818 Consulting

Աշխատանքի նկարագրություն՝

Մեր գործընկեր՝ ԶԻՆԱՊԱՀԻ թիմը համալրելու նպատակով փնտրում ենք Ծրագրերի ղեկավարի: Միանալով հայկական կարևորագույն ազգային հիմնադրամներից մեկի թիմին՝ Դուք իրական հնարավորություն եք ստանալու զգալի ու կենսական կերպով աջակցել մեր զոհված, հաշմանդամ դարձած ու անհետ կորած զինվորների ընտանիքներին ու օգնել նրանց վերականգնել առնվազն ֆինանսական բարօրությունը:

Պահանջվում է ղեկավարել ԶԻՆԱՊԱՀԻ հատուկ ծրագրերի աշխատանքները, չսահմանափակվելով՝ մշակել և իրականացնել ԶԻՆԱՊԱՀԻ սոցիալական ծրագրերի, դոնորների հետ կապերի և դրամահայթայթման համակարգված և ինտեգրված ռազմավարություն։

/am/tsragreri-ghekavar-10

Աշխատանքային պարտականություններ

• Ղեկավարել և վերահսկել ԶԻՆԱՊԱՀԻ փոխկապակցված ծրագրերը, ինչպես նաև հատուկ ծրագրերիի ղեկավարումը՝ գլխավոր գործադիր տնօրենի հանձնարարությամբ
• Մշակել, փաստաթղթավորել և իրականացնել ԶԻՆԱՊԱՀԻ բոլոր ծրագրերի համակարգված և ինտեգրված ռազմավարությունը
• Մշակել, պահպանել և վերահսկել ծրագրերի տարեկան նպատակները, բյուջեն և իրականացման ուղիները
• Վերահսկել բոլոր ծրագրերի ընթացքը և գործողությունները՝ համաձայն մշակված գործողությունների պլանի և հաստատված ժամանակացույցի
• Ակտիվ համագործակցել ծրագրի շահագրգիռ կողմերի և հասարակական կազմակերպությունների հետ
• Ապահովել համապատասխան համակարգի ներդրումը՝ մշակելով և պահպանելով հաշվետվողականության ընթացակարգերի և ֆինանսական հոսքերի համապատասխանության չափանիշները
• Համագործակցել գլխավոր գործադիր տնօրենի և ֆինանսական տնօրենի հետ՝ հիմնադրամի ծրագրերի ռազմավարությունը մշակելու և իրականացնելու ընթացքում, ինչպես նաև մշտադիտարկել և պարբերաբար զեկուցել ծրագրի առաջընթացի մասին
• Կազմակերպել պլանավորված հատուկ միջոցառումների իրականացումը և վերլուծությունը
• վերահսկել և ուղղորդել կամավորներին, որոնք անհրաժեշտության դեպքում կաջակցեն սույն հաստիքին առնչվող պարտականությունների կատարմանը
• Մշակել, փաստաթղթավորել և իրականացնել սոցիալական ծրագրերի ռազմավարություն, որը կնպաստի շահառուների ներգրավածությանը և բարեկեցությանը
• Մշակել սոցիալական ծրագրերի իրականացման քաղաքականություն՝ ըստ հաստատված հայեցակարգի
• Իրականացնել ծրագրի զարգացման համար այլ անհրաժեշտ աշխատանքներ
• Մշակել, փաստաթղթավորել և իրականացնել դոնորների հետ կապերի և դրամահայթայթման ռազմավարություն,
• Վերահսկել դոնորների տվյալների բազայի/գրառումների համակարգի կառավարումը:
• Պարբերաբար վերանայել նվիրատուների ճանաչման և դասակարգման ծրագիրը՝ ելնելով նվիրաբերության չափից և քանակից, մշակել «քնած» դոնորների վերաակտիվացման ծրագրեր, աշխատել նրանց կողմից ամսական պարբերական նվիրատվությունների ուղղությամբ
• Վերահսկել դոնորների տվյալների բազայի/գրառումների համակարգի կառավարումը: Անհրաժեշտության դեպքում պատրաստել հաշվետվություններ
• Գործարկել և կառավարել CRM հարթակ` դոնորների հետ հարաբերությունները կանոնակարգելու և կազմակերպելու համար, ինչպես նաև օգտագործել այն որպես գործիք՝ նոր դոնորներ ներգրավելու համար
• Սերտորեն համագործակցել հիմնադրամի դեսպանների և ընկերների հետ՝ ապահովելով նրանց շարունակական ներգրավվածությունը և աջակցությունը հիմնադրամի դրամահավաքի ծրագրերին
• իրականացնել դրամահավաքին ուղղված արշավների, նոր միջոցառումների գաղափարների մշակում և կազմակերպում՝ համագործակցելով գլխավոր գործադիր տնօրենի և խորհրդի անդամների հետ, ներկայացնել հաշվետվություն յուրաքանչյուր արշավի արդյունավետության վերաբերյալ
• Համագործակցել հանրային կապերի և հաղորդակցության ղեկավարին հաղորդակցության հետ կապված աշխատանքներում՝ էլեկտրոնային ամսագրի մշակուման և դոնորների հետ հետադարձ կապի պահպանման հարցում
• կատարել վերադասի այլ հրահանգներն իր գործառույթներին համապատասխան։

Անհրաժեշտ հմտություններ

• բարձրագույն կրթություն սոցիալան ծրագրերի կառավարման, վաճառքի, մարքեթինգի, հաղորդակցության ոլորտում
• 5 տարվա աշխատանքային փորձ համապատասխան ոլորտներում
• բանավոր և գրավոր հաղորդակցման գերազանց հմտություններ․ հայերեն, ռուսերեն և անգլերեն լեզուների գերազանց տիրապետում
• MS office փաթեթի և database ծրագրերի գերազանց տիրապետում
• ռազմավարական պլանավորման հմտություններ
• գործընկերների հետ կապեր ստեղծելու և պահպանելու կարողություն
• վերլուծական և ժամանակի արդյունավետ կառավարման հմտություններ
• արդյունքին և առաքելությանը միտվածություն
• թիմում աշխատելու և համակարգելու հմտություն
• բարդ իրավիճակներում արագ կողմնորոշվելու և սթրեսային իրավիճակներում աշխատելու ունակություն
• մանրուքների վրա ուշադրություն դարձնելու հմտություն
• պատասխանատվության բարձր զգացում։

Պահանջվող թեկնածուի մակարդակը: Ավագ

Լրացուցիչ տեղեկություն