Նեքսիա Արմենիա ՓԲԸ
«Նեքսիա Արմենիա» փակ բաժնետիրական ընկերությունը հիմնադրվել է 1998 թվականին և աուդիտի, հաշվապահական հաշվառման, հարկերի և խորհրդատվության գծով ծառայություններ է մատուցում՝ շահելով հասարակության վստահությունը և ստեղծելով արժեքներ մեր հաճախորդների և այլ շահառուների համար:
Ընկերությունը սկզբնապես հիմնադրվել է որպես «Արշիար» ՍՊԸ, որը 2004 թ.-ին վերակազմակերպվել է «Էյ-Էն Քոնսալթ» ՓԲԸ-ի և հիմնադրման պահից զբաղվել է խորհրդատվական և հաշվապահական ծառայությունների մատուցմամբ: Ընկերության բաժնետերերը ոլորտում հայտնի, բազմափորձ և գիտակ մասնագետներ են, որոնք եղել են ՀՀ-ում 1998 թ.-ից սկիզբ առած հաշվապահական հաշվառման և աուդիտի բարեփոխումների անմիջական նախաձեռնողներից և իրականացնողներից։ Իրենց կողմից ներդրված փորձն ու գիտելիքները նպաստեցին նրան, որ 2010 թ. Ընկերությունը հասունացավ նաև որպես աուդիտորական ծառայություններ մատուցող ընկերություն, նույն թվականին ՀՀ ֆինանսների նախարարությունից ստացավ աուդիտորական ծառայությունների իրականացման լիցենզիա և վերանվանվեց որպես «Էյ-Էն Աուդիտ» ՓԲԸ:
Ընկերությունն այժմ արդեն համալրված է 25 բարձրակարգ մասնագետներով, որոնցից 7-ն ունեն աուդիտորի մասնագիտական որակավորման վկայական, իսկ 3-ը՝ ՀՀ Կենտրոնական բանկի կողմից տրված տարբեր կարգի որակավորման վկայականներ, որոնք ձևավորում են Ընկերության մասնագիտական կորիզը, ինչը թույլ է տալիս մատուցել բարձրորակ ծառայություններ տեղական և միջազգային ընկերությունների համար:
Սկսած 2015 թ. մարտից «Էյ-Էն Աուդիտ» ՓԲԸ-ն հանդիսանում է համաշխարհային առաջին տասնյակում ընդգրկված Nexia International հաշվապահական և աուդիտորական ընկերությունների ցանցին:
2024-ին «Էյ-Էն Աուդիտ» ՓԲԸ-ն դարձավ Nexia համաշխարհային ցանցի լիիրավ անդամ և շարունակեց իր գործունեությունը արդեն որպես «Նեքսիա Արմենիա» ՓԲԸ (Nexia Armenia): Այս շրջադարձային փուլը ոչ միայն ընդգծում է ընկերության անցյալի ձեռքբերումները, այլև բացում է նոր հնարավորություններ՝ տեղական և միջազգային շուկաներում արդյունավետ գործելու համար:
Nexia համաշխարհային ցանցին միանալով՝ ընկերությունը ձեռք է բերում հնարավորություն առաջարկելու լայնածավալ և ինտեգրված ծառայություններ, ներառյալ՝ տրանսֆերային գնագոյացում, բիզնեսի գնահատում, կառավարման համակարգերի ներդրում և կայուն զարգացման հաշվետվությունների պատրաստում՝ միջազգային բարձր չափանիշներին համապատասխան:
