Արմենիա Թրավել

Արմենիա Թրավել ընկերությունը հիմնադրվել է 1996 թվականին և այսօր հանդիսանում է իր ոլորտի առաջատարներից մեկը Հայաստանում:

Ավելի քան 25 տարի լինելով շուկայում, ընկերությունը իրականացնում է գործունեություն զբոսաշրջության ու հարակից ոլորտներում՝ տարաբնույթ ծառայություններ մատուցելով Հայաստանում և արտերկրում: Տարիների ընթացքում ընդլայնվելով, ներկայումս ընկերությունը ունի ավելի քան 40 փորձառու աշխատակիցներ:

Դեռևս 1998 թվականաին ընկերությունը ստանում է ՀՀ կառավարական իր առաջին պարգևը` ծառայությունների մատուցման բարձր որակի համար: Սկսած 1999 թվականից ընկերությունը, որպես ավիատոմսերի վաճառքով ՀՀ-ում առաջատար, արժանացել է աշխարհի լավագույն ավիաընկերությունների բազմաթիվ պարգևների ու մրցանակների:

2000թ.-ից ընկերությունը հանդիսանում է «Միջազգային օդային տրանսպորտի ասոցացիայի» (IATA) հավատարմագրված անդամ: 2007թ.-ից ընկերությունը արժանացել է Հայաստանում Lufthansa-ի քաղաքային կենտրոն լինելու և “Armenia Travel Lufthansa City Center” հեղինակավոր անունը կրելու իրավունքին՝ դառնալով իր տեսակի մեջ ամենամեծ համաշխարհային ճամփորդական ցանցի ներկայացուցիչը: 2017 թ.-ից ընկերությունը դարձել է Air Arabia ավիաընկերության, իսկ 2022 թվականից նույն Air Arabia ընկերության կողմից կառավարվող՝ ՀՀ ազգային ավիափոխադրող Fly Arna ավիաընկերության բեռնափոխադրման վաճառքի գործակալը:

Ընկերության կողմից առաջարկվող ծառայություններն են՝

• Ավիատոմսերի ամրագրում և վաճառք
• Ներգնա կազմակերպված զբոսաշրջային փաթեթների ձևավորում և վաճառք
• Արտագնա զբոսաշրջային փաթեթների վաճառք, ներառյալ մուտքի արտոնագրերի համար անհրաժեշտ թղթաբանության լրացման մասով օժանդակություն և ճամփորդական ապահովագրության տրամադրում
• Միջազգային գիտաժողովների, հավաքների, կոնֆերանսների և տարաբնույթ միջոցառումների կազմակերպում, ներառյալ անհրաժեշտ տեխնիկայի, ինչպես նաև համաժամանակյա ու հաջորդական թարգմանությունների ապահովում
• Միջազգային բեռնափոխադրումների կազմակերպում
• Հյուրանոցների ամրագրում Հայաստանում և արտերկրում
• Տուրերի ու տրանսֆերների կազմակերպում Հայաստանում և արտերկրում
• Բարձրակարգ և մասնագիտացված զբոսավարների տրամադրում Հայաստանում