ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ

ՀՀ վարչապետի աշխատակազմի «Հանրային կապերի և տեղեկատվության կենտրոն»-ը պետական ոչ առևտրային կազմակերպություն է, որը ստեղծվել է 2008 թվականի նոյեմբերի 6-ին և ներառվել է ՀՀ նախագահի աշխատակազմում։ ՀՀ կառավարության 2017 թվականի դեկտեմբերի 9-ի որոշման համաձայն ՀՀ կառավարության «Տեղեկատվության և վերլուծության կենտրոն» ՊՈԱԿ-ը վերակազմակերպվել է՝ միանալով նախագահի աշխատակազմի ՊՈԱԿ-ին։ Խորհրդարանական կառավարմանն անցնելուց հետո վերակազմավորված Հանրային կապերի և տեղեկատվության կենտրոնը սկսել է գործել ՀՀ կառավարության, իսկ այնուհետև ՀՀ վարչապետի աշխատակազմի ներքո։ Կառույցը բազմապրոֆիլ գործառույթներ է իրականացնում տեղեկատվության և հանրային հաղորդակցության ոլորտում՝ առնչվելով պետական գերատեսչությունների, լրատվամիջոցների, հասարակական, միջազգային կառույցների և ամբողջ հասարակության հետ։