Մենեջեր

2001թ. սկսած Երևանում գործում է Հայաստանի «Ռոլան Բիկով» հիմնադրամը, որի հիմնական նպատակն է իրագործել մշակութային, կրթական, մարդու իրավունքների և սոցիալական ծրագրեր` ուղղված երեխաների և երիտասարդների գեղագիտական, մշակութային ու կրթական զարգացմանը: Հիմնադրամը երեխաների և պատանիների հետ աշխատելու բավականին մեծ փորձ ունի. «Ռոլան» մանկապատանեկան ֆիլմերի 18 միջազգային փառատոն, բազմաթիվ վարպետության դասեր, ստեղծագործական հանդիպումներ, պրեմիերաներ, հոբելյանական երեկոներ, կլոր սեղան քննարկումներ, ցուցահանդեսներ, միջազգային կոնֆերանսներ, ինչպես նաև բարեգործական ակցիաներ և այլ միջոցառումներ Երևանում և ՀՀ մարզերում: Փառատոնը լայնաֆորմատ նախագիծ է, որին մասնակցում են ոչ միայն երեխաներ, երիտասարդներ, կինոյի ու արվեստի գործիչներ աշխարհի տարբեր երկրներից, այլև փորձառու բժիշկներ ու իրավապաշտպաններ: Այս աշնանը նախատեսվում է իրականացնել «Ռոլան» մանկապատանեկան ֆիլմերի 19-րդ միջազգային փառատոնը։