Դիմել ընկերության էջում

Սոցիալական աշխատող

Դիմել ընկերության էջում

Վերջնաժամկետ՝ 02 Հունիս 2024

Աշխատանքի պայմաններ՝ Մշտական

Կատեգորիա՝ Պետական/ Հանրային/ Քաղ․ ծառայություն

Աշխատանքի տեսակը՝ Ամբողջ դրույք

Գտնվելու վայրը՝ Արմավիր

Աշխատանքի նկարագրություն՝

ՔՈ ԴԵՐԸ

Եթե դու նպատակասլաց, լուծումների վրա կենտրոնացած, ստեղծագործ, ակտիվ, հեշտությամբ հաղորդակցվող մասնագետ ես, ապա Արմավիրի մարզի ՔՈԱՖ-ի (Հայաստանի մանուկներ բարեգործական հիմնադրամ) Քարակերտի երեխայի և ընտանիքի կենտրոնի սոցիալական աշխատողի դերը հենց քեզ համար է։ Առավել մանրամասն․

Աշխատանքային պարտականություններ

ՔՈ ԹԻՄԸ

Սոցիալական աշխատողի դերը ստանձնելով՝ միանալու ես ՔՈԱՖ-ի Գյուղական ծրագրերի մեծ թիմին և աշխատելու ես ՔՈԱՖ-ի սոցիալական աշխատանքի ղեկավարի և Քարակերտի Երեխայի և ընտանիքի կենտրոնի համակարգողի անմիջական առաջնորդությամբ։


Դեպքի կառավարում (70%)

  • Բացահայտել Քարակերտի Երեխայի և ընտանիքի կենտրոնի շահառու բնակավայրերի ռիսկային իրավիճակում հայտնված բնակիչներին՝ ուղղորդելով նրանց կենտրոն։
  • Մշակել յուրաքանչյուր ընտանիքի զարգացման պլան, հետևողական լինել դրա իրականացմանը, ապահովել որակյալ ծառայությունների մատուցում՝ որդեգրելով բազմամասնագիտական թիմային մոտեցում։
  • Ստեղծել և պահպանել աջակցային ցանց՝ ի պատասխան ռիսկային իրավիճակում հայտնված ընտանիքների զարգացման պլանների։
  • Նպաստել Քարակերտի Երեխայի և ընտանիքի կենտրոնի գործառույթների իրականացմանը։

Համայնքային զարգացում (30%)

  • Ներգրավվել Հիմնադրամի շահառու բնակավայրերում իրականացվող համայնքային զարգացման ծրագրերում։
  • Կազմակերպել և իրականացնել դասընթացներ համայնքներում տարածում ունեցող սոցիալական հիմնախնդիրների վերաբերյալ։
  • Նպաստել զարգացմանն ու սոցիալական հիմնախնդիրների կանխարգելմանն ուղղված նախագծերի իրականացմանը։
  • Նախաձեռնել թեմատիկ օրերին նվիրված միջոցառումներ՝ համայնքների իրազեկվածությունը բարձրացնելու, սոցիալական պատասխանատվություն ձևավորելու, տրամադրվող ծառայությունների կարևորությունը շեշտադրելու նպատակով։
  • Պարբերաբար ուսումնասիրել բնակավայրերի և դրա տնային տնտեսությունների սոցիալ-տնտեսական իրավիճակը, վեր հանել համայնքների և բնակիչների ուժեղ կողմերն ու ռեսուրսները։
  • Նպաստել կամավորական խմբերի ձևավորմանը և ուղղորդել նրանց՝ իրականացնելու համայնքում սոցիալական նշանակության ծրագրեր։

Անհրաժեշտ հմտություններ

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

  • ՀՀ սոցիալական պաշտպանության համակարգին, պետական քաղաքականությանը և օրենսդրական դաշտին, քանի որ ունես սոցիալական աշխատանքի բարձրագույն կրթություն,
  • Գրավոր և բանավոր հայերենին,
  • Ոչ ֆորմալ կրթության մեթոդաբանությանը,
  • Կրթական և առողջապահական քաղաքականությանը:

