![Viva (Վիվա Արմենիա ՓԲԸ)](https://cdn.staff.am/staff.am/upload/2/2/5/2/225207c5.jpg)
Ցանցի ավագ ինժեներ
Վերջնաժամկետ՝ 10 Հուլիս 2024
Աշխատանքի պայմաններ՝ Մշտական
Կատեգորիա՝ Համակարգային Ադմին/Ինժեներ
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
Ցանցի ավագ ինժեները պատասխանատու է տեղական և լայնամասշտաբ ցանցերի (WAN) ներդրման, մշտադիտարկման և կառավարման համար: Նա աջակցում է ցանցն օգտագործողներին (աշխատակիցներ, հաճախորդներ, բաժանորդներ և մատակարարներ) բացահայտել և լուծել առաջացող խնդիրները:
Ցանցի ավագ ինժեների աշխատանքի նպատակն է ապահովել բարձր հասանելիության ցանցային ենթակառուցվածքների ամբողջականությունը` օգտագործողների համար ցանցի առավելագույն որակ ապահովելու նպատակով:
/am/tsantsi-avag-inzhener-6
Աշխատանքային պարտականություններ
- Տեղադրել, կարգաբերել, ինչպես նաև հայտնաբերել և լուծել ցանցային լուծումներին առնչվող խնդիրները,
- Տեղադրել, կարգաբերել ցանցային սարքավորումները` ներառյալ՝ երթուղիչները, անջատիչները, ցանցի պաշտպանության միջոցները (firewalls), անլար մուտքի կետերը, կարգավորիչները, սերվերները և տրամադրել տեխնիկական աջակցություն,
- Աշխատանք տարբեր ցանցերի հետ, այդ թվում՝ LAN, WAN, WLAN, SAN և VOIP,
- Հայտնաբերել և կարգավորել ցանցերին և աշխատածրագրերին առնչվող խնդիրները,
- Ապահովել ցանցային համակարգերի հուսալիությունը և վերահսկել ցանցի աշխատանքը՝ շարունակական մշտադիտարկման և խնդիրների վերացման միջոցով,
- Կառավարել ցանցի հետ կապված համակարգերը և սերվերները,
- Համագործակցել ցանցն օգտագործողների հետ հնարավոր խնդիրները բացահայտելու և գոյություն ունեցող խնդիրներին լուծում տալու նպատակով,
- Ձևակերպել ցանցային և աշխատածրագրային համակարգերին առնչվող փաստաթղթերը։
Անհրաժեշտ հմտություններ
- Համապատասխան ոլորտում բակալավրի կոչում,
- Ոլորտին առնչվող 5 տարվա աշխատանքային փորձ ցանցային ճարտարագիտության ոլորտում,
- Մասնագիտական հավաստագիր (նվազագույնը CCNP մակարդակ),
- Հաղորդակցման և երթուղավորման արձանագրությունների խորը ըմբռնում և աշխատանքային փորձ (օրինակ՝ BGP, OSPF, EIGRP),
- Համակցման արձանագրությունների խորը ըմբռնում և դրանց հետ աշխատելու փորձ,
- Ցանցային անվտանգության (VPNs) խորքային իմացություն և դրա հետ աշխատելու փորձ,
- Ցանցի օպերացիոն համակարգերի (IOS, Cisco) խորքային իմացություն,
- Ծրագրավորման և սքրիփթինգի վերաբերյալ տարրական գիտելիքներ,
- Մշտադիտարկման համակարգերի մասին գիտելիքներն ու դրանց հետ աշխատելու փորձը կդիտվեն որպես առավելություն:
- Թիմային աշխատանքի հմտություններ,
- Նոր կամ անծանոթ տեխնոլոգիաների հետ աշխատանքն արագ ընկալելու հմտություն,
- Լավ վերլուծական և խնդիրների լուծման հմտություններ և անսարքությունների հայտնաբերման և լուծման գերազանց հմտություններ,
- Հաղորդակցման լավ հմտություններ:
Պահանջվող թեկնածուի մակարդակը: Ավագ
Լրացուցիչ տեղեկություն
Միացե՛ք մեզ և ստացե՛ք՝
- Առողջության ապահովագրություն,
- Ամենամսյա ծառայողական բջջային կապի փաթեթ,
- Պարգևավճարներ,
- Ուսուցման և զարգացման հնարավորություններ,
- Որոշակի վճարովի հանգստյան օրեր,
- Հատուցումների և հավելավճարների մրցակցային փաթեթ:
Վիվա-ՄՏՍ-ը երաշխավորում է դիմորդների ընտրության արդար և թափանցիկ գործընթացն առանց որևէ տարիքային, ռասայական, գենդերային խտրականության՝ անկախ ֆիզիկական կարողությունների սահմանափակումից կամ սոցիալ-քաղաքական դիրքորոշումից:
Մասնագիտական հմտություններ
Համակարգչային ցանցերի ադմինիստրատոր, ինժեներ
Անձնական հմտություններ
Վերլուծական հմտություններ
Թիմում աշխատելու ունակություն
Տարածեք այս հայտարարությունը սոց․ մեդիայի միջոցով։
Ընկերության մասին
Viva-ն ( «Վիվա Արմենիա» ՓԲԸ) Հայաստանում հեռահաղորդակցության առաջատար օպերատորն է, որն ունի ամենահզոր 2G/3.75G/4G ցանցը և տրամադրում է ձայնային և տվյալների փոխանցման ծառայությունների բազմազան տեսականի` Հայաստանի ամբողջ տարածքում: Գործունեության հիմք ընդունելով իր բաժանորդների շահերին լավագույնս ծառայելը, հիմնադրման օրվանից` 2005թ. հուլիսի 1-ից, Viva-ն կարճ ժամանակամիջոցում կարողացել է ստեղծել համահանրապետական ցանց և բաժանորդների մեծ բազա: Viva-ն նորարարությունների առաջատարն է և հետամուտ է ոլորտի բոլոր զարգացումներին` ի շահ երկրի շարժական հեռահաղորդակցության շուկայի: Հավելյալ տեղեկություններ ստանալու համար այցելեք www.viva.am.