Սկիզբ / Խորհուրդներ / Առաջնորդ ծնվո՞ւմ են, թե դառնում

Առաջնորդ ծնվո՞ւմ են, թե դառնում

Առաջնորդները ծնվո՞ւմ են, թե դառնում․ իսկապես շատ կարևոր հարց է հատկապես նրանց համար, ովքեր ձգտում են գլխավորել թիմեր և մեծ ընկերություններ կամ օգնել մյուսներին հասնել իրենց առջև դրված նպատակներին։ Շատերը հակված են հավատալ, որ առաջնորդությունը տրվում է մարդուն ի ծնե, սակայն բավականին մեծ բազմություն պնդում է, որ այն, ինչպես մնացած ամեն ինչ, իրագործելի է աշխատասիրության շնորհիվ։

Այսպիսով, ունեք Դուք առաջնորդության տաղանդ, թե ոչ, միևնույն է, եթե ցանկանում եք առաջնորդ լինել, պետք է աշխատեք ինքներդ Ձեզ վրա, բացահայտեք, զարգացնեք և ամրապնդեք առաջնորդ լինելու Ձեր տաղանդը։

StaffBlog-ը ներկայացնում է մի քանի հմտություններ, որոնք կարելի է ձեռք բերել և զարգացնել որպես առաջնորդ։

Հմտություն 1. Հստակ իրագործելի նպատակ

Առաջնորդությունը նպատակը իրականության վերածելու կարողություն է։
Ուորեն Բեննիս

Իրական և խարիզմատիկ առաջնորդներն ունեն հստակ իրենց մոտիվացնող նպատակ և ունակ են հասնելու այդ նպատակին։ Իսկ նպատակին հասնելու համար ոչ միայն ցանկություն է պետք, այլ նաև փորձ և իմաստնություն։

Ինչպե՞ս զարգացնել

Առաջնային, ինքներդ Ձեզ համար հստակ նպատակ դրեք, հետո բաժանեք այն իրագործելի քայլերի։ Այսպիսով, Դուք կունենաք մեկ նպատակ, որը բաժանված կլինի փոքրիկ քայլերի։ Որոշեք այդ քայլերի առաջնահերթությունը և միմյանց հաջորդելով իրագործեք Ձեր գերագույն նպատակին հասնելու համար։

Հմտություն 2. Ազդեցություն թողնելու և ոգեշնչելու կարողություն

Ես կարծում եմ, որ կարևորը մարդկանց պետք է դրդել իրական գործեր կատարելուն, այլ ոչ թե երազելուն։ Նրանք պետք է տեսնեն, որ Դուք էլ նրանցից մեկն եք, ով կատարել է այդ նույն աշխատանքը։
Սոնիա Սոթոմայեր

Հիշե՛ք, Ձեր աշխատանքը կախված չէ միայն Ձեզնից։ Լավ առաջնորդները գիտեն ինչպես ոգևորեն և ոգեշնչեն իրենց թիմակիցներին, որպեսզի միասին հասնեն համախմբող գաղափարին։ Եթե ցանկանում եք, որ Ձեր թիմը կամ ընկերները կամ պարզապես օտարները հետևեն Ձեր առաջնորդին համացանցում, ապա պետք է հստակ նշեք նպատակը, և նպատակին հասնելու ճանապարհին լսեք Ձեր թիմակիցների կարծիքը։

Ինչպե՞ս զարգացնել

Ժամանակ հատկացրեք մտածելու, թե ինչպես էմոցիոնալ կերպով կապել մարդկանց Ձեզ և Ձեր նախագծին և բացատրել նրանց այդ նախագծի մանրամասներն ու քայլերի հերթականությունը։ Հասկանալով նպատակի իրագործելի լինելը՝ նրանք կոգեշնչվեն և նոր ուժով կսկսեն աշխատել նախագծի վրա։

Հմտություն 3. Հարմարվելու կարողություն

Իրական առաջնորդը ինքնավստահ է միայնակ մնալիս, քաջ՝ վճռական որոշումներ կայացնելիս և կարեկից մյուսների նկատմամբ։
Դուգլաս ՄաքԱրթուր

Առաջնորդի ամենակարևոր բնորոշումներից է հարմարվողականությունը։ Նա պետք է կարողանա հարմարվել կյանքի փոփոխություններին և դժվարություններին։ Առաջացած խոչընդոտները չպետք է հուսահատվելու առիթ դառնան նրա համար։ Մարդիկ, տեսնելով առաջնորդի հաստատակամությունն ու անսասանությունը, ինքնըստինքյան սկսում են վստահել նրան և նրա գաղափարներին։

Ինչպե՞ս զարգացնել

Դժվարություններն ու փոփոխությունները սթրեսի աղբյուր են, սակայն պետք չէ թույլ տալ դրանց գլուխ բարձրացնել։ Կարևոր է հանգստություն պահպանել և դիտել այլ տեսանկյունից, որ խոչընդոտները լավ հնարավորություն են ընձեռում դառնալ ավելի ուժեղ և նոր ուժով առաջ շարժվել։

Հմտություն 4. Պարտականություններ ընդունելու պատրաստակամություն

Եթե նպատակ եք դրել սիրվել մյուսների կողմից, Դուք ամեն պահի պետք է պատրաստ լինեք փոխզիջման գնալ, և Դուք կհասնեք ամեն ինչի։ 
Մարգարեթ Թետչեր

Լինելով ընկերության առաջնորդ՝ պետք է պատասխանատվություն վերցնել և աշխատակիցների հետ հավասար աշխատել նախագծի վրա։ Թվում է թե մանրունք է, սակայն, երբ աշխատակիցները տեսնեն Ձեր ջանասիրությունն ու նվիրվածությունը, կոգեշնչվեն, և առաջխաղացումն էլ ավելի ակնհայտ կլինի։

Ինչպե՞ս զարգացնել

Յուրաքանչյուր նախագիծ, հանդիպում կամ ժողով հիանալի հնարավորություն է շփվելու Ձեր աշխատակցի հետ, առաջարկելու Ձեր օգնությունը, պատասխանելու նրանց հարցերին կամ ուղղակի հարցնելու, թե ինչպես է անցնում նրանց աշխատանքային օրը։

Հիշեք, որ ամեն ինչ չէ, որ անցնում է պլանավորվածի համաձայն, ճանաչեք Ձեր թերությունները, փորձեք շտկել, և կառչած մնալով Ձեր նպատակին, փորձեք հասնել փոքր, բայց մտածված քայլերով։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

21930870_10213482611320360_1649945874_o

Հերթական նվերները staff.am-ից

Staff.am թիմը չի դադարում անակնկալներ մատուցել իր հավատարիմ օգտատերերին։ Դեռ հունիս ամսին սկսած մեր նախաձեռնությունը դարձել …

2 կոմենտներ

  1. Աննա Միլիտոնյան

    Շատ եմ հավանում Ձեր հոդվածները, անհամբեր սպասում եմ և հաճույքով կարդում:

    • Շնորհակալություն, ուրախ ենք տրամադրել օգտակար խորհուրդներ և լսել մեր օգտատերերի կարծիքները։

Leave a Reply

Your email address will not be published. Required fields are marked *

Copy Protected by Chetan's WP-Copyprotect.