final
Սկիզբ / staff.am / «Դարձի՛ր StaffBlog հեղինակ» նախագիծ / Վեց քայլ` նախքան նոր աշխատանք փնտրելը

Վեց քայլ` նախքան նոր աշխատանք փնտրելը

Armenia today լրատվական պորտալը Staff.am կարիերայի հարթակի հետ համատեղ սկսում է հրապարակումների շարք, որի նպատակն է ուղղորդել աշխատանք փնտրողներին ավելի արդյունավետ կազմակերպել աշխատանք փնտրելու գործընթացը:

1Կողմնորոշվե՛ք այն ուղղություններում, որոնցում կցանկանաք աշխատել և գործել (բարոյական կամ նյութական առումով)

Շատ կարևոր է, որ մենք ինքներս կարողանանք որոշել, թե ինչ ենք ուզում և ինչ կարող ենք: Իրականում ի՞նչ է մեզ պետք, ի՞նչ ենք ակնկալում աշխատանքից: Երբ մեզ համար սահմանում ենք հստակ նպատակներ և խնդիրներ, այդ դեպքում ավելի հեշտ ենք հասնում դրանց, քանի որ մեզ օգնում է մեր ցանկությունների և նախընտրությունների հստակ գիտակցումը: Այսինքն՝ մենք ինքներս մեզ հետ պետք է լինենք ներդաշնակ: Այն բանից հետո, երբ մենք հստակեցրել ենք այն ուղղությունը, որով ցանկանում ենք շարժվել, սկսում ենք ամենագլխավորը` նախապատրաստությունը: Այսօր մենք բախվում ենք հարյուրավոր կազմակերպությունների գլխապտույտ առաջարկներին, բիզնես թրեյնինգներին, դասապատրաստումներին, առաջընթացին աջակցելու առաջարկություններին. «Մենք Ձեզ կօգնենք մեծացնել վաճառքի ծավալները 3 օրում»: Այդպե՞ս է արդյոք իրականում: Ինքներդ մտածեք: Մարդիկ տարիներով փորձ են կուտակում, որպեսզի դառնան հաջողակ աշխատակիցներ, ձեռնարկատերեր, թոփ-մենեջերներ, իսկ այստեղ ընդամենը երեք օր է պետք: Մի՞թե ավելի լավ չէ փորձ ձեռք բերել թեկուզ և ոչ բարձր վարձատրվող աշխատանքով , քան միջոցները վատնել ոչ այնքան վստահելի սեմինարների վրա:

Գուցե աշխատանքի ընդունվելիս Դուք բախվեք բացարձակապես այլ խնդիրների: Հիշե՛ք, որ յուրաքանչյուր գործատու տարբերվում է մյուսներից և աշխատանքային գործընթացը կազմակերպում է ըստ իր պատկերացումների: Յուրաքանչյուրն ունի իր պահանջները:

1

2Կազմե՛ք այն գործատուների ցուցակը, որոնց մոտ կցանկանաք աշխատել

Սա ևս կօգնի կազմել գործողությունների պլան, որը ևս թեթևացնում է աշխատանք փնտրելու գործընթացը: Եթե Դուք ունեք տեխնիկական կրթություն, ավելի լավ է կազմեք լավագույն ՏՏ ընկերությունների ցուցակը, որտեղ կցանկանայիք աշխատել: Հաշվի՛ առեք, թե որտեղ են աշխատում լավագույն ծրագրավորողները, տվյալների վերլուծաբանները և այլոք, որոնցից կարող եք ձեռք բերել լավագույն փորձ և գիտելիքներ: Եթե ցանկանում եք աշխատել ռեստորանային բիզնեսի ոլորտում, արե՛ք նույնը: Կազմե՛ք լավագույն ռեստորանների ցանկը, ուղարկե՛ք Ձեր ինքնակենսագրությունը հենց այն  ռեստորաններ, որոնք նախընտրելի են Ձեզ համար: Այս մեթոդը կիրառելի է ցանկացած ոլորտի և մասնագիտության համար:

5

3Կազմե՛ք ինքնակենսագրություն կամ մի քանի ինքնակենսագրություններ՝ ըստ ուղղությունների

Ինքնակենսագրություն կազմելիս ամեն անգամ պետք է տարբեր կերպ մոտենալ: Օրինակ, կարելի է ստեղծագործաբար մոտենալ: Եթե Դուք գտնում եք, որ հենց ստեղծագործական ինքնակենսագրությունն է ամբողջովին բացահայտում Ձեր ներուժը, ապա այդպես էլ արե՛ք: Կարելի է Ձեր երկու ինքնակենսագրությունները (ստեղծագործական և դասական) երկու ֆայլով միասին ուղարկել գործատուին: Հիշե՛ք, որ ինքնակենսագրության նպատակն է առավելագույնս հասանելիորեն պատմել Ձեր փորձի մասին: Դուք կարող եք կազմել մի քանի ինքնակենսագրություն` մատնանշելով մի քանի պաշտոններին հավակնելը, որը կմեծացնի Ձեր նկատմամաբ հետաքրքրվածությունը:

