Կիբերանվտանգության մասնագետ

Էլ. փոստով

Վերջնաժամկետ՝ 28 Հունիս 2024

Աշխատանքի պայմաններ՝ Մշտական

Կատեգորիա՝ Այլ ՏՏ

Աշխատանքի տեսակը՝ Ամբողջ դրույք

Գտնվելու վայրը՝ Երևան

Աշխատանքի նկարագրություն՝

Team Telecom Armenia-ն փնտրում է Կիբերանվտանգության մասնագետ, ով պատասխանատու կլինի Ընկերության տեղեկատվական ռեսուրսների պահպանման համար։

Աշխատանքային պարտականություններ

Վերահսկել Ընկերության բիզնես հավելվածների, տեխնիկական և ԻՏ ենթակառուցվածքի փոփոխությունները ըստ տեղեկատվական անվտանգության պահանջների:
Իրականացնել բիզնես և ԻՏ գործընթացներում անվտանգության ընթացակարգի ներդրում և վերահսկում։
Պահպանել Ընկերության տեղեկատվական ռեսուրսները։
Իրականացնել տեղեկատվական անվտանգության միջադեպերի ուսումնասիրություններ։
Երաշխավորել վնասակար և անցանկալի ծրագրային ապահովումներից պաշտպանություն։
Ապահովել կրիտիկական ԻՏ ծառայությունների, ապրանքների կենտրոնացված գրանցում և հավաքագրում։
Իրականացնել ակտիվ օգտատերերի աուդիտ։
Վերահսկել Ընկերության ԻՏ ենթակառուցվածքի փոփոխությունները։
Իրականացնել Ընկերության տեղեկատվական ռեսուրսների պաշտպանվածության կանոնավոր մոնիտորինգ:

Անհրաժեշտ հմտություններ

Բարձրագույն կրթություն;
Առնվազն 2 տարվա աշխատանքային փորձ համապատասխան ոլորտում;
Տեղեկատվական անվտանգության ոլորտի գիտելիքներ;
ԻՏ համակարգերի ճարտարապետության և ԻՏ սերվիս մենեջմենթի հիմունքների իմացություն;
Նախագծերի կառավարման հմտություններ;
Վերլուծական մտածողություն, ճկունություն;
Թիմային աշխատանքի և լավ հարաբերությունների պահպանման հմտություններ;
Առաջնահերթություններ սահմանելու ունակություն;
Սթրեսակայունություն և բարդ/կոնֆլիկտային իրավիճակներում արագ կողմնորոշվելու ունակություն;
Հայերեն, անգլերեն և ռուսերեն լեզուների իմացություն:

Պահանջվող թեկնածուի մակարդակը: Միջին մակարդակ

Լրացուցիչ տեղեկություն

Հետաքրքրված թեկնածուները կարող են ուղարկել ինքնակենսագրություն (CV/Resume) hrm@telecomarmenia.am էլեկտրոնային հասցեին հայերեն կամ անգլերեն լեզուներով: Նամակի վերնագրում խնդրում ենք նշել Կիբերանվտանգության մասնագետ։

Հարցազրույցին մասնակցելու համար ընտրված դիմորդները կտեղեկացվեն:

Լրացուցիչ տեղեկությունների համար կարող եք այցելել մեր վեբ կայքը- www.telecomarmenia.am

Խնդրում ենք հստակորեն նշել, որ աշխատանքի մասին տեղեկացել եք staff.am-ի միջոցով:

Մասնագիտական հմտություններ

Մոնիտորինգ եւ գնահատում

Տեղեկատվական տեխնոլոգիաների անվտանգություն

Համակարգերի ճարտարագիտություն

Cybersecurity

Անձնական հմտություններ

Անկախ աշխատելու հնարավորություններ

Առաջնահերթությունները որոշելու կարողություն

Ժամանակի կառավարում

Խնդիրների լուծում

Դիմել էլ. փոստով

Տարածեք այս հայտարարությունը սոց․ մեդիայի միջոցով։

Ընկերության մասին

Team Telecom Armenia-ն հայկական ընկերություն է, որն ամբողջ Հայաստանում տրամադրում է ինտերնետի, թվային հեռուստատեսության, բջջային և ֆիքսված հեռախոսակապի ծառայություններ։

Team-ը ժառանգել է Հայաստանում կապի առաջին օպերատորի հարուստ փորձը և համադրում է այն ժամանակակից տեխնոլոգիաների հետ:

Մենք ավելի քան 100 տարի կապ տրամադրող ընկերություն ենք, որի կայունությունը՝ վաղվա օրվա նկատմամբ վստահության երաշխիք է։

Փոխվում են տեխնոլոգիաները, մարդիկ ու անվանումները, սակայն անփոփոխ է մնում տեխնոլոգիական առաջամարտիկի ու լոկոմոտիվի որդեգրած առաքելությունը․ Հայաստանում առաջին զանգը քաղաքային և բջջային
հեռախոսներով, առաջին ուղարկված կարճ հաղորդագրությունը հենց մենք ենք հնարավոր դարձրել։

Այժմ էլ՝ իր ոլորտի առաջատար ու արհեստավարժ մասնագետներով համալրված թիմը պատրաստ է նոր փոփոխություններ ու զարգացումներ բերել հեռահաղորդակցության ոլորտ, համաշխարհային առաջադեմ և ապագայի
տեխնոլոգիաները ներդնել՝ ծառայեցնելով դրանք մարդկանց կենցաղային ու բիզնես խնդիրների լուծմանն ու կյանքի բարելավմանը։

Team Telecom Armenia-ի գլխամասային գրասենյակը Երևանի հանրահայտ «Կապի շենքն» է։