hirebee_ru
Սկիզբ / staff.am / staff.am կարիերայի առաջատար հարթակն արդեն Ղազախստանում է` HireBee բրենդով և hirebee.kz օնլայն հարթակով

staff.am կարիերայի առաջատար հարթակն արդեն Ղազախստանում է` HireBee բրենդով և hirebee.kz օնլայն հարթակով

Staff.am-ը (HireBee) արհեստական բանականությամբ աշխատող HRTech ստարթափ է, որի նպատակն է տեխնոլոգիական նորարար լուծումների միջոցով օգնել անհատների մասնագիտական զարգացմանը, բիզնեսներում ռեքրութմենթի արդյունավետության բարձրացմանը  և աշխատաշուկաների զարգացմանը այն երկրներում, որտեղ գործում է և կգործի HireBee հարթակը։

2016թ․ նոյեմբերին գործարկվելով Հայաստանում՝ staff.am-ը շատ կարճ ժամանակում դարձավ առաջատար կարիերայի հարթակ՝ արագ ձեռք բերելով ճանաչում՝ ինչպես գործատուների, այնպես էլ անհատների կողմից։ Այս պահին հարթակը  համագործակցում է ավելի քան 1,500 տեղական և միջազգային ընկերությունների հետ, համակարգում կան ավելի քան 35,000 գրանցված աշխատանք փնտրողներ, հարթակն ունի 90,000-ից ավելի սոց․ մեդիա հետևորդներ, իսկ կայքի և հավելվածների օրական այցելությունները կազմում են 8,000-10,000։

Շնորհիվ Ձեռնարկությունների ինկուբատոր հիմնադրամի կողմից իրականացվող «Աջակցություն ՓՄՁ զարգացմանը Հայաստանում» նախագծի՝ staff.am-ը համաֆինանսավորում ստացավ՝ հնարավորություն ունենալով մշակել արհեստական բանականությամբ աշխատող նոր գործիքակազմ և հեշտացնել աշխատանք և աշխատակից փնտրելու գործընթացը ոչ միայն տեղական շուկայում, այլ նաև Հայաստանի սահմաններից դուրս։

Ընկերությունն այս տարի ավելի վաղ, տեղեկացրել էր ղազախական շուկա մուտք գործելու պլանների մասին։ Եվ ահա 2019թ․ ապրիլ ամիսը նշանավորվեց ԱՊՀ տարածքում ևս մեկ հայկական ստարթափի ներկայացմամբ։

Ալմաթի քաղաքի Սեյֆուլին փողոցում տեղակայված գրասենյակն արդեն ողջունել է ղազախական թիմի առաջին աշխատակիցներին։  HireBee Kazakhstan-ի գործունեությունը համակարգվում է թե հայկական, թե ղազախական թիմի կողմից: Հարթակի ծրագրային ապահովումը, թվային մարքեթինգն ու հաճախորդների օնլայն սպասարկումը շարունակվելու է իրականացվել հայկական գրասենյակում՝ այդպիսով ստեղծելով նոր աշխատատեղեր։ Հայկական և ղազախական թիմերում մինչև 2019թ․ հունիս ամիս ներգրավված աշխատակիցների թիվը կհասնի 20-ին։

hirebee

«HireBee Kazakhstan թիմի ձևավորման առաջին փուլը կարելի է համարել ավարտված։ Արդեն իսկ ակտիվորեն ներգրավված ենք Ղազախստանում կազմակերպված տեղական և ռեգիոնալ HR միջոցառումներում։ Հասցրել ենք մասնակցել Eurasian HR Leadership Forum 2019-ին, HRD Inter forum Almaty-ին, ապրիլի 19-ին հրավիրված էինք Business FM «Գործնական առավոտ» ռադիոթողարկմանը, իսկ ապրիլի 25-ին արդեն ունենք պլանավորած միջոցառում մայրաքաղաք Նուրսուլթանում (Աստանա)»։ «Ղազախական շուկան շատ խոստումնալից է․ ընկերությունները մեծ հետաքրքրվածությամբ են հետևում մեր նորություններին, արդեն հասցրել ենք հանդիպել և համագործակցության հաստատում ստանալ խոշոր ընկերություններից։ Չնայած շուկայում առկա բավականին լուրջ մրցակցությանը, հավատացած ենք, որ մեր կողմից առաջարկվող տեխնոլոգիական լուծումը և բիզնես մոդելը հենց կլինեն մեր մրցակցային առավելությունները», – նշեց staff.am համահիմնադիր Լուիզա Ավետիսյանը, ով այս պահին գործնական այցով Ղազախստանում է գտնվում։

Համակարգն ամբողջությամբ հասանելի է աշխատանք փնտրողներին գրանցման համար, հասանելի է օնլայն թրեյնինգների մոդուլը, և, իհարկե, HBMedia ռեսուրսը, որը համարժեք է հայկական StaffBlog-ին։ Թիմն այս պահին ակտիվորեն ներգրավում է նոր գործընկերներ, իսկ HireBee.kz հարթակը լիարժեք կթողարկվի մայիս ամսվա երկրորդ կեսին։  

Զարգացման հեռանկարների մասին խոսելիս staff.am համահիմնադիր Վահե Ավետիսյանը հավելեց, – «Ծրագրեր ունենք Ղազախստանից հետո շատ կարճ ժամանակահատվածում ներկայանալ Կենտրոնական Ասիայի երկրներում, այնուհետև ընդլայնել աշխարհագրությունը ԱՊՀ մյուս երկրներում։ Հավակնոտ ծրագրեր են բավականին, բայց միևնույն ժամանակ մեր թիմն ունի աշխարհագրական ընդլայնումը հաջողությամբ իրականացնելու բոլոր հնարավորությունները»։

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

cover_Globanet

Staff.am-ի այցը տվյալների արխիվացման ոլորտի միջազգային Գլոբանեթ ընկերություն

Եվս մեկ հետաքրքիր այց ու StaffCoverage staff.am գործընկեր միջազգային կազմակերպություններից Globanet, որի գլխամասային գրասենյակը գտնվում …

Leave a Reply

Your email address will not be published. Required fields are marked *