածքի ու պարագաների հատվածներում:
Հորդորում ու խրախուսում էինք նույնիսկ թեթև վատառողջ լինելու դեպքում մնալ ու տանից աշխատել:
Հիշում ենք, ինչպես էին արդեն առաջին դիմակով աշխատակիցները հայտնվում գրասենյակում, իսկ երբ որևէ մեկը պատահական հազում կամ փռշտում էր, թիմի կողմից արժանանում էր սովորականից ավել հոգատարության, կամ ամենատարբեր էմոցիա արտահայտող հայացքների…)?
Միևնույն ժամանակ, առաջին քայլերն էին արվում Ֆլաքսում հեռահար աշխատանքի անխափան կազմակերպման մասով:
Մարտի 12-ն էր, երբ առաջին քննարկումը եղավ ու նախնական որոշում կայացվեց ժամանակավոր անցնել հեռահար աշխատանքի:
Երբ թիմին հայտնեցինք հեռահար աշխատանքի անցում կատարելու մասին, բոլորս միահամուռ ու միասնական անցանք գործի․ անելիքներ շատ կային։ Միակ «դժգոհությունն» այն էր, որ կարոտելու էինք իրար․ առավոտյան թեյ, սուրճ, աշխույժ ու ակտիվ աշխատանքային օրեր, ընդմիջման խաղեր։ Այդ ժամանակ խոսքը դեռ մեկ շաբաթվա մասին էր, որն արդեն ձգվեց․ մենք արդեն երրորդ շաբաթն ենք գլորում։
Միահամուռ ու միասնական դուք դեռ շատ գործեր կհաջողեք, ինչը, իհարկե, ֆլաքսիանինների համար նորություն էլ չէ 🙂 Իսկ արդյո՞ք նորություն էր remote աշխատանքը։
Առանձին դեպքեր շատ ենք ունեցել, երբ աշխատակիցներն աշխատել են տնից, օրինակ՝ խնամող մայրերի դեպքում, ինչը բավականին հաջողվել է։ Սակայն 100%-անոց ռեմոութի փորձ, երբ ամբողջ թիմը պետք է տնից աշխատեր, որպես այդպիսին չունեինք։
Հենց մեր փորձից ելնելով՝ շնորհիվ մեր պրոակտիվության, շատ արագ կողմնորոշվեցինք, ուսումնասիրեցինք տեղական և միջազգային լավագույն փորձը և մինչ COVID19-ի մուտքը Հայաստան, մշակեցինք մեր սեփական work from home մեթոդաբանությունը։
Հետաքրքիր է, առանց ինչի չեիք պատկերացնի ձեր տնից աշխատանքը։
Կարող եմ չէ՞ այստեղ երկու՝ մեզ համար շատ կարևոր կետեր առանձնացնել։
Առաջինը՝ առանց տեխնոլոգիաների։ Օգտագործում ենք Slack-ը որպես թիմի հետ կապի հիմնական միջոց։ Այստեղ Ֆլաքսիանիններով միշտ պահում ենք պոզիտիվ «մուդը» ու համեմում ենք Slack-ը նոր ու հավես Ֆլաքսական էմոջիներով??? , որոնք այս իրավիճակում լրացնում են դրական էմոցիաների պաշարը։ Զանգեր, խմբային զանգեր, էկրանի կիսում/screen sharing անելու համար օգտվում ենք Skype-ից, Zoom-ից, ինչպես նաև Google meet-ից։ Քանի որ remote ռեժիմին անցնելը չխոչընդոտեց hiring-ի պրոցեսին, Google meet-ը օգտագործում ենք հենց այդ նպատակով՝ նոր տաղանդներ ներգրավելով Ֆլաքս։
Առաջադրանքների համար ունենք Jira, որը հիանալի հնարավորություն է տալիս հետևել առաջադրանքների կարգավիճակներին, ամբողջ թիմով լինել տեղեկացված միմյանցից և ունենալ լավ կատարողականություն։ Գործիքները շատ են և նրանց կիրառումը մեր մշակված պրոցեսի հետ կարծում եմ՝ օգնում են, որ լինենք մաքսիմալ արդյունավետ և կազմակերպված։
Իսկ երկրո՞րդը։
Երկրորդը՝ առանց մեր կորպորատիվ մշակույթի։
Ֆլաքսում յուրաքանչյուրս պահում, փայփայում ենք մեր սովորություններն ու մշակույթը մեր ամենօրյա քայլերով՝ մոտիվացիան և դրայվը պահելով, իրար օգնել-օժանդակելով, անակնկալներ մատուցելով։ Վիրտուալ աշխարհում դա մի փոքր ավելի բարդ է, բայց հնարավոր։
Մոտիվացիան պահելու առաջին քայլը եղավ յուրաքանչյուրին հենց տանն անակնկալ մատուցելը՝ ուղարկելով այս պայմաններում առաջին անհրաժեշտության փոքրիկ փաթեթներ՝ վիտամիններով հարուստ մրգեղեն, համովություններ, անտիսեպտիկ, իսկ երեխաներ ունեցողների համար նաև խաղալիքներ, մատիտներ, ալբոմներ, որպեսզի երեխաները խաղան, իսկ ծնողները՝ հանգիստ աշխատեն։
Թիմով մի լավ ծիծաղեցինք նրա վրա, որ առաքումներ կազմակերպող սուպերմարկետը, մեզ բարեգործական կազմակերպություն էր համարել ։)
Վիրտուալ միջավայրում ֆլաքսական ուրախ նարնջագույն մթնոլորտը պահելու մյուս քայլերից էր Slack-ում հատուկ #wfh channel բացելը: Այստեղ կիսվում ենք զավեշտալի պատմություններով, մեր առօրյայից նկարներով, կազմակերպում ենք հետաքրքիր չելինջներ։ Իսկ վիդեո հանդիպումները, դե իհարկե, կարոտն առնելու լավագույն միջոցն են այս պայմաններում։
Ինչ վերաբերում է ավանդույթներին (Flux Talk-եր, Flux Day-երը, ծնունդներ և Flux Anniversary-ներ), մենք դրանք ամբողջությամբ տեղափոխել ենք վիրտուալ հարթակ։ Ավանդական դարձած նվերները կատարում ենք հեռակա՝ առաքումների միջոցով, իսկ Slack-ում բոլորս շնորհավորանքների, բարեմաղթանքների, սիրուն էմոջիների ու ծափերի տարափ ենք անում հոբելյարների պատվին։
Թեև COVID19-ը ստիպել է անցնել աշխատանքային նոր #WorkFromHome ռեժիմի, այնուամենայնիվ գրեթե բոլորիս մոտ ժամանակ է ազատվել, որը կարող ենք տրամադրել ուսուցմանն ու ինքնազարգացմանը, որին Ֆլաքսում մեծ կարևորություն է տրվում: Հետևաբար թիմին տրամադրվեց անհրաժեշտ ռեսուրսներ ազատ ժամանակը հնարավորինս արդյունավետ ծախսելու և ինքնազարգանալու համար։
Ձեր օրն այսքան գունեղ, հյութեղ դարձնելու գործում ի՞նչ մարտահրավերների եք հանդիպել։
Ինչպես ամեն բան, work from home-ն էլ ունի իր լավ ու վատ կողմերը։ Արդեն երրորդ շաբաթն է, ինչ աշխատում ենք remote տարբերակով և հպարտությամբ ասում ենք, որ անկախ ֆուլ հեռահար աշխատանքի փորձի բացակայությունից՝ առաջին իսկ օրվանից թիմն աշխատել է կազմակերպված և գործը բացարձակ վնասներ չի կրել։ Երբ անցնում էինք մեզ համար նոր ռեժիմի, ավելի շատ խնդիրների էինք սպասում, քան ունեցանք։ Տեխնիկական մասով խնդիրներ չունենք, աշխատանքներն իրենց հունով ընթանում են։
Այստեղ մի փոքր ավել գործ կար անելու PM և HR ֆունկցիաներում՝ աշխատանքների կազմակերպչական մասով։ Թիմերի համար կային մի շարք առաջնային հարցեր, ինչպիսիք են թիմի մոտիվացիան, կորպորատիվ մշակույթի պահպանումը, աշխատակիցների օրը ինչ-որ կերպ լցնելը, տեխնիկական ապահովումների ամբողջական տրամադրումը և այլն։
Խնդիրներն ու մարտահրավերներն արագ, օպտիմալ ու ժպիտով արձագանք ստացան (դե ինչպես միշտ։)
Մեզ հետ կկիսվե՞ք մի քանի հումորային բացահայտումներով, որոնք ևս մեկ անգամ թիմային ժպիտ են պարգևել ձեզ։
Մեր չելինջը ցույց տվեց, որ բոլորս մի շարք բացահայտումներ ենք կատարել այս շրջանում։ Ահա մի քանի կետեր, որոնք նշում են Ֆլաքսիանիները` պատասխանելով չելինջի հարցերին։
Հարց՝ Ի՞նչ ես բացահայտել, ի՞նչ նորություն ունես։
Պատասխաններ՝
- Բացահայտել եմ, որ ես արդեն ունեմ (կամ հույս եմ տվել, որ ունեմ) իմ երազանքների super-power-ը՝ տելեպոռտը։ Ճտցնում եմ՝ գործի եմ, ճտցնում եմ՝ տանը բազկաթոռին նստած եմ։
- Բացահայտել եմ, որ, եթե պարետը կին լիներ, կլիներ մարետ։
- Բացահայտել եմ, որ Նարեն ու Արամը (բալիկներս) լավ էլ կոդ են գրում, ինձ շուտ-շուտ պոդձյերժկա են անում։
- Բացահայտել եմ, որ հեռախոսի մատնահետք որպես` քիթդ էլ կարաս օգտագործես։
Հարց՝ Ի՞նչ ես սկսել կամ թարգել անել, կամ ի՞նչ հետաքրքիր բան կպատմես այս ընթացքի մասին։
Պատասխաններ՝
- Անցած հինգշաբթի սկսել եմ առավոտները մարզվել։
- Անցած ուրբաթ թարգել եմ առավոտները մարզվել։
- Սկսել եմ գործի չգնալ, այլ գործի մնալ:
- Բոլորը սկսել էին կարդալ, ես չսկսեցի, որ իզուր չթարգեմ։
- Սկսել եմ տապչկեքով գործի/դասի գնալ։
Այսքա՜ն շատ պոզիտիվիզմ, հավատացած ենք, որ #wfh-ն էլ ձեզ համար լիքը առավելություններ ունի։
Առավելություններից ամենակարևորն այս փուլում բոլորիս ու մեր շրջապատի առողջությունն է, որը հնարավոր էր ապահովել միայն հեռահար աշխատանքի անցնելով։ Իսկ առհասարակ, ընտանիքի հետ անցկացրած ժամանակն ամենամեծ առավելութլունն է։ Դե, ֆլաքսիանիններից շատերը նաև նշում են այնպիսի կետեր, ինչպիսիք են ամեն պահին ուտելու, հանգստանալու հնարավորությունը ։)
Իհարկե, որոշ թերություններ էլ կան, դա միմյանց հետ շփման, տեսնելու, մեր Ֆլաքսական օրերի բացակայությունն ու կարոտն է։
Եթե համեմատենք ֆլաքսիանիններին այս ռեժիմից առաջ և հետո, ինչպիսի՞ն կլինեն նրանք։
Մենք օվեռթիմային ենք՝ շատ նվիրված իրար ու մեր նարնջագուն երջանկությանը։ Տեսանյութն էլ կփաստի այդ մասին 🙂 Եվ դեռևս առիթ չէր եղել կարոտել յուրաքանչյուրին առանձին-առանձին ու անգամ գրասենյակի ամեն իրն ու երևույթը: Վստահաբար, այս իրավիճակից հետո լինելու ենք ավելի միասնական և ամուր թիմով։
Արդեն պատկերացնում ենք՝ ինչպես է անցնելու ձեր օֆիսային առաջին օրը։ Կտոր մը նարնջագույն երջանկություն հաստատ լինելու է, այդպես չէ՞ 🙂
🙂 🙂 Շատ ճիշտ եք նկատել, բոլորս անհամբերությամբ սպասում ենք այդ օրվան, երբ նորից կանցնենք մեր ուրախ ու նարնջագույն առօրյային։ Մի խինդ, մի ուրախություն, այնքան շատ կիսվելիք և խոսելիք․․․ ։ Կարծում ենք հենց այդ օրն էլ մեր FluxDay-ը կկազմակերպենք ու կփորձենք ինչքան հնարավոր է լրացնել կարոտը։
#WorkFromHome VS #OfficeWork
Վիտամինային երջանկությունը ֆլաքսիանինների ձեռքերում է, հետևաբար շատ շուտով այս ամենը կավարտվի ու բոլորս կվերադառնանք մեր շա՜տ սիրելի օֆիսներ, մի լավ կուրախանանք, կտոնենք, թիմբիլդինգ կանենք ․․․, բայց մինչ այդ անպայման ձեզ հետ կկիսվենք Flux-ի թիմի նարնջագույն աուրայով լուսանկարներով։ Դե ինչ, սպասում ենք 🙂
