Վաճառքի մենեջեր

REDstore խանութ-սրահն իր գործունեությունը սկսել է 2011 թվականից Աբովյան քաղաքում։ 2018 թ.-ի դեկտեմբերի 3-ին խանութ-սրահն իր գործունեությունը վերսկսեց առավել ընդարձակ տարածքում՝ ք. Երևան, Սայաթ-Նովա 22 հասցեում, իսկ արդեն 2023 թվականին նոր և բարձրակարգ սպասարկման նպատակով իր դռներն է բացում թվով 3-րդ մասնաճյուղը՝ REDstore Prime-ը` Աբովյան 19 հասցեում։ Հաջորդ տարի 2024 թվականին Երևանի սրտում՝ Մաշտոց 7 հասցեում բացվեվ 4-րդ մասնաճյուղը։

Հավատարիմ մնալով ընկերության որդեգրած առաքելությանը՝ REDstore-ն իր բոլոր հաճախորդներին առաջարկում է միայն որակյալ տեսականի՝ հայաստանյան ամենամատչելի արժեքներով: Ընկերությունը մասնագիտացված է ինչպես թվային, այնպես էլ կենցաղային տեխնիկայի վաճառքում, ինչպես նաև առաջարկում է տեխնիկական և ծրագրային սպասարկում իր մասնագիտացված սերվիս-կենտրոնում։ Ընկերությունը համագործակցում է Հայաստանում գործող գրեթե բոլոր առաջատար բանկերի հետ, ապառիկը ձևակերպվում է տեղում հատուկ պայմաններով և այս ամենն ուղղված է միայն հաճախորդների հարմարավետ, արագ և շահավետ գնումներ կատարելուն:

Կազմակերպությունն ընդգրկված է 300 խոշոր հարկատուների շարքում, ինչը վկայում է հաճախորդների գոհունակության և վստահության մասին։