![Պրեմիում Ֆուդ](https://cdn.staff.am/staff.am/upload/f/0/8/4/f084cd45.png)
Գլխավոր հաշվապահ
Վերջնաժամկետ՝ 27 Հուլիս 2024
Աշխատանքի պայմաններ՝ Մշտական
Կատեգորիա՝ Հաշվապահություն/Հաշվետարություն/Դրամարկղ
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
«Պրեմիում Ֆուդ» ՍՊ Ընկերությունը իր թիմը համալրելու նպատակով փնտրում է փորձառու գլխավոր հաշվապահի՝ ով պատասխանատու կլինի Ընկերության ֆինանսական և հաշվապահական հաշվառման գործառույթների կազմակերպման և իրականացման համար։
/am/glkhavor-hashvapah-387
Աշխատանքային պարտականություններ
- ՀՀ օրենսդրությամբ սահմանված կարգով վարել Ընկերության հաշվապահական հաշվառումը:
- Կատարել ընկերության նյութական արժեքների գույքագրում, համապատասխան ակտերի կազմում, ինչպես նաև ապահովել հիմնական միջոցների, ապրանքանյութական արժեքների և դրամական միջոցների հաշվառումը, դրանց շարժի հետ կապված գործառնությունների ժամանակին արտացոլումը հաշվապահական հաշվառման հաշիվներում:
- Սահմանված ժամկետներում կազմել ամսական, եռամսյակային և տարեկան հաշվապահական հաշվետվություններ և ժամանակին ներկայացնել ՀՀ ՊԵԿ, ինչպես նաև այլ պետական և տեղական ինքնակառավարման մարմիններ:
- Անհրաժեշտության դեպքում կազմել դեբիտորական և կրեդիտորական պարտքերի վերաբերյալ հաշվետվություններ:
- Կատարել եկամուտների և ծախսերի ճշգրիտ վերլուծություն:
- Կատարել բանկային փոխանցումներ:
- Կատարել աշխատավարձի հաշվարկ:
- Իրականացնել օրենքով, Գործատուի կանոնադրությամբ և ներքին իրավական ակտերով սահմանված այլ գործառույթներ:
- Հետևել հաշվապահական և հարկային օրենսդրության փոփոխություններին, և հաշվապահական հաշվառումը իրականացնել գործող օրենսդրության պահանջներին համապատասխան:
Անհրաժեշտ հմտություններ
- Բարձրագույն կրթություն՝ հաշվապահության, ֆինանսների և հարակից այլ ոլորտում:
- Աշխատանքային փորձ արտադրության/ներմուծման ոլորտում:
- 1 C ծրագրի գերազանց իմացություն:
- Հաշվապահական հաշվառման ստանդարտների իմացություն:
- Հարկային և մաքսային օրենսդրության գերազանց իմացություն:
- Նվազագույնը 5 տարվա մասնագիտական աշխատանքային փորձ:
- Ռուսերեն և անգլերեն լեզուների բավարար իմացություն գործընկերների հետ հաղորդակցվելու նպատակով:
- Արդյունավետ առաջնորդության հմտություններ:
- Ժամանակի կառավարման և ժամկետներին հետևելու ունակություն:
- Արդյունքի վրա կենտրոնացվածություն և առաջնահերթությունների սահմանման հմտություններ:
Պահանջվող թեկնածուի մակարդակը: C մակարդակ
Լրացուցիչ տեղեկություն
Տվյալ հաստիքին դիմելու համար, ուղարկեք Ձեր CV-ն hr@premiumfood.am էլ. հասցեին՝ թեմա դաշտում նշելով Գլխավոր հաշվապահ:
Մասնագիտական հմտություններ
1C հաշվապահական ծրագիր
ՀՀ հարկային օրենսդրություն
Անձնական հմտություններ
Առաջնահերթությունները որոշելու կարողություն
Բանակցությունների հմտություններ
Վերլուծական հմտություններ
Տարածեք այս հայտարարությունը սոց․ մեդիայի միջոցով։
Ընկերության մասին
Մեր մասին
«Պրեմիում Ֆուդ» ՍՊԸ
2018թ.՝ հիմնադրման տարեթիվ
«Պրեմիում Ֆուդ» ՍՊ ընկերությունը իր հեռանկարային և զարգացման տանող պատմությունը սկսել է մակարոնի և սուրճի արտադրությունից, և նույն ժամանակաշրջանում ընկերության հիմնադիր Դավիթ Դավթյանի հավակնոտ մտքերի և տեսլականի հովանու ներքո, ստեղծելով ուժեղ և փորձառու վաճառքի թիմ, որոշում կայացվեց զուգահեռաբար հիմնադրել Արտաքին Տնտեսական Կապերի բաժին (Ներմուծման բաժին), որը կզբաղվեր և՜ սեփական արտադրանքի արտահանմամբ արտաքին շուկա, և՜ սննդային և տնտեսական նշանակություն ունեցող ապրանքների ներմուծմամբ:
2019թ.
