Դիմել ընկերության էջում

Երեխայի և Ընտանիքի Կենտրոնի համակարգող

Դիմել ընկերության էջում

Վերջնաժամկետ՝ 14 Հուլիս 2024

Աշխատանքի պայմաններ՝ Ժամանակավոր

Կատեգորիա՝ Պետական/ Հանրային/ Քաղ․ ծառայություն

Աշխատանքի տեսակը՝ Ամբողջ դրույք

Գտնվելու վայրը՝ Վանաձոր‎

Աշխատանքի նկարագրություն՝

ՔՈ ԴԵՐԸ

ՔՈԱՖ-ը աճում է մեծ մասշտաբներով, և մենք փնտրում ենք մասնագետների, ովքեր պատրաստ են միանալու մեր դինամիկ թիմին։ Եթե ունեք կառավարման խորը գիտելիքներ, ինչպես նաև ներանձնային և կազմակերպչական հմտություններ, համայնքային զարգացման ծրագրերի, փոփոխությունների խթանման և բազմաֆունկցիոնալ միջավայրում կատարողականի բարելավման փորձառություն, ապա ՔՈԱՖ-ի («Հայաստանի մանուկներ» բարեգործական հիմնադրամ) Դեբետի Երեխայի և ընտանիքի կենտրոնի (Կենտրոն) համակարգողի դերը հենց քեզ համար է։ Առավել մանրամասն․

ՔՈ ԹԻՄԸ

Դեբետի Երեխայի և ընտանիքի կենտրոնի համակարգողի դերը ստանձնելով՝ դու միանալու ես ՔՈԱՖ-ի Գյուղական ծրագրերի մեծ թիմին և աշխատելու ես ՔՈԱՖ-ի Գյուղական ծրագրերի ղեկավարի անմիջական առաջնորդությամբ։

Աշխատանքային պարտականություններ

ՆԱԽԱԳԾԵՐԻ ԿԱՌԱՎԱՐՈՒՄ (40%)

  • Կենտրոնը դարձնել առանցքային հանգույց շահառու համայնքներին հոգեբանական, լոգոպեդական, սոցիալական աշխատանքի, վաղ մանկան զարգացման, մասնագետների վերապատրաստման և այլ հարակից ծառայություններ մատուցելու համար։
  • Ղեկավարել կենտրոնը, կազմակերպել Կենտրոնի անձնակազմի համակարգված աշխատանքը և ապահովել ծառայությունների ժամանակին, որակյալ և արդյունավետ իրականացումը։
  • Մասնագետների հետ համագործակցաբար կազմել և իրականացնել Կենտրոնի տարեկան աշխատանքային պլանը, մասնակցել բյուջեի մշակման աշխատանքներին:
  • Վերահսկել աշխատանքային պլանի ժամանակացույցը և համապատասխանությունը, վերահսկել մատուցվող ծառայությունների որակը, ներկայացնել կատարելագործման առաջարկներ:
  • Նախաձեռնել և կազմակերպել Կենտրոնի միջոցառումները։
  • Կազմել, թարմացնել, վերլուծել, վերահսկել կենտրոնի շահառուների տվյալների բազան, կազմել բանավոր և գրավոր հաշվետվություններ:
  • Գրանցել երեխաներին, կնքել, համաձայնագրեր, ապահովել ծնողների հետ հետադարձ կապը:
  • Վերահսկել գույքի, սարքավորումների պատշաճ օգտագործումը, իրականացնել պահեստի վարում, տարեկան գույքագրում։
  • Կազմակերպել Կենտրոնի գնումները, լուծել ու կարգավորել ծագած վարչական հարցերը և խնդիրները:
  • Համագործակցել ՍՄԱՐԹ կրթակարգի ծրագրային և գործառնական ղեկավարի հետ, կազմակերպել ծառայություններ` կրթակարգի կարիքներից ելնելով։
  • Կատարել կազմակերպչական և վարչական բնույթի այլ գործառույթներ, որոնք ուղղորդվում են երևանյան գրասենյակի ղեկավար թիմի կողմից։
  • Ճանապարհորդել ըստ անհրաժեշտության։

Մարդկային ռեսուրսների կառավարում (30%)

  • Կառավարել թիմի աշխատանքի ծավալն ու գրաֆիկը՝ երաշխավորելով աշխատանքի բարձր որակն ու արդյունավետությունը։
  • Ծառայությունների ղեկավարների հետ հետևել թիմի կատարողականին՝ կանոնավոր հետադարձ կապի միջոցով։
  • Ապահովել թիմի և այլ դերակատարների սահուն հաղորդակցությունը։
  • Կազմակերպել և նախաձեռնել թիմային հանդիպումներ՝ ներքին հաղորդակցության խթանման, աշխատանքների առաջընթացի քննարկման, թիմի բարեկեցության ապահովման նպատակով:
  • Մասնակցել Կենտրոնի մասնագետների ընտրության և ներգրավման հարցերում, սերտ համագործակցել մասնագիտական ծառայությունների ղեկավարների հետ, համագործակցել կազմակերպության այլ բաժինների հետ:
  • Աջակցել ծնողներին՝ տրանսպորտային երթուղիների կազմման և կազմակերպման հարցերում:

Գործընկերների Համակարգում (30%)

  • Կապ հաստատել և արդյունավետ համագործակցել բոլոր շահագրգիռ կողմերի հետ, ներառյալ՝ տեղական ինքնակառավարման մարմիններ, ՀԿ-ներ, դպրոցներ, մանկապարտեզներ, բուժհաստատություններ, համայնքային կենտրոններ, ծնողներ, երեխաներ և այլ թիրախային խմբեր։
  • Դեբետի կենտրոնի ծառայությունների և Հիմնադրամի ծրագրերի մասին պարբերաբար իրազեկել շահառու բնակավայրերի շահագրգիռ կողմերին։
  • Տրամադրել ընթացիկ հաշվետվություններ և սերտորեն համագործակցել ՔՈԱՖ-ի երևանյան գրասենյակի հետ:

Անհրաժեշտ հմտություններ

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

  • Գյուղական համայնքներում առկա զարգացման կարիքներին և բարեփոխումներին:
  • Սոցիալ-հոգեբանական աջակցության հիմնական մոտեցումներին։
  • Ոչ ֆորմալ կրթության մեթոդաբանությանը։
  • Բանավոր և գրավոր հայերենին (գերազանց) և անգլերենին (լավ)։ Ռուսերենի իմացությունը կդիտարկվի որպես առավելություն։
  • Նախագծերի կառավարման ուղղություններին և սկզբունքներին։

ԴՈՒ ԿԱՐՈՂԱՆԱՍ

  • Կառավարել բազմաբովանդակ ծրագրեր, քանի որ ունես ավելի քան 5 տարվա աշխատանքային փորձ միջին կամ ավագ ղեկավարի հաստիքում, ինչպես նաև նախագծել և իրականացրել ես համայնքային զարգացմանն ուղղված տարատեսակ ծրագրեր: Սոցիալ-հոգեբանական աջակցության ծրագրերի կառավարումը կդիտվի որպես առավելություն։
  • Իրականացնել տվյալների վերլուծություն և վերջիններիս հիման վրա կայացնել կարևոր որոշումներ ՝ սահմանելով աշխատանքային առաջնահերթությունները։
  • Վերլուծել և աշխատել տվյալների հետ և ներկայացնել հաշվետվություններ։
  • Գերազանց հաղորդակցվել։
  • Կառավարել ժամանակն արդյունավետ։
  • Արդյունավետ աշխատել ծանրաբեռնված գրաֆիկով և հետևել վերջնաժամկետներին։
  • Համագործակցել բազմամասնագիտական թիմի հետ։
  • Օգտագործել G Suite և աշխատանքային այլ հարթակներ։

ԴՈՒ ԼԻՆԵՍ

  • Մասնագիտությամբ հոգեբան կամ հարակից այլ ոլորտի մասնագետ։
  • Շարունակական կրթության գաղափարի կրող։
  • Հմուտ ղեկավար և թիմակից։
  • Ստեղծագործ մտածող։
  • Բաց՝ նորարարության համար և քննադատ։
  • Բանակցող։
  • Պատասխանատու և հաշվետու։
  • Մեդիագրագետ։
  • Փոփոխության ջատագով։

Պահանջվող թեկնածուի մակարդակը: Ավագ

Լրացուցիչ տեղեկություն

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՄԵՆՔ ԱՌԱՋԱՐԿՈՒՄ ԵՆՔ

  • Կյանք փոխող աշխատանքային փորձ,
  • Աշխատանք, որը կկարևորես ու կսիրես,
  • Մրցակցային աշխատավարձ,
  • Մասնագիտական աճի հնարավորություններ,
  • Դրական և ստեղծագործ աշխատանքային միջավայր։

ՍՊԱՍՈՒՄ ԵՆՔ ՔԵԶ

Դիմելու համար սեղմել այստեղ։

Վերջնաժամկետը՝ 2024թ․ հուլիսի  14-ի օրվա ավարտն է։

Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։

* Ուշադրություն․ աշխատանքը ժամանակավոր է:

Խնդրում ենք հստակորեն նշել, որ աշխատանքի մասին տեղեկացել եք staff.am-ի միջոցով:

Մասնագիտական հմտություններ

G Suite

Սոցիալական աշխատանք

Անձնական հմտություններ

Ստեղծարար մտածողություն

Նորարարություն

Թիմի կառավարում

Դիմել ընկերության էջում

Տարածեք այս հայտարարությունը սոց․ մեդիայի միջոցով։

Ընկերության մասին

 

