Santech

SanTech ապրանքանիշը ներկայացնում է «ԼԻԴ ՄԵՉ» ընկերությունը, որ մասնագիտացած է օդորակման, ջեռուցման, հովացման, օդափոխության, ինչպես նաև ջրամատակարարման, ջրահեռացման, ծխահեռացման ու հակահրդեհային համակարգերի պատրաստման և տեղադրման ոլորտներում:

Ընկերությունը զբաղվում է հիշյալ համակարգերում կիրառվող սարքերի ու սարքավորումների ներմուծմամբ և վաճառքով ևս: 2011 թվականից գործում է նաև պոլիէթիլենային հումքով ջերմամեկուսիչների հոսքագիծը:

Ընկերությունը համագործակցում է ավելի քան 25 հայտնի միջազգային կազմակերպությունների հետ: 2011 թվականից ի վեր հանդիսանում է GREE ապրանքանիշի խոշորագույն ներկրողը Հայաստանում: 2009 թվականից «ԼԻԴ ՄԵՉ» ընկերությունը սկսել է ներկրել BENNINGER ապրանքանիշը, որը միջազգային շուկայում ճանաչվել է պոլիէթիլենային հումքից արտադրված խողովակների լավագույն արտադրողը, և հանդիսանում է էքսկլյուզիվ ներկայացուցիչը ՀՀ-ում: Ընկերությունը 2015 թվականից սկսել է պաշտոնապես Հայաստան ներկրել նաև Rehau ապրանքանիշը:

«ԼԻԴ ՄԵՉ»-ը համագործակցում է ոլորտի մի շարք այլ հեղինակավոր կազմակերպությունների հետ ևս, ինչպիսին են, օրինակ, իտալական Ebara, Ecoflame, Varem, Aermec, գերմանական Wolf, Ostendorf, լեհական Retting Heating, Dospel, լիտվական Salda, ռուսական Lissant, Veza ընկերությունները:

«ԼԻԴ ՄԵՉ»-ընկերությունը այսօր զբաղեցնում է մոտ 4700 քմ տարածք, ունի ավելի քան 110 աշխատող: