Սկիզբ / Խորհուրդներ / CV կառուցման խորհուրդներ / Ինչպիսին պետք է լինի Ձեր CV-ն․ խորհուրդներ մասնագետներից

Ինչպիսին պետք է լինի Ձեր CV-ն․ խորհուրդներ մասնագետներից

StaffBlog-ի այս նախագծի նպատակն է օգնել աշխատանք փնտրողներին լավագույնս ներկայանալ ցանկալի գործատուին։ Ստորև ուրախ ենք ներկայացնել Effortis Ռեքրութմենթի և կազմակերպչական զարգացման ղեկավար Զառա Միրզոյանի օգտակար խորհուրդները CV կառուցման մասին։

Zara_Mirzoyan_effortis

ԶԱՌԱ ՄԻՐԶՈՅԱՆ

Effortis Recruitment and Organizational Development Manager 

linkedin

 

 

 

 

 

 

 

CV-ն Ձեր երազանքի աշխատանքը գտնելու տոմսն է, և որքան պրոֆեսիոնալ ու թիրախային է այն կառուցված, այնքան մեծ է երաշխիքը, որ կհայտնվեք հարցազրույցի սեղանի շուրջ։ CV-ն աշխատանքի դիմելու սկզբնական փուլում այն միակ միջոցն է, որը կներկայացնի Ձեզ գործատուին։ Ի՞նչ ներառել կամ չներառել CV-ում, որպեսզի հարյուրավոր CV-ների շարքում հենց Ձերինի վրա գրվի՝ short-listed.

ԱՆՀՐԱԺԵՇՏ Է

check-mark (4)Բազմիցս արդեն խոսվել է CV-ի բուն կառուցվածքի մասին։ Եվս մեկ անգամ ամրապնդելու համար՝  1_final

  • CV-ի վերևում, աչքի ընկնող մասում անձնական տվյալներն ենք նշում՝ անուն ազգանուն, հեռախոսահամար, email, LinkedIn։ Եթե ծրագրավորող, դիզայներ կամ այլ մասնագետ եք ու ունեք մասնագիտական էջ, օրինակ github-ում, behance-ում, ներառեք նաև դա։ Այսքանը լրիվ բավական է։
  • Հաջորդիվ՝ աշխատանքային փորձը, որը ժամանակագրորեն հակառակ պետք է դասակարգել։ Սկսեք ամենավերջինից։
  • Կրթությունը ևս նշում ենք ժամանակագրորեն հակառակ՝ սկսելով վերջին կրթական հաստատությունից։ Ներառում ենք տարեթիվ, կրթական հաստատության անվանում, ֆակուլտետ, մասնագիտացում։ Դասընթացների մասը ցանկալի չէ ներառել այս մասում։ Նշեք դրանք՝ Trainings/Courses առանձին հատվածում։
  • Հմտությունների մասում նշեք լեզուների, տեխնոլոգիաների իմացությունը։ Ծրագրավորողների CV-ում skills-երը ցանկալի է ոչ թե ուղղակի անկանոն թվարկված լինեն, այլ` դասակարգված, առանձնացված, օրինակ՝ Frontend Skills, Backend Skills, Databases և այլն։
  • CV-ի ֆայլը պահպանեք PDF տարբերակով ու ֆայլը անվանեք CV_Name_Surname ֆորմատով։

check-mark (4) CV-ն կառուցելիս միշտ մտքում ունեցեք ապագա գործատուին։ Մանրամասն կարդացեք աշխատանքի հայտարարությունը՝ հասկանալու համար՝ ինչ է պահանջում գործատուն։ Ուսումնասիրեք ընկերությունը, ոլորտն ու գործունեությունը։ Յուրաքանչյուր նոր աշխատանքի դիմելիս CV-ն պետք է վերանայել ու հարմարեցնել տվյալ աշխատանքի հայտարարության պահանջներին ու առանձնահատկություններին։

check-mark (4)Եթե ունեք աշխատանքային փորձի երկար ցանկ, նշեք միայն նրանք, որոնք առավել շատ են համընկնում այն աշխատանքային նկարագրի հետ, որին դիմում եք։

check-mark (4) Աշխատանքային պարտականությունները նկարագրելիս ուղղակի մի թվարկեք պրոցեսը կամ պարտականությունները։ Շեշտը դրեք ձեռքբերումների վրա՝ ներկայացնելով շոշափելի արդյունքներ, օրինակ՝ 30% վաճառքի աճ, աշխատանքային պրոցեսի օպտիմիզացում, նորարար գաղափարի ներդրում եւ այլն։

check-mark (4)  CV-ն կառուցելուց հետո վերստուգեք այն մի քանի անգամ, որպեսզի խուսափեք բացթողումներից, սխալներից։

ԵՐԲԵՔ ՊԵՏՔ ՉԷ

2

check-mark (6)

Խուսափեք այնպիսի տեղեկատվություն նշելուց, որը կարող է խտրականության պատճառ դառնալ. ամուսնական կարգավիճակ, ծննդյան թիվ կամ տարիք։ Նկար տեղադրեք միայն այն դեպքում, եթե աշխատանքային նկարագիրը պահանջում է այդ։

check-mark (6)

CV-ում պետք չէ անդրադառնալ աշխատավարձի սպասելիքներին։ Հարցազրույցի ընթացքում այս հարցը անպայման քննարկվում է։

check-mark (6) CV-ն հայտնվելու է մարդկանց ձեռքում, որոնց ժամանակը շատ սուղ է։ Եղեք կոնկրետ եւ հակիրճ։ 2 էջը մաքսիմում ծավալն է։ Մի ներկայացրեք ավելորդ տեղեկատվություն, կյանքի ու գործունեության երկար կետեր ու պատմություններ։ Թողեք այս ամենը հարցազրույցի համար։

check-mark (6)Մի գործածեք ժարգոնային արտահայտություններ, հապավումներ, կրճատումներ։

check-mark (6) Եվ ամենակարևորը՝ մի ստեք։ Ներկայացրեք միայն այն հմտությունները, որոնք կարող եք հստակ կիրառել աշխատանքում։ Բոլոր մնացած հմտությունները, որոնց մասին միայն լսել եք, գիտեք հազիվ շոշափելի մակարդակում կամ երեկ կես ժամ կարդացել եք դրա մասին, պետք չէ նշել։ Հարցազրույցի ընթացքում CV-ում նշված բոլոր հնարավոր կետերը քննարկվում են. եղեք անկեղծ Ձեզ եւ գործատուի հետ։

Հաջողություն բոլորիդ երազանքի Ձեր աշխատանքը գտնելու գործում ։)

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Untitled-2

Ինչո՞ւ սովորել ծրագրավորում staff.am Trainings –ի միջոցով

Մեր օրերում, գործնականում կիրառվող ամեն ինչ ծրագրավորման արդյունք է: Բոլորիս է հայտնի, որ 21-րդ դարում …

Leave a Reply

Your email address will not be published. Required fields are marked *