team_6
Սկիզբ / Մեր Գործատուները / Ինթերնշիփային և ուսուցանման ծրագրեր Հայաստանում / #HSUniversity․ staff.am անդրադարձը HelpSystems Armenia ընկերության նոր նախագծին

#HSUniversity․ staff.am անդրադարձը HelpSystems Armenia ընկերության նոր նախագծին

Վերջերս մեկնարկեց #HSUniversity ծրագիրը, որը միանգամից գրավեց այն մասնագետների ուշադրությունը, ովքեր հետաքրքրված են իրենց կարիերան ստեղծել #tech համայնքում։ staff.am թիմը մեծ ոգևորությամբ նախաձեռնեց հարցազրույց HelpSystems ընկերության հայաստանյան ներկայացուցչության թիմի հետ ձեզ ներկայացնելու ծրագրի բոլոր առավելությունները և մանրամասները։

Related imageԱյսօր հայաստանյան աշխատաշուկայում ՏՏ ոլորտի լավագույն մասնագետները մեծ պահանջարկ են վայելում։ Ի՞նչ քայլեր է ձեռնարկում HS International ընկերությունը լավագույններին հավաքագրելու համար։

HelpSystems Armenia-ում լավագույն տաղանդներին հավաքագրելու և պահպանելու համար մենք ընտրել ենք մի քանի ուղղություն։

Այդ ուղղություններից մեկը մեր referral ծրագիրն է, որի շրջանակում մեր աշխատակիցները մասնակցում են հավաքագրման գործընթացին՝ իրենց ծանոթ լավագույն մասնագետների թեկնածությունն առաջարկելով։ Referral ծրագրի իրականացմանը նպաստում է կազմակերպությունում տիրող դրական մթնոլորտը, ամսական կազմակերպվող միջոցառումները թե՛ գրասենյակում, թե՛ գրասենյակից դուրս (թիմային արշավներ, մասնակցություն HS նվագախմբում, և այլն)։

Այսպիսով, սա մեզ թույլ է տալիս կազմակերպության արժեքներին և մշակույթին առավել համապատասխան թեկնածուներ հավաքագրել։

Մեր հավաքագրման մի շատ կարևոր ուղղություն է նաև HS University-ի շրջանակներում կազմակերպվող ինթերնշիփային ծրագիրը։ Այս ծրագիրը  երիտասարդներին հնարավորություն է տալիս մասնագիտական հմտություններ ձեռք բերել և մուտք գործել ՏՏ ոլորտ, այդ թվում աշխատանքի առաջարկ ստանալ հենց HS Armenia-ի կողմից։

Կարևոր է նշել նաև, որ HS Armenia-ում մենք ստեղծել ենք performance management-ի արդյունավետ համակարգ, որի միջոցով հնարավոր է դառնում ուրվագծել աշխատակիցների մասնագիտական ուղին և ապահովել շարունակական զարգացում։ Սա գրավիչ հանգամանք է տաղանդների հավաքագրման և նրանց պահպանման գործում։

Այս ամենից զատ HelpSystems Armenia-ն տրամադրում է նաև մրցակցային աշխատավարձ և հարուստ բենեֆիթային փաթեթ։

Related image Ինչը նպաստեց HS International University ստեղծելու գաղափարի առաջացմանը և ինչպիսի հեռանկարներ կան այս ուղղությամբ։

HS University-ի ստեղծման հիմնական ոգեշնչումը մեր կազմակերպության հիմնարար արժեքներից (core value) մեկն է՝ համայնքին վերադարձնելու արժեքը (giving back to the community)։ Առաջնորդվելով այս գաղափարով՝ որոշեցինք օգտակար լինել հայաստանյան ՏՏ համայնքին՝ երիտասարդ կադրեր պատրաստելով և նրանց համայնքին ետ վերադարձնելով։ Ինչի շրջանակներում մեր մասնագետները պատրաստ են կիսվել իրենց գիտելիքով և փորձով երիտասարդների հետ, ովքեր ուզում են զարգացնել իրենց կարիերան ՏՏ ոլորտում։

Related image

Մասնագիտական ի՞նչ ուղղվածությամբ են կազմակերպվում ինթերնշիփային ծրագրերը և ովքե՞ր կարող են մասնակցել այս ծրագրին։

Ինթերնշիփերը Java և QA ուղղություններով են, քանի որ կարծում ենք՝ այս երկուսը ամենահարմարն են սկսնակների համար։ Անցյալում ունեցել ենք հաջողված ինթերնշիփեր այս մասնագիտացումներով և ստացել շատ դրական արդյունք։

small-team

Այս ծրագրին կարող են մասնակցել բոլոր մոտիվացված, արագ սովորող, թիմային և աշխատասեր թեկնածուները։

Related imageԻնչպիսի՞ առավելություններ է տրամադրում HS ինթերնշիփային ծրագիրն իր մասնակիցներին։ Արդյո՞ք նրանք հնարավորություն ունեն ծրագրից անմիջապես հետո միանալ HS International թիմին։

HS ինթերնշիփի ծրագիրը բաղկացած է 3 փուլից, յուրաքանչյուրը՝ երեք ամիս տևողությամբ։

Առաջին փուլի ընթացքում HS ինթերնշիփային ծրագրի մասնակիցները կստանան մասնագիտական կրթություն երեք ամիս տևողությամբ։

Երկրորդ փուլում ուսանողներից լավագույնները կստանան վճարովի ինթերնշիփի մասնակցության առաջարկ։ Ինթերնշիփի ընթացքում նրանք կկարողանան կիրառել ձեռք բերած գիտելիքները և դրսևորել իրենց որպես թիմի անդամ։ Իսկ երրորդ փուլում վճարովի պրակտիկայի ընթացքում իրենց լավագույնս դրսևորած մասնակիցները կստանան աշխատանքի առաջարկ։

Նշենք, որ անցյալ երկու տարիների ընթացքում ութ ինթերն ստացել է աշխատանքի առաջարկ և սկսել է իր մասնագիտական ուղին HelpSystems Armenia-ում։

Շնորհակալություն ենք հայտնում HelpSystems Armenia թիմին նման բովանդակալից հարցազրույցի համար։ Վստահ ենք, որ այս ծրագրի շրջանակներում շատ մասնագետներ կկարողանան #tech ոլորտում հարուստ գիտելիքներ և գործնական փորձ ձեռք բերել՝ վերադառնալով համայնք։

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

min economy_blog

staff.am-ը և ՀՀ Էկոնոմիկայի նախարարությունը կնքել են համագործակցության հուշագիր

ՀՀ Էկոնոմիկայի նախարարության թափուր աշխատատեղերն այսուհետ ավելի մատչելի և հրապարակային կլինեն։ Այս առիթով կնքվեց համագործակցության հուշագիր …

Leave a Reply

Your email address will not be published. Required fields are marked *