Instigate Consulting
Սկսած 2005 թվականից՝ մենք իրականացնում ենք Ինստիգեյթ խմբի ինժեներական ընկերությունների ենթակառուցվածքների սպասարկումը։ Ընկերությունների հաջողություններին և զարգացմանը զուգընթաց ավելացան ենթակառուցվածքների նկատմամբ պահանջները, և 2014թ․ հիմնադրվեց «Ինստիգեյթ Խորհրդատվական» ընկերությունը, որը մինչ օրս խմբի միակ ոչ ինժեներական ընկերությունն է։ Գործունեության առաջին իսկ օրից, որդեգրելով մայր ընկերության արժեհամակարգը և աստիճանաբար հաղթահարելով մարտահրավերները՝ մեզ հաջողվել է հավաքագրել փորձառու և որակավորված մասնագետների թիմ։
Հենվելով ենթակառուցվածքների կառավարման ոլորտում հաջող փորձի վրա՝ մեր ընկերությունն ընդլայնեց իր գործընկերների շրջանակը՝ առաջարկելով արդյունավետ լուծումներ արդեն ոչ միայն խմբի անդամներին, այլև Հայաստանում և արտերկրում գործող ընկերություններին։ Տարիների ընթացքում կառուցելով ազնիվ գործընկերային հարաբերություններ, մշտապես կատարելագործելով գիտելիքն ու հմտությունները՝ աջակցել ենք ոլորտի զարգացմանը և պետականաշինությանը։
Այսօր մեր ծառայություններն ընդգրկում են ձեռնարկատիրությունների ենթակառուցվածքների կառավարման ողջ փաթեթը։ Գործունեության տարիների ընթացքում հասցրել ենք ձեռք բերել 90֊ից ավել կազմակերպությունների վստահությունը։ Մեր կողմից առաջարկվող ծառայությունների արդյունավետությունը, հուսալիությունը ու շարունակական բարելավումն ապահովված են որակի ապահովման միջազգային չափանիշներով։ Հավատարիմ լինելով տարածաշրջանների հավասարաչափ զարգացման սկզբունքին՝ հիմնել ենք մասնաճյուղեր Հայաստանի տարբեր մարզերում։ Այսօր մեր գործունեության քարտեզն ընդգրկում է Հայաստանի 7 քաղաքները:
