#WorkFromHome. Quality Testing Lab-ի լավագույն փորձը

Այժմ շատ-շատ ընկերություններ են անցել տանից աշխատանքի ռեժիմի կորոնավիրուսի պատճառով, ու եթե նախկինում հեռահար աշխատանքի փորձ չի եղել, ապա այս ընթացքում պարզապես մշակվել են մեխանիզմներ ադապտացվելու համար։

Իսկ հետաքրքիր է՝ ինչպիսի՞ն է աշխատանքային առօրյան հեռահար աշխատանքի էքսպերտների մոտ Quality Testing Lab ընկերությունում, որտեղ ի սկզբանե մշակված են եղել հատուկ ձեռնարկներ ու մեթոդներ, քանի որ ընկերությունը հեռահար տարբերակով իր գործընկերներին՝ այսօրվա առաջատար ծրագրավորման ընկերություններին, տրամադրում է որակի թեստավորման լուծումներ։

Եթե մեկ նախադասությամբ, ապա որակյալ աշխատանքին զուգահեռ նրանք ապահովում են նաև ամենօրյա հումորի չափաբաժինը՝ շատ հաճախ այս ամենին հավելելով նաև քաղցրեղենն ու, դե իհարկե, թիմային ժպիտը։

Բայց թե ինչ քայլերով է այս ամենն իրականացվում, եկեք ծանոթանանք ստորև։

Quality Testing Lab-ի հավեսով թիմ, շնորհակալ ենք լավագույն փորձով կիսվելու համար 🙂

[one_half][/one_half][one_half_last]

Work From Home` Quality Testing Lab-ի արձագանքը COVID19-ին

[divider style=”dotted” top=”20″ bottom=”20″]

Ունենալով բազում օտարերկրյա գործընկերներ` պարբերաբար տեղեկանում էինք, որ նրանցից շատերն անցել են հեռահար աշխատանքի։ Դեռ մարտի առաջին շաբաթն էր, երբ մենք նույնպես, առանց կառավարության որոշմանը սպասելու, սկսեցինք հեռահար աշխատել` կարևորելով աշխատակիցների անվտանգությունը։

Շնորհիվ հեռահար աշխատանքը կազմակերպելու և կառավարելու մեծ փորձի՝ անցումը մեզ համար բավականին անխափան ստացվեց։

[/one_half_last]

Մեր կազմակերպությունն արտամատակարարման (outsource) ծառայություններ է մատուցում, և գործընկերների համար կատարվող աշխատանքը մատուցում ենք հեռահար տարբերակով։ Բացի այդ, աշխատակիցների հարմարավետության համար մենք նախկինում ևս աջակցել ենք  հեռահար աշխատելը։

Աշխատանքի կազմակերպումից զատ, մենք նաև ախտահանեցինք մեր գրասենյակը, մեր ընդհանուր խմբում պարբերաբար տեղադրվում են պարետատան որոշումներն ու նորությունները՝ տեղեկատվական վստահելի աղբյուրներից ինֆորմացիային անմիջապես ծանոթանալու համար։ Չնայած առիթը բաց չթողնենք գովալու մեր աշխատակիցներին, բարձր պատասխանատվությամբ են մոտենում այս հարցին 🙂 Մեր գրասենյակի դեղատուփն էլ ուներ անհրաժեշտ բոլոր պարագաները (դիմակներ, ձեռնոցներ, ալկոգելներ) գրասենյակից դուրս գալիս անվտանգության նորմերն ապահովելու համար։

Մենք մեր պարտքը համարեցինք նաև ֆինանսապես աջակցել պետությանն այս շրջանում։ Այդ նպատակով ֆոնդահայթայթման առաջին իսկ օրը կորոնավիրուսային հիվանդության դեմ պայքարի աջակցությանն ուղղված ֆոնդին կազմակերպության կողմից գումար փոխանցեցինք։

Իսկ նախապես մշակված մեթոդաբանությունը, թե՞ իրավիճակին արագ լուծումներ տալն ապահովեց սահունություն այս անցումային շրջանում։