ԴՈՒ ԿԱՐՈՂԱՆԱՍ

  • Մատուցել սոցիալական աշխատանքի որակյալ ծառայություններ, քանի որ ունես առնվազն 3 տարվա աշխատանքային փորձ սոցիալական աշխատանքի ոլորտում,
  • Համագործակցել բազմամասնագիտական թիմի հետ,
  • Օգտագործել G Suite և աշխատանքային այլ հարթակներ,
  • Կազմակերպել աշխատանքը՝ ըստ առաջնահերթությունների,
  • Վերլուծել և աշխատել տվյալների հետ,
  • Արդյունավետ աշխատել ծանրաբեռնված գրաֆիկով և հետևել վերջնաժամկետներին,
  • Գերազանց հաղորդակցվել։

ԴՈՒ ԼԻՆԵՍ

  • Սոցիալական պատասխանատվության կրող,
  • Փոփոխության ջատագով,
  • Ստեղծագործ, կաղապարներից դուրս մտածող,
  • Բաց՝ նորարարության համար և քննադատ,
  • Պատասխանատու և հաշվետու,
  • Մեդիագրագետ,
  • Շարունակական կրթության գաղափարի կրող։

Պահանջվող թեկնածուի մակարդակը: Միջին մակարդակ

Լրացուցիչ տեղեկություն

ՄԵՆՔ

 

Հայաստանի մանուկներ բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:
2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ կրկնօրինակվում է Հայաստանի այլ մարզերում և համայնքներում:
ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՔՈԱՖ-ը դինամիկ և զարգացող ոչ առևտրային կազմակերպություն է: Ընկերությունն աճում է մեծ մասշտաբներով, ուստի մեր թիմը հակված է առաջ շարժվել արագ տեմպերով: Մենք փնտրում ենք թիմակիցներ, ովքեր օժտված են կամային որակներով և պատրաստ են փոփոխությունների։

ՄԵՆՔ ԱՌԱՋԱՐԿՈՒՄ ԵՆՔ

  • Կյանք փոխող աշխատանքային փորձ,
  • Աշխատանք, որը կկարևորես ու կսիրես,
  • Մրցակցային աշխատավարձ,
  • Մասնագիտական աճի հնարավորություններ,
  • Դրական և ստեղծագործ աշխատանքային միջավայր։

 

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2024թ․ հունիսի 02-ի աշխատանքային օրվա ավարտն է։

Կազմակերպությունն իրականացնում է դիմումների ընթացիկ դիտարկում, որի արդյունքներից կախված, համապատասխան թեկնածուի հավաքագրման գործընթացը և ընտրությունը կարող է կատարվել նախքան սահմանված վերջնաժամկետի ավարտը։

Խնդրում ենք հստակորեն նշել, որ աշխատանքի մասին տեղեկացել եք staff.am-ի միջոցով:

Մասնագիտական հմտություններ

G Suite

Սոցիալական աշխատանք

Անձնական հմտություններ

Վերլուծական հմտություններ

Multitasking

Ակտիվ

Հաղոորդակցման հմտություններ

Դիմել ընկերության էջում

Տարածեք այս հայտարարությունը սոց․ մեդիայի միջոցով։

Ընկերության մասին

 

«Հայաստանի մանուկներ» բարեգործական հիմնադրամի նպատակն է բարձրացնել Հայաստանի գյուղական բնակչության կյանքի որակը՝ կենտրոնանալով մասնավորապես երեխաներին և երիտասարդներին վերաբերող ծրագրերի ու կարիքների վրա: ՔՈԱՖ-ի զարգացման թիրախային ոլորտներն են կրթությունը, առողջապահությունը, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով Հայաստանի՝ 82+ համայնքներում՝ ներդնելով ավելի քան 70 մլն ԱՄՆ դոլար՝ 100,000-ից ավել գյուղաբնակ շահառուների համար:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնություն: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ը կկրկնօրինակվի Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։ Մինչև 2026 թվականը նախատեսվում է հիմնել ՍՄԱՐԹ ավաններ նաև Արմավիրում և Սյունիքում (Գորիսում, Կապանում):