«Հայաստանի մանուկներ» բարեգործական հիմնադրամի նպատակն է բարձրացնել Հայաստանի գյուղական բնակչության կյանքի որակը՝ կենտրոնանալով մասնավորապես երեխաներին և երիտասարդներին վերաբերող ծրագրերի ու կարիքների վրա: ՔՈԱՖ-ի զարգացման թիրախային ոլորտներն են կրթությունը, առողջապահությունը, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով Հայաստանի՝ 82+ համայնքներում՝ ներդնելով ավելի քան 70 մլն ԱՄՆ դոլար՝ 100,000-ից ավել գյուղաբնակ շահառուների համար:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։ Մինչև 2026 թվականը նախատեսվում է հիմնել ՍՄԱՐԹ ավաններ նաև Արմավիրում և Սյունիքում (Գորիսում, Կապանում):



 

ՔՈԱՖ ՍՄԱՐԹ կենտրոնի բացումը

ՍՄԱՐԹ քաղաքացիության կրթակարգը ՔՈԱՖ-ի կողմից մշակված ոչ ֆորմալ կրթության ինքնատիպ մոդել է, որը խթանում է անհատի համակողմանի զարգացումը՝ փոխանցելով իմացական (ԳԼՈՒԽ), հուզական (ՍԻՐՏ) և գործառնական (ՁԵՌՔ) հմտություններ։ Զարգացման 3 ուղղություններից յուրաքանչյուրում՝ ԳԼՈՒԽ, ՍԻՐՏ, ՁԵՌՔ, առաջարկում ենք 2-ական ճյուղ 3-ական ծրագրով՝ ընդհանուր 18 ծրագիր․

ԳԼՈՒԽ

Լեզուներ (անգլերեն, չինարեն, ռուսերեն), Ձեռներեցություն (ֆինանսներ, մարքեթինգ, կառավարում)

ՍԻՐՏ

Երաժշտություն (վոկալ, ձայնային ձևավորում, երաժշտական գործիքներ), Արվեստ (նկարչություն, կատարողական արվեստ, թվային նկարչություն)

ՁԵՌՔ

Ճարտարագիտություն (ագրոտեխնոլոգիա, ծրագրավորում, մեխանիկա), Աթլետիկա (յոգա, պար, VR ֆիթնես)

Դիտել ավելին

Դիտել հակիրճ

Տեսնել ավելին

Միացի՛ր ՔՈԱՖ թիմին

Դեռ մտքովդ չի անցե՞լ միանալ ՔՈԱՖ-ին։ Այս հոլովակը դիտելուց հետո դա կդառնա քո ցանկությունը։ Մեր թիմը թիմը՝ բաղկացած տարբեր երկրներից եկած մանագետներից, կիսվում է Ձեզ հետ ՔՈԱՖ-ում աշխատելու իրենց փորձառությամբ։

Դիտել ավելին

Դիտել հակիրճ

Ընկերության լուսանկարները

Արտոնությունների փաթեթ

Տարեկան պարգեվավճար
Բժշկական ապահովագրություն
Օտար լեզվի դասընթացներ
Կորպորատիվ միջոցառումներ
Օնլայն եվ տեղական թրեյնինգներ
Անվճար թեյ, սուրճ եվ հյուրասիրություն
Ընկերության կատարողականության վրա հիմնված բոնուսներ
Վճարովի հավելյալ ոչ աշխատանքային օրեր

Աշխատակիցները մեր մասին

ՔՈԱՖ-ը թարմացրեց իմ՝ Հայաստանի աշխարհագրության մասին հիշողությունը, և ես հասկացա, որ իմ երկրի ներսում շատ քիչ վայրերում եմ եղել։ ՔՈԱՖ-ի գործունեությունն ընդրգում է 6 մարզ և 64 գյուղ` հրաշալի հնարավորություն Հայաստանի գյուղական շրջանները բացահայտելու համար։

Նանե Վարդանյան - Հաղորդակցության մասնագետ

Կոնտակտներ

Վեբ կայք https://www.coaf.org/

Հեռախոսահամար` +37410502076

Հասցե՝ 2/2 Մելիք Ադամյան փողոց, Երևան, Հայաստանի Հանրապետություն

Գտնել «Հայաստանի մանուկներ» բարեգործական հիմնադրամ (ՔՈԱՖ) սոց․ կայքերում

Նմանատիպ աշխատանքներ

«Հայաստանի մանուկներ» բարեգործական հիմնադրամ (ՔՈԱՖ)
Երեխայի և Ընտանիքի Կենտրոնի համակարգող
«Հայաստանի մանուկներ» բարեգործական հիմնադրամ (ՔՈԱՖ)

Արմավիր

Եվս մի քանի աշխատանք, որոնք կհավանեք

Հավանաբար կցանկանաք տեսնել նաև

Հավանաբար կցանկանաք տեսնել նաև