Իր գործելաոճի, բազմաչարչար աշխատանքի և դինամիկ աճի արդյունքում, «Պրեմիում Ֆուդ» ընկերությունը ձեռք է բերում մեծ համբավ և վստահություն արտաքին և ներքին շուկաներում, և դառնում է բարձրակարգ բուսական յուղերի «Բլագո» ապրանքանիշի բացառիկ ներկայացուցիչը ՀՀ ողջ տարածաշրջանում: Օգտագործելով մեծ ռեսուրսներ, ընկերությանը հաջողվում է մանրամեծածախ առևտրային վաճառակետերում և ցանցերում «Բլագո» ապրանքանիշով զբաղեցնել դարակաշարերի առաջատար դիրքերը:
2020թ.
Տարվա ձեռքբերումներից մեկը ապրանքատեսակների լայն տեսականին է և դրա ակտիվ և մշտական աճը: 2020թ.-ին ընկերությունը արդեն ուներ 115 տեսակի ապրանքների ներմուծում՝ ԵԱՏՄ և երրորդ երկրներից: Ակտիվ զարգացում է արձանագրվել նաև նպարեղենի, ընդեղենի և պահածոների բաժիններում: Այս տարի տեղի ունեցան թռիճքային դրական փոփոխություններ. ընկերության հիմնադիր Դավիթ Դավթյանի նախաձեռնությամբ հիմնադրվեցին նաև 2 խոշոր ընկերություններ այլ ոլորտներում՝ «ARM Construct» և «VAV Logistics» ընկերությունները: «ARM Construct» ընկերությունը սկսեց ակտիվ իրականացնել բազբաբնակարանների և խոշոր կոմպլեքսների շինարարություն՝ Երևան քաղաքի տարբեր հատվածներում: Հանձնվեցին շահագործման 2 պրեմիում դասի շենքեր: «VAV Logistics» ընկերությունը գործունեությունը սկսեց դեպի ԵԱՏՄ տարածք և ԵԱՏՄ տարածքից ապրանքների բեռնափոխադրում ընկերությանը պատկանող «MAN» մակնիշի 20-ից ավել 22տն բեռնատարողությամբ բեռնատար ավտոմեքենաներով:
2021թ.
Այս տարին ևս մեծ ցուցանիշների աճ տվեց: Ընկերությունը կնքեց բացառիկ պայմանագրեր ՀՀ խոշոր արտադրողների և տնտեսվարող սուբյեկտների հետ և սկսեց մատակարարել որակյալ ապրանքներ խոշոր քանակներով: Այդ շարքին են դասվում օրինակ՝ «Արտ Ֆուդ», «Դարոինկը», «Դերժավա-Ս», «Պռոշյանի պահածոների գործարան» ընկերությունները: Սույն թվականին «Պրեմիում Ֆուդ» ընկերությունը իրականացրել է մոտ 4մլն տն բուսական յուղերի վաճառք ողջ ՀՀ տարածքում:
2022թ.
Ընդլայնելով իր շուկան, «Պրեմիում Ֆուդը» ընդլայնում է նաև արտաքին շուկաների գործընկերների աշխարհագրական ուղղությունները և խոշոր ծավալներով սկսում է իրականացնել տարատեսակ ապրանքատեսակների ներմուծում՝ 3-րդ երկրներից, ինչպիսիք են՝ տոմատի մածքուկը, բարձր կարգի բրինձը, ընդեղենը: 2022թ.-ի դրությամբ ընկերության գործընկեր երկրներն են՝ Ռուսաստանը, Բելարուսը, Ուկրաինան, Դուբայը, Պակիստանը, Վիետնամը, Հնդկաստանը, Իրանը և այլ երկրներ: Այս զարգացումների հետ համընթաց համալրվեց և փոխարինվեցին նորով նաև վաճառք իրականացնող թիմի բեռնատար ավտոմեքենաները: Ձեռք բերվեցին նոր սերնդի Ford Transit մակնիշի ավտոմեքենաները, թվով 14 հատ:
2023թ.
Այս պատմական տարում «Պրեմիում Ֆուդ» ՍՊ ընկերությունը ք. Երևանում ձեռք բերեց 4հԱ տարածք որպես սեփականություն, որտեղ նախագծվում և պլանավորվում է տարածաշրջանում ամենախոշոր իտալական բարձրակարգ հոսքագծերով համալրված մակարոնի, կրուպեղենի արտադրություն և փաթեթավորում, որը կսպասարկի ողջ ՀՀ տարածքը: Կառուցվելու են նաև 2հԱ կենտրոնական պահեստ, ավտոմեքենաների կայանատեղի, սառնարանային և չոր պահեստներ, ադմինիստրատիվ կոմպլեքս և այլն: 2023թ.-ի դրությամբ ընկերությունում առկա են սեփական վաճառքի թիմի համար նախատեսված 22 բեռնատար ավտոմեքենաներ:
2018թ.-ից առ այսօր «Պրեմիում Ֆուդ» ՍՊԸ-ն հանդիսանում է ՀՀ զինված ուժերի սննդի առաջատար մատակարարներից մեկը:
Մեր արժեքները
Մենք կարևորում ենք աշխատակիցների աշխատասիրությունն ու նպատակասլացությունը, անդադար ուսուցման ցանկությունը և մարդկային բարձր արժեքներով օժտված լինելը: Եվ այդ ամենն է ցանկացած ոլորտի հաջողության գրավականը:
Արտոնությունների փաթեթ
Կոնտակտներ
Հասցե՝ Երևան, Արշակունյաց 127/21, Երևան, Հայաստանի Հանրապետություն