 

ՔՈԱՖ ՍՄԱՐԹ կենտրոնի բացումը

ՍՄԱՐԹ քաղաքացիության կրթակարգը ՔՈԱՖ-ի կողմից մշակված ոչ ֆորմալ կրթության ինքնատիպ մոդել է, որը խթանում է անհատի համակողմանի զարգացումը՝ փոխանցելով իմացական (ԳԼՈՒԽ), հուզական (ՍԻՐՏ) և գործառնական (ՁԵՌՔ) հմտություններ։ Զարգացման 3 ուղղություններից յուրաքանչյուրում՝ ԳԼՈՒԽ, ՍԻՐՏ, ՁԵՌՔ, առաջարկում ենք 2-ական ճյուղ 3-ական ծրագրով՝ ընդհանուր 18 ծրագիր․

ԳԼՈՒԽ

Լեզուներ (անգլերեն, չինարեն, ռուսերեն), Ձեռներեցություն (ֆինանսներ, մարքեթինգ, կառավարում)

ՍԻՐՏ

Երաժշտություն (վոկալ, ձայնային ձևավորում, երաժշտական գործիքներ), Արվեստ (նկարչություն, կատարողական արվեստ, թվային նկարչություն)

ՁԵՌՔ

Ճարտարագիտություն (ագրոտեխնոլոգիա, ծրագրավորում, մեխանիկա), Աթլետիկա (յոգա, պար, VR ֆիթնես)

Դիտել ավելին

Դիտել հակիրճ

Տեսնել ավելին

Միացի՛ր ՔՈԱՖ թիմին

Դեռ մտքովդ չի անցե՞լ միանալ ՔՈԱՖ-ին։ Այս հոլովակը դիտելուց հետո դա կդառնա քո ցանկությունը։ Մեր թիմը թիմը՝ բաղկացած տարբեր երկրներից եկած մանագետներից, կիսվում է Ձեզ հետ ՔՈԱՖ-ում աշխատելու իրենց փորձառությամբ։

Դիտել ավելին

Դիտել հակիրճ

Ընկերության լուսանկարները

Արտոնությունների փաթեթ

Տարեկան պարգեվավճար
Բժշկական ապահովագրություն
Օտար լեզվի դասընթացներ
Կորպորատիվ միջոցառումներ
Օնլայն եվ տեղական թրեյնինգներ
Անվճար թեյ, սուրճ եվ հյուրասիրություն
Ընկերության կատարողականության վրա հիմնված բոնուսներ
Վճարովի հավելյալ ոչ աշխատանքային օրեր

Աշխատակիցները մեր մասին

ՔՈԱՖ-ը թարմացրեց իմ՝ Հայաստանի աշխարհագրության մասին հիշողությունը, և ես հասկացա, որ իմ երկրի ներսում շատ քիչ վայրերում եմ եղել։ ՔՈԱՖ-ի գործունեությունն ընդրգում է 6 մարզ և 64 գյուղ` հրաշալի հնարավորություն Հայաստանի գյուղական շրջանները բացահայտելու համար։

Նանե Վարդանյան - Հաղորդակցության մասնագետ

Կոնտակտներ

Վեբ կայք https://www.coaf.org/

Հեռախոսահամար` +37410502076

Հասցե՝ 2/2 Մելիք Ադամյան փողոց, Երևան, Հայաստանի Հանրապետություն

Գտնել «Հայաստանի մանուկներ» բարեգործական հիմնադրամ (ՔՈԱՖ) սոց․ կայքերում

Նմանատիպ աշխատանքներ

«Հայաստանի մանուկներ» բարեգործական հիմնադրամ (ՔՈԱՖ)
Սոցիալական աշխատող
«Հայաստանի մանուկներ» բարեգործական հիմնադրամ (ՔՈԱՖ)

Վանաձոր‎

Եվս մի քանի աշխատանք, որոնք կհավանեք

Հավանաբար կցանկանաք տեսնել նաև

Հավանաբար կցանկանաք տեսնել նաև