Դիմել էլ. փոստով

Ասպիրանտուրայի ուսումնառություն (կրթաթոշակ՝ տրամադրված Սոֆթ Կոնստրակտ ՓԲԸ-ի կողմից)

Դիմել էլ. փոստով

Վերջնաժամկետ՝ 05 Հունիս 2024

Աշխատանքի պայմաններ՝ Այլ

Կատեգորիա՝ Տնտեսագիտություն

Աշխատանքի տեսակը՝ Ամբողջ դրույք

Գտնվելու վայրը՝ Երևան

Աշխատանքի նկարագրություն՝

Սոֆթ Կոնստրակտ ՓԲԸ-ի կողմից ՀՖՀՀ-ում (Հայաստան) և ֆրանսիական համալսարանում (Ֆրանսիա) ասպիրանտուրայի ուսումնառության համար տրամադրված կրթաթոշակ:

Մասնագիտություն՝ Տնտեսության, նրա ոլորտների տնտեսագիտություն և կառավարում

Տևողությունը՝ 3 տարի՝ 2024թ.-ի սեպտեմբերից սկսած

Ատենախոսության գրելու և պաշտպանության լեզուն՝ ֆրանսերեն

Ուսուցման վայրը՝ ՀՖՀՀ, Հայաստան

Աշխատանքային պարտականություններ

Տնտեսության, նրա ոլորտների տնտեսագիտության և կառավարման գծով ատենախոսության թեմայի անվանումը պետք է կապված լինի հետևյալ ուղղությունների հետ՝

  1. Մեքենայական ուսուցման (Machine Learning) մեթոդները կառավարումում և/կամ ֆինանսներում:
  2. Արհեստական բանականության և տվյալների պեղման մեթոդների կիրառությունները մարքեթինգում:

Ասպիրանտուրայի ուսումնառության կազմակերպումը

1.1. Ասպիրանտը գրանցվում է ֆրանսիական գործընկեր համալսարանում, որտեղ նրա համար նշանակվում է գիտական ղեկավար: Հայաստանում ֆրանսիական համալսարան հիմնադրամից (ՀՖՀՀ) կարող է նշանակվել համաղեկավար, որի առաքելությունը ասպիրանտի ղեկավարումն է Հայաստանում:

1.2. Ասպիրանտը գրանցվում է Ֆրանսիայում իր գիտական ղեկավարի գիտահետազոտական ինստիտուտում, կատարում և հրատարակում է գիտահետազոտական աշխատանքներ, օգտվում է ֆրանսիական գործընկեր համալսարանի գիտահետազոտական բոլոր ռեսուրսներից:

1.3. Հնարավորության դեպքում ասպիրանտը տարեկան մի քանի շաբաթ շարունակաբար (1 տարվա ընթացքում առավելագույնը 45 օր) գործուղվում է Ֆրանսիայի գործընկեր համալսարան՝ գիտական ղեկավարի հետ աշխատելու, գործընկեր համալսարանի հետազոտական աշխատանքներին և գիտական հրապարակումներին մասնակից լինելու համար:

1.4. Ասպիրանտը ՀՖՀՀ-ում պետք է իրականացնի գիտահետազոտական աշխատանք և ներգրավվում է մանկավարժական գործընթացում. դասավանդում, մասնակցություն տարբեր մանկավարժական նախագծերի:

1.5. Յուրաքանչյուր տարի ասպիրանտը պետք է 64 ժամ դասավանդի առանց լրացուցիչ վարձատրության, որի համար համապատասխան ֆակուլտետի դեկանը պետք է դասավանդման պահանջարկ արձանագրի: Եթե դասավանդած ժամերի քանակը գերազանցում է 64 ժամը, ասպիրանտը վճարվում է ՀՖՀՀ սովորական դրույքաչափով: Տարվա ընթացքում Ասպիրանտի կողմից դասավանդվող ժամերը չեն կարող գերազանցել ընդհանուր 100 ժամը:

1.6. Մանկավարժական գործընթացում իր ներգրավվածության շրջանակում ասպիրանտը ստուգում է իր ուսանողների քննական աշխատանքները (առանց լրացուցիչ վարձատրության 1.5. դրույթում նշված 64 ժամերի շրջանակներում):

Պահանջվող թեկնածուի մակարդակը: Ավագ

Լրացուցիչ տեղեկություն

Հայտերի ընդունում

  • Ասպիրանտուրա ընդունվելու դիմումները պետք է ներկայացվեն մինչև ս.թ. հունիս 6-ը, ժամը 12:00՝ ՀՖՀՀ Ֆինանսների և Մարքեթինգի ֆակուլտետների վարչական պատասխանատու Աննա Բուղդարյանին (ap_finances@ufar.am):

Պահանջվող փաստաթղթերն են.

  • Հետազոտության թեման և ասպիրանտուրայում սովորելու ցանկությունը հիմնավորող մոտիվացիոն նամակ ֆրանսերեն կամ անգլերեն լեզվով,
  • 1 լուսանկար,
  • Ինքնակենսագրություն ֆրանսերեն լեզվով,
  • Հրապարակված գիտական աշխատանքների պատճենները /եթե առկա են/, ինչպես նաև դրանց ամփոփումը ֆրանսերեն լեզվով, եթե այլ լեզվով են,
  • Կատարած հետազոտական աշխատանքի կամ դրա բացակայության պարագայում ուսումնառության ընթացքում իրականացված դիպլոմային աշխատանքի պատճենը՝ դիմորդի խմբագրական հմտությունները պարզելու համար,
  • Բարձրագույն ուսումնական հաստատությունում ուսումնառության ընթացքում ստացած գնահատականների ամփոփագիրը,
  • Բարձրագույն կրթության առկայությունը հավաստող դիպլոմների պատճենները,
  • Ֆրանսերենի իմացության ընդհանուր եվրոպական շրջանակի B2 մակարդակի հավաստագրի պատճենը,
  • Երաշխավորագիր նամակներ (կարող են կցվել դիմումին դիմորդի ցանկությամբ):

Ներկայացված փաստաթղթերի հիման վրա ընտրված թեկնածուները կհրավիրվեն հարցազրույցի:

Տեղեկատվություն ստանալու համար հարցերը ուղղվում են ՀՖՀՀ հետազոտությունների պատասխանատու Արամ Եսայանին (էլ. հասցե.՝ respch_math_stat@ufar.am) կամ ՀՖՀՀ Ֆինանսների և Մարքեթինգի ֆակուլտետների վարչական պատասխանատու Աննա Բուղդարյանին (էլ. հասցե.՝ ap_finances@ufar.am, հեռ.՝ 060 27 96 61):

Խնդրում ենք հստակորեն նշել, որ աշխատանքի մասին տեղեկացել եք staff.am-ի միջոցով:

Մասնագիտական հմտություններ

Հետազոտելու հմտություն

Մեքենայական ուսուցում

Տնտեսություն

Արհեստական բանականություն

Անձնական հմտություններ

Թիմում աշխատելու ունակություն

Անձնական կարգապահություն

learning ability

Մանկավարժական հմտություններ

Դիմել էլ. փոստով

Տարածեք այս հայտարարությունը սոց․ մեդիայի միջոցով։

Ընկերության մասին

Հայաստանում ֆրանսիական համալսարանը (ՀՖՀՀ) հիմնադրվել է 2000թ.-ին` համաձայն 1995 թ.-ին Հայաստանի և Ֆրանսիայի կառավարությունների միջև ստորագրված մշակութային, գիտական և տեխնիկական համագործակցության համաձայնագրի։ Հիմնադիրները` ՀՀ կրթության և գիտության և արտաքին գործերի նախարարությունները, Ֆրանսիայի արտաքին գործերի և միջազգային զարգացման նախարարությունը և Հայաստանում ֆրանսիայի դեսպանատունն այսպիսով կարևորեցին հայ երիտասարդների կրթությունն` ի շահ Հայաստանի և ֆրանս-հայկական հարաբերությունների:

Տնօրինության կազմը` ռեկտոր, արտաքին հարաբերությունների և որակի գծով պրոռեկտոր, վարչաֆինանսական տնօրեն, ուսումնական գծով տնօրեն: Ըստ Հայաստանում ֆրանսիական համալսարանի կանոնադրության` ռեկտորը ֆրանսիացի պետք է լինի:

Համալսարանի մանկավարժական և վարչական կառավարումն իրականացվում է հայ-ֆրանսիական աշխատակազմի կողմից՝ ֆրանսիացի ռեկտոր, պրոֆեսոր Բերտրան Վենարի գլխավորությամբ: Ուսումնական մասը ղեկավարում է Զարուհի Սողոմոնյանը:

ՀՖՀՀ-ի ակադեմիական գործընկերները Ժան Մուլեն Լիոն 3 և Թուլուզ 3 Պոլ Սաբատիե համալսարաններն են, որոնց հետ համագործակցության շնորհիվ ՀՖՀՀ-ն շնորհում է երկու՝ հայկական և ֆրանսիական պետական դիպլոմներ:

Կոնտակտներ

Վեբ կայք http://www.ufar.am

Հեռախոսահամար` +37460279657/077945574

Հասցե՝ 10 Davit Anhaght str., Երևան, Հայաստանի Հանրապետություն

Գտնել Հայաստանում ֆրանսիական համալսարան սոց․ կայքերում

Եվս մի քանի աշխատանք, որոնք կհավանեք

Հավանաբար կցանկանաք տեսնել նաև

Հավանաբար կցանկանաք տեսնել նաև