interview
Սկիզբ / staff.am / «Դարձի՛ր StaffBlog հեղինակ» նախագիծ / Մարդկային ռեսուրսների կառավարումը (ՄՌԿ) մասնագետի աչքերով

Մարդկային ռեսուրսների կառավարումը (ՄՌԿ) մասնագետի աչքերով

Մեր ժամանակներում նոր ու դարի թելադրանքին ու պահանջներին համապատասխանող մասնագիտությունների թիվն օրեցօր է աճում։ Եթե հետ հայացք գցենք մոտավոր 10 տարի առաջ, ապա կհամոզվենք, որ շատ են այն մասնագիտությունները, որոնց անունները լսելիս մարդիկ փորձում են հասկանալ՝ որն է տվյալ մասնագետի հիմանական պարտականությունը:

1

Չնայած այն ամենին, որ ՄՌԿ ոլորտը Հայաստանում վերջին տարին գլխապտույտ արագությամբ զարգանում և, վերջապես, զբաղեցնում է իր կարևորագույն տեղը ինչպես ոլորտի մասնագետների պատրաստվածության հարցում, այնպես էլ մեզանում՝ հատկապես բիզնեսի ղեկավար օղակներում ՄՌԿ մասնագետների գործառույթների ճիշտ ընկալման և կարևորության հարցում, այնուամենայնիվ, դեռ աշխատելու ու ոլորտը զարգացնելու շա՜տ ու շատ գործ կա անելու:

mrk

ՄՌԿ մասնագետները կենսական կարևորություն ունեն յուրաքանչուր ընկերության համար, որ ունի կայուն ու երկարատև զարգացման նպատակ: Ինչու՞, իսկ միթե՞ որևէ մեկը կարող է մարդկային կապիտալից ավելի կարևոր որևէ բան նշել ցանկացած ընկերությունում, դե, իհարկե, ոչ: Ընկերությունը առողջ գործում և զարգանում է միայն մարդկանցով, մարդկանցով, ովքեր լինում են ստեղծագործ, բերում են նորարարություններ ու փոփոխություններ:

Ճիշտ մարդիկ, ճիշտ տեղում ու ճիշտ ժամանակին:

Այո՛, վատ ու լավ մարդիկ չկան, կան ճիշտ մարդիկ, ճիշտ տեղում։ Մարդիկ, որ մեր պահանջներին ավելի շատ են բավարարում, քան մյուսները: Մարդիկ, ում պետք է օգնել զարգանալ ու զարգացնել ընկերությունը։ Մարդիկ, ում պետք է մոտիվացիա, հետևողականություն, ֆիդբեք։ Մարդիկ, ում պետք են ղեկավարներ իրենց ճիշտ ուղղորդելու՝ ուժեղ ու թույլ կողմեր հասկանալու, որը կբերի աշխատանքից բավարարվածության, ընկերության և ղեկավարի հանդեպ հարգանքի, լոյալության և, վերջապես, կծառայի եռաստիճան՝ աշխատակից – ղեկավար – ընկերություն զարգացմանը: ՄՌԿ մասնագետների աշխատանքի սեգմենտը մարդիկ են, աշխարհի ամենադժվար ու բարդ, միևնույն ժամանակ, ամենաարժեքավոր կապիտալը։ Ինչու՞, որովհետև գործ ունենք անհատականությունների հետ:

22

ՄՌԿ մասնագետները կանգնած են բիզնեսի և աշխատակազմի միջև, և երբ խոսում ենք պրոֆեսիոնալ ՄՌԿ մասնագետների մասին, խոսքը գնում է բալանս պահել կարողացող ու կշեռքի երկու նժարներն իրար հավասարեցնել փորձող, ամենապոզիտիվ ու դրական, երբեք չընկճվող ու միշտ հարաբերություններ ստեղծող ու բարելավող անհատների մասին:

all

ՄՌԿ մասնագետ լինելու համար իսկապես կան որոշակի մարդկային որակներ, որոնք կենսական նշանակություն ունեն ու չնայած այն կարծրատիպային մոտեցմանը, թե ՄՌԿ մասնագետները ուղղակի միշտ ուրախ ու պարապ մարդիկ են, ուզում եմ ասել, որ պարապ չէ, բայց դրական էներգետիկան հաստատ պետք է Ձեզ՝ ՄՌԿ ոլորտում հաջողություններ ունենալու համար։

Ի դեպ, հավելեմ, պոզիտիվիզմը միամտություն չէ, այլ լիդերշիփ, չէ՞ որ նավի խորտակվելուց անձնակազմին փրկում է առանց խուճապի լաստանավեր տեղափոխելը: ՄՌԿ մասնագետները հաճախ կատարելով բուֆեռի դեր, իրենց վրա են վերցնում առաջին գնդակը թե՛ բիզնեսից , թե՛ աշխատակազմից՝ փորձելով լուծել ընկերության մեծագույն խնդիրներից մեկը՝ առողջ ու ճիշտ հարաբերությունների ստեղծումն ու պահպանումը երկու սեգմենտների միջև՝ այն է` աշխատակազմ և ղեկավարներ, որոնք հաճախ կարող են իրար հետ անմիջական շփում չունենալ ու, որպես կանոն, ունենում են տարբեր ախորժակներ՝ եկամտի տեսքով:

job

ՄՌԿ մասնագետի ամենաբարդ դերն իրականացնելու համար որպես մասնագետ Ձեզ անհրաժեշտ կլինի բանակցելու, գաղափար վաճառելու ու որոշումներ կայացնելու, իսկ այնուհետև այդ որոշումները ճիշտ ու գրագետ մատուցելու կարողություն: Դուք պետք է կարողանաք նաև բիզնեսն ու շուկան վերլուծել, մարկանց վարքի ու հոգեբանության կոդը գտնել ու կառավարման հոգեբանությունը ճիշտ կիրառել: ՄՌԿ մասնագետների մյուս կարևորագույն որակը, այո՛ 😊, մարդասիրությունն է ու մարդակենտրոն լինելը: Սիրել մարդկանց հետ շփվել, լինել էմպատիկ, ակտիվ լսող, կարողանալ տեսնել մարդու ներսի լույս՝ պոտենցիալը, ու օգնել գտնել իր ճիշտ տեղը ընկերությունում։

Որպես վերջաբան նշեմ, որ ՄՌԿ ոլորտը սիրելու համար պետք է սիրել առաջնորդություն, հոգեբանություն, մարքետինգ, վաճառք, բիզնես վերլուծություն, բանակցություններ ու նաև իրավագիտություն։

Բարի եղեք ու բաց առողջ քննադատության, սխալներ ընդունելու նկատմամբ: Ձևավորեք սովորելու մշակույթ․ սովորել ամեն օր, ամենուր ու բոլորից, ով ունի թեկուզ չնչին մի բան ձեզ սովորեցնելու:

 

Հեղինակ՝ Անուշիկ Մինասյան

ՄՌԿ ոլորտի սիրահար

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

eb_cover-final size

Գործատուի բրենդավորման 4 կարևոր գործիք staff.am-ից

Հայաստանում ավելի ու ավելի շատ ընկերություններ են սկսել ուշադրություն դարձնել Գործատուի բրենդավորմանը՝ դիմելով սոց․ ցանցերի, …

Leave a Reply

Your email address will not be published. Required fields are marked *