Հայկական աշխատաշուկան օրեցօր համալրվում է տարբեր ոլորտների ընկերություններով, որոնք ոչ միայն տարբերվում են իրենց կողմից առաջարկված ծառայություններով, այլ նաև ներքին կորպորատիվ մշակույթով և իրենց աշխատակիցներին տրամադրած բենեֆիթների #hot փաթեթներով։
Իսկ այժմ կատարում ենք անդրադարձ staff.am լավագույն գործատուներից մի քանի #cool ընկերությունների, որոնք բարձր գնահատելով իրենց աշխատակիցների աշխատանքը՝ մշակել են բենեֆիթների փաթեթներ` էլ ավելի նպաստելով նրանց կատարողականության բարձրացմանը։
BetConstruct–ը իր նորարարություններով և զարգացման մեծ տեմպերով այսօր Հայաստանում ծրագրային ապահովում առաջարկող առաջատար ընկերություններից մեկն է: Այն կարճ ժամանակահատվածում ունի արդեն 15 գրասենյակ աշխարհի տարբեր անկյուններում և ավելի քան 300 գործընկեր:
BetConstruct–ը կարևորում է իր աշխատակիցների հարմարավետությունը, առաջխաղացման հնարավորությունը և արդյունավետ աշխատանքի համար ապահովում է բոլոր անհրաժեշտ պայմանները, որոնցից են.
Ճկուն աշխատանքային գրաֆիկ,
Աշխատավարձի վերանայման ֆիքսված համակարգ,
Անգլերենի դասընթացներ գրասենյակում,
Անվճար մարզասրահ և յոգայի պարապմունքներ,
Ընկերության ներսում աշխատողների համար հատուկ պայմաններով գործող վարսահարդարման սրահ, մատնահարդարման սրահ, ճաշարան, բար,
Ծրագրավորման ժամանակակից ուղղությունների անվճար դասընթացներ,
Զեղչային ճկուն համակարգ ավելի քան 50 ընկերություններում,
Պարգևավճարներ աշխատակիցներին` թափուր հաստիքների համար թեկնածուներ առաջարկելու համար,
Պարբերաբար գործուղումներ աշխարհի տարբեր երկրներ,
Կարիերայի զարգացման և աճի լայն հնարավորություններ,
Ամենաառաջատար տեխնոլոգիաների ներդրում,
Դասընթացների և կոնֆերանսների մասնակցություն,
Մշակութային միջոցառումների տոմսերի տրամադրում,
Ավտոմեքենայի ապահովագրության հատուկ պայմաններ,
Ժամանակակից լուծումներով հարմարավետ աշխատանքային միջավայր:
SFL-ը տեղեկատվական տեխնոլոգիաներով զբաղվող ընկերություն է, իսկ թիմակիցները միայն ՏՏ մասնագետներ են: SFL-ի ամենօրյա աշխատանքի նպատակը ընկերության կողմից ստեղծված տեխնոլոգիայի
միջոցով դարձնել մարդկանց կյանքն ավելի հարմար, ավելի դյուրին և ապահով, փոփոխել առօրյան դեպի լավը։ Ի դեպ, SFL-ն այն քիչ ՏՏ ընկերություններից է, որը ԱՄՆ-ում ներկայացուցչություն է հիմնել ՀՀ-ում արդեն
կայացած թիմ ունենալուց հետո։
Իսկ թիմում բոլոր ինժեներները հնարավորություն ունեն աշխատելու տարբեր բնույթի պրոյեկտներում, տարբեր
ոլորտներում և տարբեր տեխնոլոգիաներով, որը նրանց թույլ է տալիս անընդհատ զարգանալ և նոր հմտություններ ձեռք բերել, ինչպես նաև օգտվել ընկերության կողմից տրամադրվող բենեֆիթների փաթեթից՝
Ուժեղ մասնագիտական թիմ,
Ժամանակակից տեխնոլոգիաներով իրականացվող պրոյեկտներ եւ նոր հմտություններ ձեռք բերելու լայն հնարավորություններ,
Մենթորության ծրագիր,
Մրցունակ աշխատավարձ,
Մասնակցություն միջազգային կոնֆերանսներին, փոխանակման ծրագիր արտասահմանյան գործընկերների հետ,
Աշխատանքային ճկուն ժամային գրաֆիկ եւ տնից աշխատելու հնարավորություն,
Անսահմանափակ վճարվող “Day off”-եր,
Հավելավճարներ (referral բոնուսներ, ամուսնության, երեխայի ծննդյան կապակցությամբ),
Բժշկական ապահովագրություն,
Ժամանակակից, հարմարավետ եւ ուրախ գրասենյակ,
Լանչի կազմակերպում, միրգ, սուրճ, բնական հյութ,
Մերսում,
Օրվա ընթացքում քնելու եւ հանգստանալու հնարավորություն (Մեծ,