Ունենք մշակված «Աշխատակցի ձեռնարկ», որտեղ հատուկ բաժին ենք հատկացրել հեռահար աշխատանքի գործընթացի նկարագրության համար։ Թեպետ տվյալ իրավիճակը շատ անսպասելի էր և պահանջում էր իրավիճակին հատուկ քայլեր, մեր մշակած մեթոդաբանությունը հասցեագրել էր այն խոշոր և միջին խնդիրները, որոնք հնարավոր է ի հայտ գային։ Համաձայն ձեռնարկի, մենք ամեն օր միասին անցկացնում ենք առավոտյան քննարկումներ՝ սուրճի շուրջ։ Բոլորս նախապես հաստատված ժամին վիդեո-զանգով կապվում ենք և խոսում իրավիճակից, գործերից, կիսվում հետաքրքիր նորություններով, խմբային խաղեր խաղում։ Բացի այդ, երբեմն երեկոյան ըստ ցանկության հավաքվում ենք ու միասին ֆիլմ դիտում՝ ընթացքում քննարկելով։ Հաճախ մինչև ֆիլմի վերջ չենք հասնում, քանի որ դիտումը վերածվում է զրույցի, բայց ամեն հաջորդ անգամ նախորդից ավելի երկար ժամանակ ենք տրամադրում ֆիլմին։ Հուսանք մինչ համավարակի ավարտը գոնե մեկ ամբողջական ֆիլմ դիտած կլինենք 🙂

Ինչևէ, հպարտությամբ կարող ենք ասել, որ մեր կայացրած ցանկացած որոշման և մշակած մեթոդաբանության հիմքում մեր թիմն է։ Թիմի անդամներից ամեն մեկը մի նոր արժեք է ավելացնում մեր համակարգում, ուստի յուրաքանչյուրը խրախուսվում է կիսվել առաջարկներով և կարծիքներով։

Եթե remote աշխատանք, ապա միայն tech գործիքներով։  Կհամաձայնեք, որ մեկը մյուսից խիստ կախված են։ Իսկ որո՞նք են այն tech գործիքները, որոնց շնորհիվ և՛ արդյունավետ աշխատում եք, և՛ այդքան զվարճալի միթինգներ եք ունենում։

Նեղ մասնագիտական աշխատանքային գործիքներից զատ, օգտագործում ենք Slack, Jitsi, Google Meet, Zoom գործիքները աշխատանքի և հանդիպումների կազմակերպման համար։ Կազմակերպության ներսում իրականացվող անգլերենի դասընթացները նույնպես շարունակվում են իրականացվել տվյալ հարթակների միջոցով։ Իսկ արդեն հավես ժամանակ անցկացնելու համար վիդեո-զանգ ենք կատարում Facebook հարթակով, ընտրում օրվա դիմակն ու սկսում շփվել ?

Երևում է՝ սիրում եք արկածներ որոնել, այս ընթացքում էլ հաստատ շատ արկածներ պատահած կլինեն։ Հավանաբար մասնագիտացումից է, չէ՞ որ ծրագրերում  որակի ապահովման համար միշտ բոլոր հնարավոր և անհնար ուղիներն եք փորձարկում 🙂 

[one_half]Մենք ունենք մի հետաքրքիր ավանդույթ։ Ամեն ամիս ընտրում ենք 1 օր և հայտարարում թեմատիկ տոն։ Այդ օրը նախապես որոշված թեմայի մոտիվներով սովորաբար զարդարում էին գրասենյակը, հագնվում և անվճար հյուրասիրություն կազմակերպում։

Մարտ ամսվա թեմատիկ տոնի ժամանակ արդեն տանից էինք աշխատում ու այս անգամ որոշեցինք այդ օրն անակնկալ անել բոլորին։ Վաղ առավոտյան մեր հաշվապահը ընդհանուր խմբի կարևոր հայտարարություններ բաժնում գրեց, որ մի փաստաթուղթ է լրացնում և իրեն շտապ անհրաժեշտ է տվյալ պահին մեր գտնվելու վայրի հասցեն։ Տասը րոպեն չբոլորած բոլորն արդեն գրել էին հասցեները։ Մեկ ժամ անց նշված հասցեներով առաքվեցին համեղ ուտեստներ։ Թե որքան անսպասելի էր ստանալ առաքիչից զանգ, արդեն կարելի է ենթադրել :)[/one_half][one_half_last][/one_half_last]

