Աշխատանք տանից, այն էլ Krisp հավելվածի օգնությամբ, արդեն խորը վստահություն է ներշնչում, որ տեսազանգերի ու, առհասարակ, զանգերի օգտակար գործողության գործակիցը 100% է։

Լավ, իսկ ինչպե՞ս են ընթանում աշխատանքներն անմիջապես Krisp ընկերությունում այս նոր՝ work from home ռեժիմով։ Չէ՞ որ հենց այդ ընկերության թիմային պատրաստակամության, բարձր մոտիվացիայի, նվիրվածության ու եռանդուն աշխատանքի շնորհիվ է, որ այսօր շատերս մասնակցում ենք հեռահար բիզնես հանդիպումների, ձեռք բերում կարևորագույն պայմանավորվածություններ ու ապահովում բարձր պրոֆեսիոնալիզմ մեր աշխատանքում։

Այս առիթով, staff.am թիմն այս անգամ վիրտուալ այց կատարեց Krisp ձեզ հետ միասին ծանոթանալու ընկերության WFH լավագույն փորձին։

Առանձնահատուկ շնորհակալություն հայտնենք Krisp-ի ողջ թիմին և՛ պրոդուկտի, և՛ իրենց ընկերության լավագույն փորձով մեզ հետ կիսվելու համար ու միասին շարունակենք կարդալ 🙂

1st image

Work From Home` Krisp-ի արձագանքը COVID19-ին

Մինչ հեռահար աշխատանքին անցնելը ընկերությունը բոլոր աշխատակիցներին ապահովել է ախտահանիչ նյութերով և պարագաներով՝ ալկոգել, անձեռոցիկներ, դիմակներ։

Նաև ունենք առանձին առաջին բուժօգնության տուփ, որի մեջ ներառված են արյան ճնշում և ջերմություն չափող սարքեր և այլ փոքր պարագաներ, որոնք կարող են աշխատակիցներին պետք գալ առօրյայի ընթացքում։

Ընկերությունը նաև նախաձեռնել էր 0 sick leave policy, որի շրջանակներում աշխատակիցները կարող էին ցանկացած օր վերցնել անսահմանափակ sick leave՝ վատառողջ զգալու դեպքում։ Աշխատակիցները կարող էին նաև ազատ անցնել տանից աշխատելու ռեժիմին՝ անվտանգությունից ելնելով։ Ընկերությունը նաև կիսվել է վիրուսի մասին կարևոր հոդվածներով, նորությունների աղբյուրներով և վիրուսից պաշտպանվելու ուղեցույցներով։

Բայց և այնպես, մենք նախապատրաստվել էինք իրավիճակի բարդացմանը և բավականին արագ կազմեցինք մեր հեռահար աշխատանքի ստրատեգիան։

Մենք շատ հեռահար աշխատողներ ունենք ընկերության մեջ, և work from home-ի անցնելը մեզ մոտ ստացվեց շատ արագ և համեմատաբար ավելի անխուճապ՝ բոլորի հետ կապ պահպանելով և միասին հարցերին լուծում տալով։

Krisp-ը նաև, ելնելով անհրաժեշտությունից, ըստ կարիքի տրամադրեց հավելյալ սարքավորումներ և ծրագրեր, որոնք կօգնեն հեռահար աշխատանքն ավելի արդյունավետ դարձնել։

download

Ձեր արձագանքը Covid19-ին պարզապես զարմացնող է, այնպիսի տպավորություն է, ասես նախապես պատրաստվել էիք remote աշխատանքային ռեժիմին ու ունեիք հստակ քայլերի քարտեզը։ Ճիշտ կռահեցի՞նք։

Այո, մենք նախապես ունեինք work from home մեթոդաբանություն, քանի որ հեռահար աշխատանքը հաճախակի կրկնվող և ընդունված պրակտիկա է Krisp-ում։ Մենք նաև ունենք հանդիպումների բազմաթիվ սենյակներ հագեցած կոնֆերենս սարքավորումներով, որոնց օգնությամբ հեռահար աշխատողները կարող են առանց որևէ խնդիր ունենալու միանալ հանդիպումներին և մասնակցել բոլոր կարևոր քննարկումներին։ Իրադրության փոփոխումից հետո ընկերությունն իրականացրել է շատ փոքր փոփոխություններ, ելնելով այն հանգամանքից, որ բոլոր թիմերն են լինելու հեռահար, և ավելացրել է հաղորդակցությունը բարելավող մի շարք կանոններ և պարտադիր ծրագրեր ։)

Այս ամենը որոշվել է նախապես, բազմաթիվ հանդիպումների և քննարկումների ընթացքում, ինչի արդյունքում մենք ունենք լիովին պատրաստ, լավ տրամադրված հեռահար աշխատող թիմեր։

download

Իրադրությունն անսպասելի էր բոլորիս համար, և երբ ամբողջ աշխարհն անցավ remote աշխատանքի, շատ արագ մեդիա աղբյուրներից՝ Forbes-ը, այդ թվում նաև StaffMedia-ն, տարբեր օգտակար հոդվածներ հրապարակեցին, թե ինչ գործիքներ կարելի է կիրառել տանից աշխատելիս։ Եվ այստեղ իր արժանի տեղն ու դերն ուներ Krisp-ը։ Ի՞նչ մոտեցումներ մշակվեցին պրոդուկտը բոլոր բնակիչներին հասանելի դարձնելու ուղղությամբ։ 

Ինչպես արդեն նշեցիք, մեր Կրիսպ հավելվածը նախատեսված է հեռահար աշխատողների համար։ Ստեղծված իրավիճակի շնորհիվ մենք ևս սկսեցինք ավելի հաճախ օգտվել Krisp-ից և ավելի լավ հասկանալ հեռահար աշխատողներին և նրանց առօրյան։ Եվ մեր ընկերությունը որոշում կայացրեց հնարավորինս շատ աջակցել Հայաստանի բոլոր բնակիչներին և արդյունավետ դարձնել նրանց հեռակա աշխատանքը:

Այդ իսկ պատճառով մենք Կրիսպի վճարովի տարբերակը դարձրեցինք անվճար՝ 6 ամիս տևողությամբ և հույս ունենք, որ այս դժվարին պահին մարդիկ կկարողանան ունենալ ավելի անաղմուկ զանգեր։

WFH. ի՞նչ գործիքներ օգտագործել

download

Իսկ բացի Krisp-ից, ի՞նչ այլ tech գործիքներ եք կիրառում, որոնց միջոցով էլ ապահովում եք այսքան բարձր արդյունավետություն։

Գործնական հաղորդակցությունը և սովորական շփումը միավորել ենք մի ծրագրի մեջ՝ Slack, որը մեզ թույլ է տալիս տարանջատել բոլոր թիմերի աշխատանքը և պրոյեկտները։ Նաև ունենք հետաքրքիր և “ջրիկ” channel-ներ 🙂 որտեղ միշտ մեմեր ենք ուղարկում, կատակում ենք և շփվում միմյանց հետ։

Վիրտուալ հանդիպումները կազմակերպելու համար ունենք Zoom Team plan, և միշտ բոլոր հանդիպումներին միանում ենք տեսազանգով, որպեսզի հնարավորինս ավելի լավ հասկանանք միմյանց, զգանք մեզ ինչպես օֆիսում և վերջապես կարոտներս առնենք։

Գործերի բնականոն ընթացքը պահպանելու համար օգտվում ենք Asana և Jira ծրագրերից՝ թիմերի նախընտրությամբ։ Երկուսն էլ շատ հարմար են տեսնելու համար, թե ով ինչի վրա է աշխատում և որքան ծանրաբեռնվածություն ունի։ Եթե կարիք է լինում արագ վիդեո նկարել համակարգչի վրա ինչ-որ բան ցույց տալու կամ կոնկրետ հարցեր քննարկելու համար, օգտվում ենք Loom ծրագրից։

download

Հեռահար աշխատանքի համար պրոդուկտ ստեղծած ընկերությունը թվում է թե արդեն վաղուց հանդիպել է այս ռեժիմի խնդիրներին ու շուտափույթ լուծումներ գտել։ Կկիսվե՞ք մեզ հետ այդ լուծումներով։

Հեռահար աշխատանքի ժամանակ շատ հաճախ կորցնում ենք ժամանակի զգացողությունը և աշխատում ենք ավելի շատ, քան նախատեսված էր, և, երբեմն, դժվար է լինում տարանջատել գործնական կյանքը անձնականից։ Ընկերությունը բազմիցս նշել է այս կարևոր փաստը, և աշխատում ենք այնպես անել, որ թե՛ գործնական, թե՛ անձնական կյանքը համահունչ լինեն և չտուժեն հեռահար աշխատանքի արդյունքում։

Սկզբում շատ էինք տխրում և մեզ միայնակ էինք զգում, բայց այդ հարցին էլ արագ լուծում տվեցինք – ստեղծեցինք մի առանձին channel, որտեղ կարող ենք ազատ շփվել հենց միայնակ ենք զգում, և ստեղծեցինք Zoom Coffee Break-երը։

Բոլոր աշխատակիցները կարող են ազատ zoom link տեղադրել և հրավիրել բոլորին միասին սրճելու։ Նույնը գործում է նաև լանչի դեպքում։ Ընկերությունն ամեն շաբաթ պատահականության սկզբունքով 5 աշխատակցի համար լանչ է պատվիրում։ Նրանք տեսազանգով միանում են և միասին լանչ են անում։

Նաև նշենք, որ բոլոր վիրտուալ հանդիպումների ժամանակ պարտադիր պայման ենք համարում տեսազանգով միանալը, ինչը օգնում է բոլորին կապը պահել և քննարկումներն ավելի հեշտ ու արդյունավետ անցկացնել։

Չնայած այս ամենին, բոլորս շատ ենք կարոտում մեր օֆիսը, փափուկ պուֆիկները, մեր սուրճ պատրաստող սարքը և միմյանց հետ հաճելի զրույցները 🙂

download

Ըմբռնումով ենք մոտենում, կարծում ենք «կարոտի» խնդիրը շատ շուտով կլուծենք #ՏանըՆստելԱշխատել-ով 😉 Իսկ թիմի մոտիվացիան ու աշխատանքի պրոդուկտիվությունը բարձր պահելու համար ի՞նչ քայլեր են իրականացվում Krisp-ի կողմից։

Անկախ նրանից, որ բոլորը տանից են աշխատում, ընկերության հիմնական գործընթացները մնացել են նույնը։

Մենք երեք շաբաթը մեկ կազմակերպում ենք All Hands-ներ և նախորդ ուրբաթ ունեցանք առաջին ամբողջովին remote All Hands տարբերակը, որն անցավ շատ լավ և արդյունավետ։

Նմանատիպ հաճախակի հանդիպումների օգնությամբ ընկերության բոլոր աշխատակիցները տեղյակ են, թե ինչ է կատարվում ընկերության ներսում և ինչ քայլեր են ձեռնարկվում ամեն օր։ Բոլոր թիմերը առանձին report-ներով ներկայացնում են իրենց գործունեությունն ու հաջողությունները, և բոլորս աշխատում ենք հնարավորինս շատ և թափանցիկորեն պահպանել կապը և ինչ-որ տեղ նույնիսկ “overcommunicate” անել, որպեսզի համոզված լինենք, որ բոլորս ամեն ինչից տեղյակ ենք։

Մենք նաև մոտիվացվում ենք գործնականից դուրս հետաքրքիր շփումով, իրար հետաքրքիր հոդվածներ, տեսահոլովակներ և նկարներ ուղարկելով և միասին սրճելով։ Քայլերից մեկն արդեն նշված՝ Lunch Pals-ն է։

Շուտով նաև ունենալու ենք մեր աշխատանքային սեղանին դնելու գեղեցիկ բույսեր՝ մեր աշխատասեղանն ավելի գեղեցիկ, իսկ տարածքը թթվածնով ավելի հարուստ դարձնելու համար։