հարմարավետ բազմոց եւ տաք ծածկոց ։)) )
Թիմային, կորպորատիվ միջոցառումներ։
CODICS-ը իր տեսակի մեջ միակ ծրագրային ապահովում ստեղծող ընկերությունն է, որտեղ վստահ են, որ յուրաքանչյուր կոդի ետեւում կա պատմություն: Ամեն նոր հաճախորդ եւ նախագիծ մի նոր փորձություն է CODICS-ի մասնագետների երեւակայության, ստեղծարարության եւ նորարարական մտածողության համար, քանի որ ամեն անգամ ստեղծվում է նոր պատմություն` նոր հերոսներով, նոր սյուժեով:
Այստեղ հոգ են տանում նախագծի յուրաքանչյուր մանրունքի եւ նյուանսի մասին, եւ դա է պատճառը, որ մատուցում են հատուկ մշակված եւ ինքնատիպ լուծումներ:
Բժշկական ապահովագրություն,
Անհրաժեշտության դեպքում հեռահար աշխատելու հնարավորություն,
Մասնագիտական զարգացման և կարիերայի աճի հնարավորություն,
Լավ կատարողականության համար բոնուսներ,
Մասնագիտական թրեյնինգներին մասնակցելու հնարավորություն,
Հայաստանում, ինչպես նաև արտերկրում մասնագիտական կոնֆերանսներին մասնակցելու հնարավորություն,
Փորձառու մասնագետների հետ պրոֆեսիոնալ միջավայրում աշխատելու հնարավորություն,
Թիմբիլդինգի եւ կորպորատիվ միջոցառումների կազմակերպում,
Չորեքշաբթի օրերին “Decodics” թիմային խաղի անցկացում:
Frismos-ն ընկերություն է, որը մասնագիտացած է խաղերի ստեղծման մեջ։ Ընկերության կողմից թողարկված խաղերն արդեն 10 մլն և ավելի ներբեռնում ունեն Google Play Store-ում և Amazon App Store-ում։
Կրեատիվ և պրոֆեսիոնալ միջավայր ստեղծելը Frismos-ի ամենակարևոր առանձնահատկություններից է, որտեղ մեծ ուշադրություն է դարձվում կրտսեր մասնագետներին կրթելու և աճելու վրա։ Իսկ բենեֆիթները տրամադրվում են աշխատակիցներին որպես երախտագիտություն կատարած լավ աշխատանքի համար։
Վճարվող “Sick Leave” օրեր,
Սուրճ-թեյ-քաղցրավենիք,
Մեքենայի կայանատեղի,
Ճկուն աշխատանքային գրաֆիկ ուսանողների համար,
Ուղևորություններ թիմի հետ միասին հետաքրքիր վայրեր:
Benivo-ն հարթակ է, որն ընկերություններին տրամադրում է աջակցություն իրենց աշխատակիցների տեղափոխման ու վերաբնակման հարցերում, որի ծառայություններից օգտվում են Google-ը, Microsoft-ը, Bloomberg-ը, Vodafone-ը, Apple-ը:
2015 թվականից Benivo-ն բացեց իր մասանճյուղը Երևանում: Այժմ այն ունի 70 աշխատակից Երևանում և Լոնդոնում, ովքեր ի շնորհիվ իրենց բարձրակարգ աշխատանքի, օգտվում են ընկերության կողմից տրամադրված բենեֆիթներից՝
Ընկերության բաժնեմասեր,
Առողջության ապահովագրություն, ներառյալ անմիջական ընտանիքը,
Տեխնիկական բարձր որակավորում ունեցող մասնագետների հետ աշխատանք,
Հիվանդության հետևանքով բացակայության հատուցում,
Pay Later – զգալի անտոկոս գումար ստանալու հնարավորություն ամսեկան մարումների պայմանով,
Մասնագիտական դասընթացներ, բարձրակարգ մասնագիտական գրականության ձեռքբերման հնարավորություն,
Ճկուն հատուցումների համակարգ (սպորտի, նախաճաշի, տրանսպորտի, կայանատեղիի, դասընթացների ընտրովի հատուցում և այլն),
Թիմային միջոցառումներ, խնջույքներ,
Սուրճ, թեյ, քաղցրավենիք,
Պարգևավճարներ (referral, ամուսնություն, երեխայի ծնունդ),
Ամանորյա և ծննդյան նվերներ:
Մեր գործընկեր մյուս ՏՏ ընկերությունների կողմից տրամադրվող բենեֆիթների մասին կարող եք տեղեկանալ ստորև՝
“Հայաստանյան գործատուների կողմից տրամադրվող բենեֆիթների փաթեթները: Մաս 1”
“Հայաստանյան գործատուների կողմից տրամադրվող բենեֆիթների փաթեթները: Մաս 2”
