cver1
Սկիզբ / staff.am / «Դարձի՛ր StaffBlog հեղինակ» նախագիծ / Ինչքանո՞վ է կարևոր նախասիրությունների հստակ ձևակերպումը՝ նախքան որոնումները սկսելը. 5 հարց, որոնց պետք է պատասխանել նախքան աշխատանք փնտրելը

Ինչքանո՞վ է կարևոր նախասիրությունների հստակ ձևակերպումը՝ նախքան որոնումները սկսելը. 5 հարց, որոնց պետք է պատասխանել նախքան աշխատանք փնտրելը

Staff.am կարիերայի հարթակը Armenia Today լրատվական պորտալի հետ համատեղ շարունակում է խորհուրդ-հրապարակումների շարքը՝ նպատակ ունենալով ուղղորդել աշխատանք փնտրողներին ավելի արդյունավետ կազմակերպել աշխատանք փնտրելու գործընթացը:

Մասնագիտություն ընտրելու խնդրին մենք բախվում ենք ինչպես ԲՈՒՀ  ընդունվելու ժամանակաշրջանում, այնպես էլ աշխատանքի ոլորտը կամ մասնագիտական հետաքրքրությունների շրջանակը փոխելու ժամանակ:

Հետաքրքրությունների շրջանակի փոփոխությանը նպաստում են շատ գործոններ`սկսած ղեկավարության հետ հարաբերությունների անհարթությունը հաղթահարելու անհնարինությունից մինչև բոլորովին այլ ոլորտում ինքնադրսևորվելու ցանկությունը: Գուցե դա՞ է պատճառը, որ մենք այսօր տեսնում ենք բազմաթիվ մասնագետների ոչ իրենց ոլորտներում: Շատ քչերն են աշխատում իրենց համալսարանական մասնագիտությամբ, չնայած որ շատերը սովորում են` կորցնելով տարիներ, էներգիա և միջոցներ:

1Ի՞նչ եք Դուք ցանկանում ստանալ Ձեր ապագա աշխատանքից և ո՞ր ուղղությամբ եք ցանկանում զարգանալ:

Աշխատանք փնտրելու ռազմավարությունը նախընտրելի է կառուցել կարճաժամկետ և երկարաժամկետ հեռանկարով: Կարճաժամկետ հեռանկարում պետք է ինքներդ Ձեզ հստակորեն պատասխանեք` ինչպիսի՞ պաշտոն եք Դուք ցանկանում, և գլխավորը` պատրա՞ստ եք ներդնել Ձեր ողջ կարողությունները արդյունքի հասնելու համար: Երկարաժամկետ հեռանկարում պետք է պատասխանեք մեկ այլ հարցի. Ձեր ապագան տեսնո՞ւմ եք Ձեր կողմից ընտրված մասնագիտության մեջ և պատրա՞ստ եք խորացնել Ձեր գիտելիքները տվյալ ուղղությամբ:

Ընդհանուր առմամբ, այս հարցերի պատասխանները կօգնեն Ձեզ որոշել, թե ինչ եք Դուք իրականում ցանկանում. գնալ մի կազմակերպություն, որտեղ ձանձրալի կլինի: Այս դեպքում Ձեզ չի հետաքրքրի աշխատանքի արդյունքն ու զարգացումը, հետևաբար սա կլինի սխալ որոշում, որը շատ շուտով կհանգեցնի աշխատանքից կամովին հեռանալուն:

people

2Արդյո՞ք համապատասխանում եք այն աշխատատեղին, որին դիմել եք

Շատ մարաթոններում կարելի է հանդիպել սիրողական մարզիկների, որոնք առանց կանոնավոր մարզումների և գիտելիքների, որոշում են փորձել իրենց ուժերը: Սովորաբար նման փորձերն ունենում են բացասական հետևանքներ: Շատ կարևոր է հասկանալ, որ աշխատանքը պարզապես վազք չէ երկար վազքուղում կամ մարաթոն, այլ պայքար՝ դժվարությունների դեմ, որոնք մարդը կա´մ կարող է հաղթահարել փոքր քայլերով,կա´մ պարտություն կրել` սկսելով մեծ տարածություններից:

Աշխատանքի համար դիմելիս պետք է հստակ գիտակցել, թե Դուք ունեք այն հիմնական կարողություններն ու հմտությունները, որոնք անհրաժեշտ են այդ հաստիքում աշխատելու համար:

Ամենամեծ խնդիրը, որին բախվել է Armenia Today-ը, դա աշխատանքի պահանջներին թեկնածուների աշխատանքային փորձի անհամապատասխանությունն է: Օրինակ, 5 տարվա փորձով խմբագրի թափուր աշխատատեղի համար դիմել են այնպիսի թեկնածուներ, որոնք բոլորովին վերջերս են ավարտել համալսարանը և պարզապես ցանկանում են իրենց փորձել:

Այստեղ ևս մեկ կարևոր շեշտադրում կարելի է անել: Երբ թեկնածուն դիմում է որևէ հաստիքի համար և չի համապատասխանում պահանջներին, նրան կարող են լուրջ չվերաբերել:Սա կարող է ընկալվել ոչ թե որպես ռիսկային քայլ, այլ` թեթևամիտ վերաբերմունք աշխատանքի նկատմամբ և աշխատանքի առանձնահատկությունների և պատասխանատվության թերի ընկալում:

2

3Դուք համապատասխանու՞մ եք կազմակերպության ներքին մշակույթին՝ ըստ մի շարք չափանիշների

Լինելով հոյակապ մասնագետ` Դուք կարող եք «չտեղավորվել» կազմակերպության ներքին մշակույթի շրջանակներում: Լիովին հնարավոր է, որ բնավորությամբ և ամենօրյա սովորույթներով, իսկ որոշ դեպքերում նաև կրոնական, քաղաքական և այլ նախընտրություններով Դուք չկարողանաք ինտեգրվել թիմին:

3

4Տեղակայում. ինչքա՞ն ժամանակ է անհրաժեշտ աշխատավայր հասնելու համար

Աշխատանք ընտրելիս պակաս կարևոր չէ այն հարցը, թե ինչպես եք հասնելու աշխատավայր: Աշխատանքի գնալիս հնարավոր են խցանումներ, իսկ վերադառնալիս կարող եք բաց թողնել, օրինակ, վերջին փոխադրամիջոցը: Նման այլ շատ հանգամանքներ պետք է հաշվի առնել աշխատանք ընտրելիս, քանի որ տարածության գործոնը վաղ թե ուշ ազդելու է Ձեր աշխատանքի որակի, տրամադրության և ապագայում աշխատանքի հետ կապված պլանների վրա: Դա անխուսափելի է:

work

5Նեթվորքինգի և անձնական կապերի ուժը: Դուք գիտե՞ք որևէ մեկին, ով բնութագիր կտա Ձեզ համար, ինչպե՞ս Ձեզ կարող են բնութագրել ոլորտի ծանոթ մասնագետներն ու փորձագետները, բաց աղբյուրները՝ սոցիալական ցանցերում

 ա) Խորհուրդ տալու ուժը

Չպետք է թերագնահատել նեթվորկինգի ուժը, բայց այս ամենի հետ մեկտեղ, չպետք է այն նաև գերագնահատել: Armenia Today-ն ունի աշխատակիցներ 15 տարվա աշխատանքային փորձով, որոնք իրենց կյանքի ընթացքում երկու անգամ են գնացել հարցազրույցի, և երկու անգամ էլ HR մասնագետը մերժել է նրանց, իսկ մյուս բոլոր կազմակերպություններում աշխատել են իրենց գործընկերների խորհրդատվությամբ, ընդ որում խորհրդատվությունը 100%-ով համընկել է աշխատակցի հմտություններին:

Հիշե´ք, «լավ մարդ» բնութագրումը ոչ մի իմաստ չունի, եթե Ձեր բնութագրում չկան տվյալներ Ձեր որակավորման կամ Ձեր կողմից աշխատանքի 100% ծանրաբեռնվածությունը ստանձնելու և լավ արդյունքների հասնելու պատրաստակամության մասին:

advice

 

բ) Սոցիալական ցանցերի ուժը

Սոցիալական ցանցերի ուժը գործում է ինչպես Ձեր օգտին, այնպես էլ կարող է լինել Ձեր դեմ: Հաճախ Ձեր էջը Ձեր մասին կարող է պատմել ավելին, քան ինքնակենսագրությունը: Բայց կարող է լինել նաև հակառակը:

scoail

Հնարավոր է նաև, որ որոշ ժամանակ անց Դուք գիտակցում եք, որ տվյալ աշխատանքը Ձեզ բոլորովին չի հետաքրքրում: Դուք ռոբոտի նման գալիս եք, աշխատում, գնում: Դուք Ձեզ զգում եք հանգամանքների գերի:

Ո՞րն է այս ամենի պատճառը. հետաքրքրության բացակայությունը` Ձեր ունակություններն ու տաղանդը չընդունելու պատճառով, ցածր աշխատավարձը, թիմում ոչ հաճելի մթնոլորտը: Բայց Դուք վախենում եք կորցնել աշխատանքը, Ձեզ վախեցնում է առանց աշխատանքի մնալու անորոշությունը: Արժե՞ ապրել նման բացասական կուտակումը գլխում կրելով, և դանդաղորեն ոչնչացնել ինքներդ Ձեզ՝ որպես անհատ: Երբեք մի´ վախեցեք ամեն ինչ սկսել նոր էջից, և գիտակցե´ք, որ տարիներն անցնում են:

Ավելի շատ ժամանակ տրամադրե´ք աշխատանք փնտրելուն, մի´ վախեցեք ժամանակ ծախսել փորձառություն ձեռք բերելու համար, մի´ երկմտեք, Ձեզ փնտրեք ամենատարբեր, շատ հասանելի և հետաքրքիր մասնագիտական ոլորտներում:

 

 

Այցելեք staff.am այսօր և ստեղծեք Ձեր օնլայն CV-ին

Դիտեք նաև

cover

Meet & Greet հայրենադարձների հետ. կայացավ staff.am և Repat Armenia-ի համատեղ միջոցառումը

Ո՞ր մասնագիտություններն են առավել պահանջված Հայաստանում, ի՞նչ հիմնական հմտություններ է պահանջում գործատուն աշխատանքի առաջարկ կատարելու …

Leave a Reply

Your email address will not be published. Required fields are marked *