4_krisp

Ընկերությունը նաև շարունակում է hiring-ի գործընթացը և բոլոր հարցազրույցները կազմակերպում ենք Zoom-ի օգնությամբ, և նույնիսկ արդեն նոր աշխատակիցներ ունենք 🙂

Ծանոթանալ նոր աշխատանքներին

download

Այսքան հագեցած առօրյայում հաստատ կլինեն հումորային ու ուրախ պահեր, որոնք էլ ապահովում են ձեր իմունային համակարգի ամրությունն ու ապահով աշխատանքը։ 

Վստահեցնում ենք, որ շատ ուրախ են անցնում մեր #WFH օրերը։ Նույնիսկ վիրտուալ տարեդարձներ ենք նշում։ Նախորդ ուրբաթ մեր Krisp համահիմնադիր Դավիթ Բաղդասարյանի ծնունդն էր, և բոլորս որոշել էինք այդ օրը չշնորհավորել նրա ծնունդը, իբր թե մոռացել ենք, դրա փոխարեն պարզապես անակնկալի բերեցինք նրան, երբ բոլորով տեսազանգով միացանք նրա (մեր նախապես պլանավորած) գործնական հանդիպումներից մեկին և շնորհավորեցինք նրան մի բաժակ գինով և ուրախ տրամադրությունն ապահովելով։ Շատ հետաքրքիր և օրիգինալ շնորհավորանք ստացվեց։ Կարողացանք զարմացնել և ուրախացնել Դավիթին, և դա մեր ամենազվարճալի վիրտուալ հանդիպումներից էր 🙂

download

 Իսկ կնշե՞ք հեռահար աշխատանքի մի քանի առավելություններ ձեզ համար։ 

Ամենամեծ առավելություններից այն է, որ մեր Krisp հավելվածից սկսեցինք ավելի շատ օգտվել և ավելի լավ հասկանալ և պատկերացնել օգտագործման եղանակները: Արդյունավետ է նաև ժամանակի խնայողությունը և խցանումների մեջ չընկնելը. բոլորը միշտ հասանելի են, և հանդիպումներն անցնում են ժամանակին։ Մեծ ձեռքբերում է այն, որ ընտանիքի հետ ավելի շատ ժամանակ անցկացնելու հնարավորություն ունենք, ինչն ուրախալի է բոլորի համար։

download

Իսկ վերջում ամփոփենք մեր ավանդական բլից հարցով։ Աշխատավայր վերադառնալուն պես, ո՞րը կլինի ձեր առաջին քայլը։

Աշխատավայր վերադառնալուն պես կանցնենք մեր սովորական գործերին, իսկ թե ինչ է լինելու հետո, կհուզի բոլորին, քանի որ կազմակերպելու ենք մի լավ քեֆ – կպարենք, կխմենք, կուրախանանք և կվայելենք մեր ազատ օրերը 😀

#WorkFromHome VS #OfficeWork

Krisp ընկերության համար նոր չէին remote աշխատանքի առանձնահատկությունները, մարտահրավերներն ու խնդիրները, որոնց մանրակրկիտ ուսումնասիրության շնորհիվ մի կողմից անընդհատ կատարելագործվում է պրոդուկտը, իսկ մյուս կողմից էլ նախապես մշակվում են արդյունավետ մեթոդներ հեռահար աշխատանքի համար՝ remote all hands հանդիպումներ, թիմային միթինգներ, լանչ, վիրտուալ ծնունդներ, օնլայն hiring ու նոր գործընկերներ, բայց թերևս մեկ հարց մենք բոլորով պետք է լուծենք` տանը մնալով: Դա կարոտն է գրասենյակի, թիմակիցների հետ իրական շփման և անգամ գրասենյակի տարբեր առարկաների նկատմամբ։ Անկեղծորեն նշենք, որ մենք էլ ենք անհամբեր սպասում Krisp-ի թիմային «քեֆին», դուք էլ, նկարներով ու սթորիներով կիսվելու ենք, չէ՞ 🙂