Reezalt Creative Labs

Մի փոքր պատմենք, թե ինչով է զբաղվում Reezalt Creative Labs-ը:  Reezalt-ը դասակարգվում է՝ որպես կրեատիվ կազմակերպություն, բայց այս կազմակերպության գործունեությունը շատ ավելի խորքային է՝ հիմնված գաղափարների հաղորդակցության վրա։ Համատեքստը, ձևաչափը և ռազմավարությունը երկրորդական են, թիմն իր հիմնական աշխատանքն է համարում ճիշտ լսարանին հնարավորինս արդյունավետ ձևով գաղափարների փոխանցումը։  2018-ից ի վեր 100-ից ավելի հայկական եւ արտասահմանյան ընկերություններ Reezalt-ին են վստահում իրենց թվային մարքեթինգի եւ բրենդիգի կազմակերպումը Ռիզալթի թիմին։ Թիմը իսկապես հպարտանում է այն փաստով, որ Reezalt-ը հայկական շուկայում ամենաարագ աճն ունեցող կրեատիվ կազմակերպությունն է։ Ի դեպ, աճի մասին՝ վերջերս Reezalt-ը սկսել է նաև բրենդինգի ծառայություն առաջարկել և արդեն հասցրել է իրականացնել հաջողված պրոյեկտներ։ Թիմը նոր բրենդի կոնցեպտի ստեղծմանը մոտենում է ամենայն պատասխանատվությամբ, ջանում է տվյալ կազմակերպության նախապես ստեղծած գաղափարները ճիշտ ձևով ներդնել բրենդինգի ամեն դետալում․ չէ՞ որ կազմակերպության հաղորդակցության որակն իր հաճախորդների հետ մեծապես կախված է լինելու հենց բրենդինգից։ Reezalt-ի թիմն արդեն հասցրել է բրենդինգ տրամադրել առաջին հայկական նշի կաթի՝ ՆԱԹ-ի համար, հաջողվել է նաև Ձեռնարկությունների ինկուբատոր հիմնադրամի՝ EIF-ի վիզուալ համակարգի ստեղծումն ու րե-բրենդինգը։

Ինչո՞վ է տարբերվել և տարբերվում Reezalt-ի մոտեցումը։ Այս ընկերությունը հիմքը դնում է արդյունավետության վրա՝ մտքում հստակ ունենալով գործընկերների և իր սեփական ակնկալիքների վերջնական պատկերը։ Չեն ցանկանում ուղղակի թվեր ներկայացնել իրենց հետ աշխատող ընկերություններին, այլ լուծումներ են առաջարկում արդյունքները բարելավելու համար և օգնում են տեսնել այդ արդյունքներից բխող հնարավորությունները բիզնեսի զարգացման հարցում ևս։ Գործընկերներին լավագույն արդյունքներին հասցնելու այս նպատակից էլ ծնվել է ընկերության անվանումը՝ Reezalt Creative Labs (Reezalt-Result բառախաղ, անգլ․ արդյունք բառից):

Ի՞նչն է միավորում Reezalt թիմի անդամներին։ Նախևառաջ՝ ի սկզբանե ձևավորված կորպորատիվ արժեքները։ Գործունեության հենց առաջին օրերից, երբ թիմում կար ընդամենը 3 անդամ, այդ արժեքներն արդեն իսկ սահմանում էին Reezalt-ի աշխատելաոճը, իսկ այսօր միավորում են 10-ից ավելի թիմակիցների։ Այս թիմում գնահատվում է յուրաքանչյուր անձի աճելու, միշտ առաջ շարժվելու անհագ ցանկությունը, որով թիմակիցները վարակում են միմյանց և աջակցում իրենց թիմակից-ընկերների առաջխաղացմանը նույնպես։ Reezalt-ի թիմի հետ մի քանի րոպե շփվելուց հետո կարելի է հասկանալ, թե ինչպիսի բաց, ընտանեկան, ուրախ և անկաշկանդ միջավայր է տիրում այնտեղ։ Իսկ աշխատանքում միանգամից աչքի են ընկնում կրեատիվությունը, վերլուծական մտածողությունը, պահանջկոտությունը և նախաձեռնողականությունը։ Այստեղ բոլորն ազատ են արտահայտել իրենց կարծիքը, առաջարկներ անել և քննարկել ցանկացած մանրուք։ Reezalt-ի թիմի յուրաքանչյուր անդամ մյուսի գլխավոր քննադատն է, խորհրդատուն և քաջալերողը:

Reezalt-ի հիմնադիրները պնդում են՝  “մեր մարդիկ” պարտավոր չեն իրենց բնագավառում ցանկացած մանրուքի տիրապետել, փոխարենը նրանք պետք է առանձնանան իրենց մարդկային արժեքներով։ Նրանք վստահ են՝ գործնական հմտությունները կարելի է զարգացնել՝ հատկապես այնպիսի ազատ միջավայրում, ինչպիսին իրենք են տրամադրում, այնպես որ իրենց պոտենցիալ թիմակիցներին ընտրելիս կենտրոնանում են հատկապես համագործակցելու, կարեկցելու և աջակցելու կարողությունների վրա։