Մարտ ամիսը ձեզ մոտ «հեռահար համեղ ամիս» է եղել? ?, իսկ ի՞նչ այլ քայլեր են համեմում ձեր առօրյա աշխատանքային օրերն ու ապահովում աշխատակիցների բարձր մոտիվացիան։

Ստեղծված իրավիճակում team building-ներ կազմակերպելու մարտահրավերը որոշեցինք ի սկզբանե ընդունել։ Բազում առցանց հարթակների միջոցով պարբերաբար կազմակերպում ենք թիմային աշխատանքներ՝ թիմային ոգին բարձրացնելու և սոցիալական կապը չկորցնելու նպատակով։

Չենք մոռանում նաև մեր աշխատակիցների ծննդյան օրերը տոն դարձնելու մասին։ Մեր HR մասնագետը առցանց միջոցառում (event) է կազմակերպում և հրավերն ուղարկում բոլորիս՝ բացի հոբելյարից։ Հենց 00։00-ին ավելացնում ենք նաև հոբելյարին և միասին շնորհավորում իր տարեդարձը։

Իսկ այսքան գունեղ առօրյայում ի՞նչ մարտահրավերներ են առաջացել ու գտել իրենց էֆեկտիվ լուծումը։ 

Աշխատակիցներից որոշների մոտ առաջացան տեխնիկական խնդիրներ։ Օրինակ՝ մի քանիսին անհրաժեշտ էր երկրորդ էկրան, մյուսներն ունեին ինտերնետ կապի խնդիր։ Տվյալ խնդիրները գործընկեր կազմակերպությունների ու միմյանց հետ սերտ հաղորդակցվելու շնորհիվ արագ լուծում ստացան։

Մինչ մեր բլից հարցին անդրադառնալը, կնշե՞ք այն առավելությունները, որոնք հասցրել եք ձեռք բերել այս օրերի ընթացքում և հետագայում էլ կիրառելի կլինեն։

Առավելություններից էր աշխատանքի ընդունելության նոր՝ հեռահար, մեթոդաբանության մշակումն ու պրակտիկ կիրառումը։ Ավելին, այս կարճ ժամանակում հասցրել ենք իրականացնել բազում առցանց հարցազրույցներ, ինչպես նաև համալրել ենք մեր թիմը նոր աշխատակցով։

Նոր աշխատակցի համար նույնպես ստեղծել ենք աշխատանքային բարենպաստ պայմաններ, ապահովել անհրաժեշտ տեխնիկայով և փորձի ու գիտելիքի փոխանակման միջոցներով։

Եվ ահա երկար սպասված պահը․ ինչպիսի՞ն է լինելու առաջին օֆիսային աշխատանքային օրը Quality Testing Lab-ի թիմի համար 🙂 

Երբ պանդեմիայից հետո առաջին անգամ թիմով գնանք գրասենյակ, մուտքի մոտից կշրջվենք և կուղևորվենք քաղաքից դուրս։ Մի քանի կուտակված առիթներ ունենք նշելու․ կազմակերպության տարեդարձը, ինչպես նաև թիմի մի քանի անդամների տարեդարձները։ Ու, իհարկե, ամենամեծ առիթը՝ պանդեմիայի ավարտը։ Որոշել ենք 1-2 շաբաթով տեղափոխվել քաղաքից դուրս և աշխատանքներն անցկացնել այնտեղից։

[divider style=”double” top=”20″ bottom=”20″]

#WorkFromHome VS #OfficeWork

[divider style=”double” top=”20″ bottom=”20″]

«Իսկ ի՞նչ ֆիլմ դիտել այս երեկոյան․․․», նման հարց շատ հաճախ կարելի է գտնել Quality Testing Lab-ի թիմային չաթերում, բայց թերևս այս թիմի համար ֆիլմի ընտրությունն այնքան կարևոր չէ, որքան ամեն մեկի կարծիքն արժևորելն ու միասին հումորով ու զրույցաշատ ժամանակ անցկացնելը։ Իսկ նման միջավայրում, բոլորս գիտենք, աշխատանքը միշտ շահում է, գործընկերները՝ նույնպես 🙂

Quality Testing Lab ընկերության մասին ավելին բացահայտելու համար, կարող եք այցելել այստեղ։