Կարդացե՛ք Ձեր ինքնակենսագրությունը մի քանի անգամ: Ստուգե՛ք ուղղագրությունը: Այն պետք է կազմված լինի գրագետ և կանոնակարգված:Նման ինքնակենսագրությունը Ձեր թեկնածության դիտարկման համար ավելի մեծ հավանականություն կապահովի:

an

4Բնութագրական վերցրե՛ք նախորդ գործատուից

Ոչ միշտ է հաջողվում դուրս գալ աշխատանքից` մնալով լավ հարաբերությունների մեջ նախորդ գործատուի և գործընկերների հետ: Պատճառները տարբեր կարող են լինել: Բայց հենց Ձեզնից է կախված, թե ինչ կմտածեն Ձեր մասին, և ինչպես Ձեզ կվերաբերի Ձեր շրջապատը:  Ձեր բարեհամբույր և շփվող լինելը կօգնի Ձեզ ջերմ հարաբերություններ պահպանել` նույնիսկ աշխատանքից ազատվելուց հետո: Այնպես հեռացե՛ք, որ կարողանաք Ձեզ թույլ տալ Ձեր նախորդ գործատուից վերցնելու լավ բնութագրական, ինչը Ձեր ինքնակենսագրության վրա դրական ազդեցություն կունենա:

dndn

5Գնահատե՛ք Ձեր առավելություններն ու թույլ կողմերը

Հարցրե՛ք ինքներդ Ձեզ՝ ի վիճակի եք արդարացիորեն գնահատել Ձեր առավելություններն ու թերությունները: Այս որակն ունենալով` Դուք հեշտորեն կարող եք հասկանալ, թե որտեղ և ինչն եք բաց թողնում, Ձեր որ թույլ կողմերի վրա պետք է համառորեն աշխատեք` դրանք ուղղելու համար: Դուք կհասկանաք` ինչքան ժամանակ և միջոցներ են ծախսվում ուսման, զարգացման և այլնի վրա: Իմանալով Ձեր առավելություններն այլ թեկնածուների համեմատությամբ` Դուք հստակորեն կհասկանաք, թե ինչին եք հավակնում:

4

6Տրամադրվե՛ք համապատասխան թափուր աշխատատեղի համար համառ փնտրտուքի

Աշխատանք փնտրելն էներգատար և հոգեպես դժվար է, եթե հատկապես նկատի ունենանք, որ դրա համար երկար ժամանակ կարող է պահանջվել: Սակայն, պետք է հիշել, որ հեշտ ուղիներ չկան: Եթե Դուք փնտրում եք շուկայում մեծ պահանջարկ ունեցող աշխատանք, որին ներկայացվող չափանիշներն այնքան էլ խիստ չեն, օրինակ, մարքեթինգի մասնագետի աշխատանք, ի նկատի ունենալով, որ նոր տեխնոլոգիաներով ծառայություններ մատուցող ընկերությունները շատ արագ ընդլայնվում են, ապա լիովին հնարավոր է, որ ամիսներով այն չեք փնտրի. չնայած որ առաջատար ընկերություններում աշխատողներին ներկայացվող պահանջները ևս բավականին շատ են:

Պատրաստ եղեք կատարել թեստային առաջադրանքներ. Ինչքան էլ փորձառու լինեք, գործատուն ցանկանում է հստակ իմանալ Ձեր հնարավորությունները մինչ Ձեզ հետ աշխատելը:

online learning

Մի նահանջե՛ք, ձեռքերը մի՛ իջեցրեք:

Միայն համառ փնտրտուքը և համբերությունը կտան անհրաժեշտ և այդքան երկար սպասված արդյունքը:

Ձեզ մաղթում ենք հաջողություն՝ աշխատանք փնտրելու հաճելի գործում։

Պատրաստ ենք դիտարկել բոլոր մեկնաբանություններն ու կարծիքները։

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover

Meet & Greet հայրենադարձների հետ. կայացավ staff.am և Repat Armenia-ի համատեղ միջոցառումը

Ո՞ր մասնագիտություններն են առավել պահանջված Հայաստանում, ի՞նչ հիմնական հմտություններ է պահանջում գործատուն աշխատանքի առաջարկ կատարելու …

Leave a Reply

Your email address will not be published. Required fields are marked *