2022 թվականը մոտենում է իր ավարտին և staff.am-ում մեկնարկում է այդքան սպասված «Տարին ամփոփ» նախագիծը. Ամփոփում ենք տարբեր ընկերությունների տարվա ընթացքում գրանցած ձեռքբերումներն ու նորությունները։
Այսօր ուրախ ենք ձեզ հետ կիսվել Evolution ընկերության 2022թ. պատմությամբ 🙂 Այս տարին մեկնարկային էր Evolution-ի համար․ կարևոր իրադարձությունները կարծես հաջորդեցին մեկը մյուսին, և տարեսկզբին դեռ նոր ձևավորվող թիմը տարեվերջին կարծես պատմություն թողած լինի իր հետևում։
Հոկտեմբերի վերջին խաղային ոլորտի առաջատարը պաշտոնապես բացեց ստուդիան Երևանում։ Ընկերությունն իր գործունեությունը Հայաստանում սկսել է ծավալել դեռևս 2020թ․-ից և համալրել թիմը՝ հեռարձակման ընդարձակ ստուդիայի շենքի կառուցմանը զուգընթաց։
200 նոր Evolutioneer
Ինչպես Evolution-ի բոլոր գրասենյակներում, այնպես էլ hայաստանյան ստուդիայում 2022թ․-ի ընթացքում գրանցվել է աշխատակիցների քանակի աճ։
2022թ․-ի հունվարից մինչ օրս Հայաստանում ընկերության աշխատակիցների թիվը գրեթե քառապատկվել է։
Աշխատակիցների մեծ մասը զբաղեցնում են ստուդիայի՝ Գործառնական բաժնի հաստիքները, սակայն հետաքրքրությունը մեծ է նաև նեղ մասնագիտացում պահանջող հաստիքների նկատմամբ։ Դե իսկ 28 աշխատակից արդեն իսկ ունեցել է պաշտոնի բարձրացում։
Լինելով միջազգային խոշոր ընկերություն՝ մենք խրախուսում ենք բազմազանությունը՝ մեր թիմ ներգրավելով տարբեր ազգության, կրոնի և ռասայական պատկանելության երիտասարդների։ Աշխարհի շուրջ 40 վայրերում մեզ են միացել ավելի քան 100 ազգության 16 000+ աշխատակից, իսկ Հայաստանում 8 ազգության գրեթե 300 աշխատակից, – ոգևորությամբ նշեցին Evolution-ում։
Նոր Սկիզբ և Աճի մարտահրավերներ
2020թ․-ին շուկա մուտք գործելուց հետո Evolution-ի հայաստանյան թիմը երկար ճանապարհ անցավ մինչև առաջին LIVE հեռարձակումը երևանյան ստուդիայից։ Օրը հիշարժան էր և լի հուզումնալից պահերով։ Այս իրադարձությանը հաջորդեցին ընկերության բարձրագույն ղեկավարության ներկայացուցիչների պարբերական այցերը Հայաստան՝ տեղում հայկական թիմին ծանոթանալու և փորձի փոխանցման նպատակով։ Այս մասին արդեն հասցրել ենք խոսել մեր նախորդ հրապարակումներից մեկում։
Տարվա ամենախոշոր իրադարձությունը, ընդարձակ, նորարար լուծումներով և տեխնիկայի վերջին շնչով հագեցած ստուդիայի պաշտոնական բացումն էր։
Հանդիսավոր արարողությանը ներկա էին Evolution Group-ի Գլխավոր գործադիր տնօրեն Մարտին Կարլսունդը, Գործառնությունների տնօրեն Օլեսյա Իվանովան, ՀՀ էկոնոմիկայի նախարար Վահան Քերոբյանը, Հայաստանում Շվեդիայի դեսպան Պատրիկ Սվենսոնը, բիզնես ոլորտի մի շարք ներկայացուցիչներ, տեղական լրատվամիջոցներ և տեղական թիմի ներկայացուցիչներ։
Մուտք գործելով հայկական շուկա՝ Evolution-ը հարյուրավոր աշխատատեղեր է ստեղծել տեղի երիտասարդների համար։
Ամենամյա ԿՍՊ (Կորպորատիվ Սոցիալական Պատասխանատվության) Նախաձեռնությունը. EVO-ն նվիրաբերում է երիտասարդների և երեխաների համար
Evolution-ը ձգտում է լինել օրինակելի գործատու:
Հավատարիմ մնալով մեր հիմնական արժեքներին՝ այն է՝ «Ակտիվ», «Գործել ճիշտ» և «Աշխատել միասին», մենք կարծում ենք, որ կարևոր է աջակցել այն համայնքներին, որտեղ մենք գործում ենք: Ինչպես ամեն տարի, այս տարի ևս յուրաքանչյուր Evolutioneer որոշեց իրեն հասանելիք ամանորյա նվերի բյուջեն նվիրաբերել: Այսպիսով, մեր նախաձեռնություններն իրականացվում են յուրաքանչյուր Evolutioneer-ի անունից։
EVO-ում հավատում են, որ յուրաքանչյուր երեխա արժանի է մեծանալ որակյալ խնամքի և նախադպրոցական կրթություն ստանալու ջերմ և զարգացմանը նպաստող միջավայրում: Ահա թե ինչու այս անգամ որոշեցին ամենամյա Կորպորատիվ Սոցիալական Պատասխանատվության ծրագրի շրջանակում օգնել «ՍՕՍ Մանկական Գյուղեր» ՀԿ-ին։
Այս նվիրատվությունն ուղղված է ՀԿ-ի Կոտայքի Մարզի մանկատան սմարթ սենյակին, որն ունի 150-ից ավելի շահառու և միտված է երիտասարդներին կրթելուն, նրանց կարողությունների զարգացմանը նպաստելուն և երեխաների համար նախադպրոցական ուսուցման գործընթացը էլ ավելի օգտակար դարձնելուն:
Ավելին՝ տեսանյութում:
Evolution-ը որպես Գրավիչ գործատու
Շուկա մուտք գործելիս Evolution-ն սկսեց կադրերի ակտիվ հավաքագրումը։ Հենց այստեղից էլ սկսվեց սերտ համագործակցություն համալսարանների, կարիերայի կենտրոնների հետ՝ ձևավորելով ուսանող-գործատու անմիջական կապը։
Ամբողջ տարվա ընթացքում մեր ուշադրության կենտրոնում էին աշխատաշուկային առնչվող բազմաբնույթ միջոցառումները՝ այդ թվում աշխատանքի տոնավաճառներն ու կարիերայի օրերը։
Ընկերությունն ամենամսյա սկզբունքով կազմակերպել է ուսուցողական և տեղեկատվական հանդիպումների շարք ուսանողների հետ, դասընթացներ աշխատաշուկա մուտք գործելու, գործատու ընտրելու և կարիերայի աճի հնարավորությունների մասին։
Այս նոյեմբերին կազմակերպեցինք նաև բաց դռների օր, որտեղ հյուրերին պատմեցինք և տեղում ծանոթացրինք Evolution-ում աշխատելու փորձառության մասին։
Մասնագիտությունների բազմազանությունը
Հաշվի առնելով ՀՀ աշխատաշուկա նոր մուտք գործելու հանգամանքը՝ Evolution-ում տարվա ընթացքում ունեցել են ամենատարբեր ուղղություններով մասնագետների պահանջարկ` սկսած նեղ մասնագետներից, ինչպիսին վիդեոինժեներն է, հնչունային օպերատորը, մինչև հաստիքներ սկսնակների համար՝ կարիերայի աճի բազմաթիվ հնարավորություններով և առանց նախնական աշխատանքային փորձի անհրաժեշտության։
Տարվա ամենահիշարժան օրը
Մեր հարցին, թե որն է եղել տարվա ամենահիշարժան օրը Evolution-ում, միահամուռ կերպով հնշեց մեկ պատասխան.
Մեր պաշտոնական բացման օրը հիշարժան է, ոչ միայն 2022թ․-ի համար, այլև առհասարակ: Մեծ հպարտություն է Հայաստանում ունենալ նման խոշոր հեղինակավոր ընկերության ներկայացուցչություն, որը մեր երկիր իր մուտքով ստեղծում է բազմաթիվ աշխատատեղեր՝ իր հետ բերելով խոշոր ներդրումներ։
2023թ․-ի հավակնոտ պլանների մասին
Հայաստանի հետ կապված Evolution-ի ծրագրերը երկարաժամկետ են:
Մեր ծառայությունների նկատմամբ համաշխարհային աճող պահանջարկի պայմաններում ակնկալում ենք, որ մեր Երևանյան ստուդիան մաս կկազմի այդ պահանջարկը բավարարելու գործում: Մուտք գործելով հայկական շուկա՝ Evolution-ը ստեղծել է հարյուրավոր աշխատատեղեր երիտասարդների համար: Մեր նպատակն է լինել գրավիչ գործատու՝ առաջարկելով մեր կորպորատիվ մշակույթը, դինամիկ աշխատանքային մթնոլորտն ու արտոնությունները՝ շարունակաբար մեծացնելով աշխատատեղերի քանակը տեղական շուկայում:
Ընկերության մասին
Evolution Armenia-ն 2006թ․-ին հիմնադրված և 2015թ-ից ի վեր Nasdaq Nordic հարթակում ընդգրկված միջազգային Evolution Group-ի մի մասն է։ Evolution-ն ամենախոշոր օպերատորներին առցանց խաղերի ոլորտում նորարար ծրագրային ապահովման լուծումներ առաջարկող առաջատար միջազգային ընկերություն է, որը գործում է աշխարհի ավեի քան 40 վայրերում և իր թիմում է հավաքել շուրջ 100 ազգությունների ավելի 16000 ներկայացուցիչների։ «Evolution»-ը մշակում է, ստեղծում, գովազդում ու լիցենզավորում ամբողջովին ինտեգրված B2B առցանց խաղային լուծումներ օպերատորների համար։
Մաղթում ենք արդյունաշատ 2023թ. Evolution-ի թիմին և ընկերության գործունեությանը Հայաստանում և սպասում նոր նվաճումների 🙂
