Այս նոյեմբերին շատ հետաքրքիր անակնկալներ ենք պատրաստել մեր օգտատերերի համար։ Իսկ գիտե՞ք ինչու։
Ովքեր վաղուց են մեզ հետևում, կգուշակեն, որ staff.am-ը արդեն մեկ տարեկան է։ Այո, այո, մեր հավատն էլ չի գալիս, իսկ վերջին 12 ամիսները կարելի է նկարագրել միայն մեկ բառով՝ «գլխապտույտ»։
![#SweetNovember հաշթագը կուղեկցի ծննդյանը նվիրված բոլոր գրառումներին։](http://staff.am/blog/wp-content/uploads/2017/11/1-300x200.png)
Եվ ահա մեծ սիրով ներկայացնում ենք մեր նոր նախագիծը, որը կարծես նորույթ է նաև Հայաստանում։ “Brand Advocate” կամ <<Բրենդի Ընկեր>> (համաձայն ենք, որ անգլերեն տարբերակն ավելի լավն է ? ) ծրագրի նպատակը մեկն է՝ դարձնել staff.am հարթակն էլ ավելի հասանելի, օգտակար և հետաքրքիր։ Ստորև հակիրճ նկարագրել ենք, թե ինչ է իրենից ներկայացնում այս նոր ձևաչափը։
Staff.am-ի Brand Advocate-ները 4 ամիս ժամկետով «կմիանան» staff.am-ին և կմասնակցեն ամենամսյա քննարկումներին, հանդիպումներին և ֆոկուս-գրուպերին, հնարավորություն կունենան առաջինը տեղեկանալ մեր հարթակի նոր գործիքներին և նույնիսկ թեսթ անել դրանք, հանդիսանան մեր հարթակի ընկերը և առաջինը տարածեն մեր նորությունները։
Հետաքրքիր կլինի չէ՞։ Իսկ ահա այն առավելությունները, որոնք մեր Brand Advocate-ները կստանան staff.am-ից։
- Networking – դուք կհանդիպեք շատ հետաքրքիր մարդկանց հետ, կծանոթանաք HR ոլորտի մասնագետների հետ՝ օգտակար և հաճելի ժամանակ անցկացնելով։
- StaffClub – դուք կդառնաք StaffClub-ի անդամ, հիմա ոչինչ ավել չենք ասի, բայց նշենք, որ միայն ընտրված մարդիկ կարող են դառնալ StaffClub-ի անդամ։
- Focus-groups – բոլոր նոր գործիքներն ու ֆունկցիաները, որոնք կստեղծվեն առաջիկա 4 ամսվա ընթացքում, սկզբում կքննարկվեն Ձեզ հետ, իսկ թողարկումից հետո, դուք առաջինը կլինեք, ով դրանք կօգտագործի։
- Թրեյնինգ և զարգացում – մեր Brand Advocate-ները հնարավորություն կունենան օգտվել մեզ հետ համագործակցող ընկերությունների կողմից կազմակերպվող թրեյնինգներին, մասթերկլասերին և միջոցառումներին՝ անվճար կամ հատուկ պայմաններով։
Եվ սա դեռ ամենը չէ, մնացածն արդեն կպատմենք, երբ հանդիպենք հարցազրույցին։ Դե իհարկե հարցազրույց ունենալու ենք, հասկանալու համար թե ինչու եք ցանկանում դառնալ staff.am Brand Advocate, ներկայացնելու ծրագրի մանրամասները և այլն:Հուսով ենք արդեն հետաքրքրված եք, թե ինչպես դառնալ staff.am-ի ընկեր, ընդամենը պատասխանեք այս հարցաթերթիկի մի քանի հարցին, և մենք Ձեզ հետ կապ կհաստատենք։
Դիմումների վերջնաժամկետը նոյեմբերի 30-ը։
Ստորև ներկայացրել ենք մի քանի հաճախակի տրվող հարց ծրագրի մասին։ Ուրախ կլինենք պատասխանել Ձեր բոլոր հարցերին։ Մեզ կարող եք գրել hello@staff.am հասցեին։
Լրացնել հայտը մինչև նոյեմբերի 30-ը
Հաճախակի տրվող հարցեր
Ո՞րն է ծրագրի նպատակը
Ծրագրի նպատակն է ստեղծել staff.am-ի հետևորդների համայնք, ովքեր ակտիվորեն ներգրավված կլինեն staff.am-ի հարթակի զարգացման գործընթացում, ինչպես նաև առաջինը կտարածեն staff.am-ի նորություններն ու ձեռքբերումները։
Ովքե՞ր կարող են մասնակցել
Մենք ողջունում ենք ինչպես երիտասարդ, այնպես էլ ավելի փորձառու մասնակիցների ներգրավվածությունը։ Ամենակարևորը, որ դուք պետք է լավ ծանոթ լինեք staff.am-ի գործունեությանը և հետևեք մեզ։ Մասնագիտություն, կրթություն և ներկա զբաղվածությունը կարևոր չեն, մենք փնտրում ենք մարդկանց, ովքեր 4 ամիս տևողությամբ ծրագրում կապահովեն առավելագույն ներգրավվածություն և ցանկություն կունենան օգնել մեզ staff.am-ի զարգացման հարցում։
Ինչքա՞ն է տևողությունը և ինչքա՞ն ժամանակ ինձանից կպահանջվի
Ծրագրի տևողությունը 4 ամիս, որից հետո մենք նորից կհայտարարենք նոր հավաքագրում։ Հանդիպելու ենք ամսական 1 անգամ, որի ընթացքում մասնակիցներից բացի կունենանք նաև հետաքրքիր հյուրեր։ Հանդիպումը կտևի մոտ 2 ժամ։ Ծրագրի ընթացքում, մենք մի քանի անգամ օնլայն հարցումներ կանցկացնենք, ինչպես նաև Ձեզ կտրրամադրենք տեղեկատվություն որով պետք է կիսվել։ Այսինքն Ձեզանից ծրագիրը բոլորովին շատ ժամանակ չի խլի։