Եվրոիմպորտ ՍՊԸ

Տասնյակ տարիներ առաջ հայ գնորդին ճանաչելի դարձավ ներմուծող՝ «Սուրեն Խաժակյան ԱՁ» անունը՝ որպես որակի երաշխիք։ 2005 թվականին մեր ընկերությունը սկսեց իր գործունեությունը՝ նպատակ դնելով հայ սպառողին ներկայացնել միմիայն բարձրորակ արտադրանք՝ ներմուծված եվրոպական երկրներից։ Սկզբնական շրջանում ներմուծելով ընդամենը մեկ ապրանքանիշ (մի քանի անուն ապրանքով), ընկերությունը տարեցտարի ընդլայնեց իր գործունեության շրջանակը՝ դառնալով մի շարք բրենդների պաշտոնական ներկայացուցիչը Հայաստանում։

Մեր առաքելությունը հայ գնորդին եվրոպական բարձրորակ արտադրանքը հասանելի դարձնելն ու հայաստանյան շուկայում որակ ապահովելն է։ Այդ իսկ պատճառով համագործակցում ենք միջազգային շուկայում մեծ ճանաչում ունեցող ապրանքանիշերի հետ։ Հայ գնորդն ունի ընտրության լայն հնարավորություն։ Մենք առաջարկում ենք ավելի քան 30 ապրանքանիշ՝ շուրջ 8000 անուն ապրանքով, որոնք ներկայացված են Հայաստանի  գրեթե բոլոր սուպերմարկետներում ու հանրախանութներում։

Ստորև հակիրճ ներկայացնում ենք ընկերության պատմությունը.

• 2005 թվականին սկիզբ է դրվել ընկերության գործունեությանը հայաստանյան շուկայում։ Սկզբնական շրջանում ընկերությունը զբաղվել է միմիայն տնտեսական ապրանքների, խնամքի միջոցների և պարարտանյութերի ներմուծմամբ ու վաճառքով։

• 2008-2009 թթ․ սկսել է համագործակցությունը լեհական խոշորագույն արտադրական ընկերություններից մեկի՝ INCO-ի հետ՝ ներմուծելով հայտնի ու առաջատար ապրանքանիշերի (Florovit, Ludwik) բարձրորակ արտադրանքը։

• 2015 թ․ ընկերությունը մուտք է գործել նոր ոլորտ՝ հայ սպառողին առաջարկելով եվրոպական բարձրորակ մոմերի մեծ տեսականի։ Այժմ ընկերությունը հանդիսանում է Եվրոպայում մեծ հայտնիություն ունեցող Bispol, Bolsius, Bartek, Kerzenfarm բրենդների պաշտոնական ներկայացուցիչը Հայաստանում։

• 2019 թ․ հիմնադրվել է Մոմարտ խանութ-սրահը, որը ներկայացնում է բուրավետ ու դեկորատիվ մոմերի, մոմակալների, լամպերի լայն տեսականի։

• 2020թ․ ընկերությունն ընդլայնել է իր գործունեությունը և "Սուրեն Խաժակյան ԱՁ"-ին կից ստեղծել է "Եվրոիմպորտ" անունը կրող ՍՊԸ-ն։

• 2021 թ․ ստեղծվել է ընկերության երկրորդ-խանութ-սրահը՝ "Կոմֆարեան" (Հյուսիսային պողոտա 6/2, Տաշիր սթրիթ առևտրի կենտրոն), որտեղ ներկայացված են Home Impex (Berlinger Haus, Blaumann), Keter Group (Keter, Curver), Florentyna (Botti, Florina, Miss Lucy և այլն), Arti-m և այլ եվրոպական հեղինակավոր ընկերությունների մի շարք բրենդների տեսականին:

• 2022 թ. բացվել է ընկերության երրորդ խանութ-սրահը` "Կոմֆարեան" (Փափազյան 8, Ռիո մոլ առևտրի կենտրոն), համալրելով տեսականին իտալական Franco, CV Cristal ապրանքանիշերով:

• 2024 թ. նշանավորվել է նոր խանութ-սրահի բացմամբ` Արամի 48 հասցեում, որտեղ նույն հասցեում սկսեց գործել նաև "Մոմարտ" խանութ-սրահը: 

• 2024թ ստեղծվել է տեխնիկապես հագեցած ու բազմաֆունկցիոնալ օնլայն խանութը, որտեղ ներկայացված են ոչ միայն "Մոմարտ" ու "Կոմֆարեա" խանութ-սրահների, այլև ընկերության կողմից  ներմուծված ապրանքների ամբողջ տեսականին։

• 2024թ. բացվել է ընկերության չորրորդ խանութ-սրահը` "Կոմֆարեան" (Տիչինա 2/1), համալրելով տեսականին նոր ու որակյալ ապրանքանիշերով: