blog_cover
Սկիզբ / HR ոլորտ / STAFF.AM HR GALA EVENT․ ամփոփեցինք 2019թ․-ը staff.am HR համայնքի հետ

STAFF.AM HR GALA EVENT․ ամփոփեցինք 2019թ․-ը staff.am HR համայնքի հետ

Ի՞նչը կարող է միավորել Կոմիտասի անմահ երաժշտությունը, հայկական գինին, յոգան, ստենդափեր Հովհաննես Դավթյանին և ՀՀ աշխատաշուկան իր զարգացման միտումներով։

Թերևս, ոչինչ, կմտածեն նրանք, ովքեր առիթ չեն ունեցել մասնակցելու դեկտեմբերի 14-ին Կոմիտասի թանգարան-ինստիտուտում կայացած staff.am ամենամյա HR Gala Event-ին, որին հրավիրված էին staff.am-ի շուրջ ձևավորված HR համայնքի ներկայացուցիչները՝ 100-ից ավելի ընկերություններ ներկայացնող ՄՌԿ ղեկավարներ։

#HRFeedback

«Սիրելի թիմ, այնքան անկեղծություն, ջերմություն եւ հոգատարություն կա ձեր մեջ։ Ցանկացած միջոցառում անցնում է անբռնազբոսիկ ու հաճելի մթնոլորտում։ Դուք միշտ հանդես եք գալիս հետաքրքիր ու կրեատիվ ֆորմատով: Շնորհակալություն»։ Աննա Ստեփանյան, Synergy International Systems

HR Gala Event-ը staff.am-ի երրորդ տարեդարձի շրջանակներում կազմակերպված երրորդ միջոցառումն էր, որում համադրել էինք ժամանցային ծրագիրն ու ինֆորմացիոն հարուստ բլոկը։

#HRFeedback

«Շնորհակալություն staff.am-ին ևս մեկ անգամ այսպիսի հրաշալի միջոցառում կազմակերպելու համար։ Թե վայրի ընտրությունը, թե միջոցառման կոնցեպցիան այնքան ճիշտ էր ընտրված, որ մենք նույնիսկ չզգացինք՝ ինչպես սլացավ ժամանակը։ Թող Ղազախստանը լինի ձեր կողմից կատարված մեծ գործի ամենափոքր սկիզբը»։ Անուշ Զորանյան, Beeline Հայաստան

Միջոցառմանը ՄՌԿ համայնքին ուղղված ողջույնի խոսքով հանդես եկան staff.am համահիմնադիր և ղեկավար Վահե Ավետիսյանը և staff.am համահիմնադիր Լուիզա Ավետիսյանը։

Մաղթելով միասին հաճելի, բովանդակալից և անակնկալներով լի ժամանց՝ մեկնարկեց միջոցառումը։

#HRFeedback

«Հիանալի միջոցառում էր, մեծ հաճույք ստացա»։ Լիանա Խորենյան, Մեգա Ֆուդ

Մասնակիցները սկսեցին վայելել Վիգեն Հովսեփյանի ժողովրդական երաժշտական կատարումները ժամանակակից մոտիվներով։

#HRFeedback

«Շատ կարևորում եմ staff.am-ի նման պրոֆեսիոնալ մոտեցումը, ամեն մանրուք քննարկված էր։ Հաճելի է համագործակցել Ձեր թիմի հետ, միշտ նորություններով եք հանդես գալիս»։ Էմմա Մարգարյան, LMS 

Այնուհետև HR մասնագետները հնարավորություն ունեցան առաջինը տեղեկանալու 2020թ․-ին staff.am տեխնոլոգիական նորույթներին։ Մասնավորապես, շուտով կթողարկվի HireBee.ai Դիմումների կառավարման համակարգը (Application tracking system)-ը, որը հնարավորություն կընձեռի դիմումների կառավարումն ամբողջապես իրականացնել մեկ հարթակում, օգտվել ընկերության աշխատակիցների համար ֆունկցիոնալ տարբեր հնարավորություններից և այլ գործիքներից՝ խնայելով ժամանակը և օպտիմալացնելով ռեքրութմենթը։ HireBee.ai համակարգի հնարավորություններին ավելի մանրամասն կարող եք ծանոթանալ այստեղ։

#HRFeedback

«Ամեն ինչ հրաշալի էր և բավականին արդյունավետ»։ Լիլիթ Սարգսյան, EGS

Աշխատանքը մենք շատ ենք արժևորում, իսկ workout-ներն առավել քան ։) HR Gala Event-ին հատուկ ժամանակ հատկացվեց յոգայի ընդմիջմանը Յոգայի վարպետ Հրանտ Դանդուրովի գլխավորությամբ։

#HRFeedback

«Շնորհակալություն staff.am թիմ ջան։ Ամեն ինչ շատ լավ էր կազմակերպված։ Եվ ինֆորմացիոն և ժամանցային մասից մեծ բավականություն ստացա։ Հանդիպման ֆորմատն ինձ շատ դուր եկավ»։
Անի Անանյան, ՍԵՖ Ինտերնեյշնլ ՈՒՎԿ

Գործատուի բրենդավորումը համապատասխան տաղանդների հավաքագրման և աշխատակիցների պահպանման հարցում մեծ դեր ունի, առանց որի 2020-ականներին, կարելի է ասել, չափազանց դժվար կլինի ռեքրութմենթը։ Մեր համայնքի հետ կիսվեցինք staff.am Գործատուի բրենդավորման առկա գործիքների, նախագծերի և 2020թ․ Գործատուի բրենդավորման նոր ուղղությունների մասին։ Մանրամասները դիտել այստեղ։ 

#HRFeedback

«Ամեն ինչ շատ լավ էր կազմակերպված: Շնորհակալ եմ հրավերի համար»: Արմինա Սարգսյան, all.me

Միջոցառումը համադրված էր նաև Wine & Cheese համեղ հյուրասիրությամբ և ակտիվ նեթվորքինգով:

#HRFeedback

«Հրաշալի միջոցառում էր, հիանալի առիթ էր միմյանց հետ հաղորդակցվելու, գաղափարներով փոխանակվելու և, պարզապես, հին ընկերներին հանդիպելու։ Բավականին օգտակար տեղեկատվություն ստացա, որը կօգնի staff.am-ի հետ առաջիկա համագործակցությունն ընդլայնելու հարցում։ Պրեզենտացիաների միջոցով լավագույնս ներկայացվեց այն հաջող ուղին, որով անցել է staff.am-ը և զարգացել, ինչպես նաև՝ ինչ հնարավորություններ կընձեռի մեզ առաջիկա համագործակցությունը։ Շնորհակալություն staff.am-ին»: Աստղիկ Մալխասյան, Develandoo

Անչափ կարևոր համարեցինք նաև մեր գործընկերներին ներկայացնել ՀՀ աշխատաշուկայի 2019թ․ համեմատական վիճակագրական վերլուծության արդյունքները և զարգացման միտումները, որն ամբողջությամբ կհրապարակենք 2020թ․ հունվարին։ Իսկ ամփոփ վերլուծությանը կարող եք ծանոթանալ այստեղ։

#HRFeedback

«Ամեն ինչ շատ գեղեցիկ էր կազմակերպված, գերազանց էր, շնորհակալություն!»:Լուսինե Ռուստամյան, Adjarabet.am

Միջոցառման ինֆորմատիվ մասն ամփոփեցինք «Voice of Customer» («Հաճախորդի ձայնը») ինտերակտիվ հարցմամբ, որի ընթացքում ՄՌԿ մասնագետները հնարավորություն ունեցան գնահատելու թե staff.am ծառայությունները, և թե նշելու 2020թ․-ին իրենց ընկերության ՄՌԿ առաջնահերթությունները։

#HRFeedback

Շնորհակալ եմ staff.am-ի ողջ թիմին նման բարձրակարգ հանդիպում կազմակերպելու համար։ Ձեզ նորանոր հաջողություններ եմ մաղթում։ Աննա Հովհաննիսյան, National Instruments AM

Իսկ ամենավերջում staff.am-ը հատուկ ժամանցային անսպասելի սթենդափ էր կազմակերպել իր ՄՌԿ համայնքի համար։ Միջոցառմանը հրավիրված էր ներկա գտնվելու StendUp Արտիստ Հովհաննես Դավթյանը, ով մասնակիցներին զվարճացրեց ՄՌԿ մասնագիտության և աշխատանքի վերաբերյալ իր պատկերացումներով՝ նույնիսկ համեմատելով «HR»-ի աշխատանքը Գաբրիել հրեշտակապետի աշխատանքի հետ։

STAFF.AM HR GALA EVENT-Ը ՏԵՍԱՆՅՈՒԹՈՒՄ

staff.am ՄՌԿ համայնքի հանդիպումները միշտ խոստումնալից ու շարունակական են լինում։ Սիրով կկիսվենք ձեզ հետ գալիք տարվա մեր միջոցառումներով նույնպես։

STAFF.AM HR GALA EVENT-Ը ՍՈՑ․ ՄԵԴԻԱՅՈՒՄ՝
ՄԱՍՆԱԿԻՑՆԵՐԻ ԳՐԱՌՈՒՄՆԵՐՈՎ

SOCIAL-MEDIA

STAFF.AM HR GALA EVENT-Ը ԼՈՒՍԱՆԿԱՐՆԵՐՈՒՄ

 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

Picsart cover

#WorkFromHome. PicsArt-ի լավագույն փորձը

Ահա և եկավ ժամանակը վիրտուալ ու խենթ այց կատարելու բոլորիս հայտնի PicsArt ընկերություն։  Միգուցե շատերիս …

Leave a Reply

Your email address will not be published. Required fields are marked *