ԻՏԱԼ ՍՈԼԱՐ
Մեր մասին
Մեծ ներուժ ունեցող և վստահ քայլերով առաջընթաց ապրող Իտալ Սոլար ընկերությունն իր ուրույն ներդրումն ունի Հայաստանի և ողջ աշխարհի կանաչ տնտեսության զարգացման մեջ:
Մանրակրկիտ մասնագիտական ուսումնասիրություններն ու հետազոտությունները թույլ են տվել բացահայտել խնդիրներ, որոնք տեղի բիզնես հարթակը, ցավոք սրտի, այդպես էլ չի կարողանում լուծել:
Արդյունքում Իտալիայի գործընկերների հետ մշակվել է նմանը չունեցող մարտավարություն, որը թույլ կտա հայ սպառողին մատուցել եվրոպական չափանիշներին համապատասխան որակ և շահավետ վճարային պայմաններ:
Մեր պատմությունը
2022 թվականից ի վեր ընկերությունը գործունեություն է ծավալում իտալական ներդրումների շնորհիվ:
Աննախադեպ կարճ ժամանակահատվածում Իտալ Սոլարը ձեռք է բերել համաշխարհային լայն ճանաչում ունեցող ընկերությունների վստահությունն ու ստացել համագործակցության բացառիկ հնարավորություն: Այսօր մենք մեր սպառողին ենք առաջարկում միջազգային բարձրագույն որակ ապահովող արտադրողների կողմից ներկայացված արևային վահանակների և փոխակերպիչների լայն ընտրանի:
Ժամանակն է ստանալ ավելին:
Հենց այսպիսի կարգախոսով է առաջնորդվում Իտալ Սոլարը՝ իր տեղական գործընկերներին առաջարկելով շուկայական միջին գին և ավել արտադրողականություն: Ընկերությունը միակն է տեղական շուկայում, ով տրամադրում է 30 տարվա երաշխիք ամբողջ արևային համակարգի համար:
Մեր առաքելությունը
Ազնվությունը մեր հաջողության գրավականն է: Ուսումնասիրելով միջազգային և տեղական փորձը և փոխառելով մասնագիտական լավագույն մոտեցումները՝ ընկերությունը մշտապես ձգտում է կատարելության: Մեր նպատակն է դառնալ Հայաստանում արևային էներգիայի դեսպանը՝ իրազեկելով հասարակությանը երկնային հզոր լուսատուի կարևորության մասին:
Մեր արժեքները
Մարդը մեր ուժն է: Ուստի մեզ համար չափազանց կարևոր է յուրաքանչյուր հաճախորդի և գործընկերոջ մատուցել անհատապես մշակված ծառայություններ: Իտալ Սոլարի թիմը բաղկացած է արևային էներգիայի ոլորտում բարձր որակավորում ունեցող մասնագետներից, ովքեր սիրով կուղղորդեն ձեզ դեպի փոխշահավետ և շրջակա միջավայրի համար անվտանգ զարգացում:
