«Վեստա»-ն Հայաստանում կենցաղային տեխնիկայի և էլեկտրոնիկայի մանրամեծածախ առևտրով զբաղվող առաջատար ընկերություններից մեկն է: Ընկերությունն իր առաջին խանութ-սրահը բացել է 2001 թվականին Երևանի կենտրոնում: Որոշ ժամանակ անց, առևտրի ծավալների և հաճախորդների թվի աճով պայմանավորված, տեղափոխվել է   ք. Երևան, Ծովակալ Իսակովի 48/1 հասցե` ընդլայնելով տարածքը մինչև 23500ք/մ:

2012 թվականից գործում է Գյումրու մասնաճյուղը, իսկ 2020թ․ -ի նոյեմբերից նաև Վանաձորում։

Այսօր ընկերությունը Հայաստանի խոշոր քաղաքներում՝ Իջևանում, Եղեգնաձորում, Նոյեմբերյանում և Մարտունիում, ակտիվորեն զարգացնում է ֆրանչայզինգը, ինչի արդյունքում ՀՀ մարզերի բնակիչները հնարավորություն են ստացել օգտվելու «Վեստա»-ի կողմից ներկայացվող լայն ապրանքատեսականուց և այլ առավելություններից ։

«Վեստա» ընկերությունը հանդիսանում է այնպիսի առաջատար արտադրողների պաշտոնական գործընկերը Հայաստանում, ինչպիսիք են  Samsung, Philips, Sharp, Gorenje, Midea, Zelmer, Skyworth, Hitachi  ընկերությունները։

Ընկերության գործունեության ոլորտները տարբեր են` էլեկտրատեխնիկայի մանրածախ և մեծածախ վաճառքից մինչև կահույքի արտադրություն։ Ընկերությունը մատուցում է նաև բարձրակարգ վերանորոգման ծառայություններ:

«Վեստա» սպասարկման կենտրոնը «Samsung» և «Philips» ընկերությունների կողմից ստացել է արտոնագիր, և իրականացնում է   երաշխիքային և հետերաշխիքային սպասարկում՝ վերոնշյալ ընկերությունների կողմից հաստատված պահանջներին ու չափորոշիչներին համապատասխան:

«Վեստա» ընկերությունն իր ուրույն տեղն է գտել նաև Հայաստանի կահույքի արտադրության ոլորտում։ Կահույքի արտադրամասն իր գնորդներին է առաջարկում  բազմաոճ և ժամանակակից խոհանոցային, հյուրասենյակային, ննջասենյակային, մանկական, ամառանոցային և այլ կահույքի մեծ տեսականի:

«Վեստա» ընկերության առաքելությունը բարձր որակը, արագությունը և մատչելիությունը համատեղելն է:

Կազմակերպության արժեքներ են՝ աշխատասիրությունը, արհեստավարժ աշխատանքային թիմը, արդարությունը, փոխադարձ հարգանքը և ստեղծագործական մոտեցումը։

Մեր աշխատանքի դիմաց ամենաբարձր վարձատրությունը մեր հաճախորդների վստահությունն ու գոհունակությունն են: