Ովքեր հետևել են staff.am-ին սոց․ մեդիայում, անպայման նկատած կլինեն մեր կողմից 2017-ի երկրորդ կեսին թողարկած նոր նախագիծը՝ StaffTalks վիդեո բլոգերի շարքը, որը մենք ներկայացնում ենք Loft HR club հիմնադիր, Joomag Talent Specialist Անի Մերուժանի Մարգարյան -ի հետ։
StaffTalks-ը նոր ձևաչափով վիդեոբլոգ է Հայաստանում, որում ներգրավել ենք մասնակիցներ, ում հետ քննարկումներ կծավալվեն կարիերայի զարգացման, ՄՌ ոլորտի կառավարման, նոր աշխատակիցների ներգրավման, թիմի գնահատման, թիմի մոտիվացիայի, ինքնազարգացման և այլ նման թեմաների շուրջ:
2017-ին հասցրել ենք թողարկել 4 վիդեո-բլոգ HR ոլորտի մասնագետների մասնակցությամբ, որոնք ամփոփել ենք ստորև։
Արփի Կարապետյան
Մեր առաջին StaffTalk -ում զրուցել ենք Արփի Կարապետյանի հետ՝ թեման ծավալելով ՀՀ-ում Մարդկային ռեսուրսների կառավարման ոլորտի շուրջ: Արփին հանդիսանում է Հայկական ՄՌԿ Ասոցիացիայի և Կասկադ Քընսալթընց-ի հիմնադիրը և ՄՌ կառավարման ոլորտի ամենափորձառու մասնագետներից մեկը, և միանշանակ բավականին շատ ասելիք ունի, նամանավանդ, ՄՌ ոլորտի մասնագետներին և նրանց, ովքեր իրենց առաջին քայլերն են կատարում այս ոլորտում:
Աննա Մակսուդյան
Աննան ԵՊՀ Սոցիոլոգիայի ամբիոնի դոցենտ է, ինչպես նաև ԵՊՀ «Մարդկային ռեսուրսների կառավարում» մագիստրոսական ծրագրի նախաձեռնողներից մեկը։
Աննայի հետ խոսել ենք ոլորտում իր փորձի, դասախոս լինելու, ՄՌԿ մասնագետների նոր սերունդ կրթելու, ինչպես նաև այս ուսումնական տարի սկսվող մագիստրոսական ծրագրի մասին:
Աննան նաև կիսվել է գրականության այն շարքով, որը շատ կօգնի ՄՌԿ ոլորտում իրենց առաջին քայլերը կատարող երիտասարդներին:
Աննա Ստեփանյան
Աննա Ստեփանյանը մեր շատ սիրելի գործատուներից մեկի՝ Սիներջի Արմենիայի ՄՌԿ տնօրենն է։
Աննայի հետ խոսել ենք հետևյալ թեմաների շուրջ։
– Ինչո՞վ է յուրահատուկ ՄՌ կառավարումը ՏՏ ոլորտում։
– Ինչպե՞ս հաղորդակցվել techtalent-ի հետ և պահպանել լավագույններին։
Աննան նաև պատմում է, թե որն է իր մոտիվացիան ՄՌԿ ոլորտում, ինչպես շարժվել առաջ, եթե սկսնակ ես, և ինչ մասնագիտական գրականություն կարդալ։
Աննա Մովսիսյան
Աննան հանդիսանում է մեր շատ սիրելի գործատուներից մեկի՝ Workfront Armenia-ի ՄՌԿ տնօրեն։ Աննայի հետ խոսել ենք ՏՏ ոլորտում կադրերի պահպանման (retention)-ի և առկա մարտահրավերների մասին։ Անդրադարձել ենք նաև StaffTalk-ի արդեն ավանդույթ դարձած 2 հարցերին․
- Ինչո՞վ պետք է առաջնորդվեն երիտասարդ մասնագետները, ովքեր առաջին քայլերն են կատարում ՄՌԿ ոլորտում։
- Ի՞նչ մասնագիտական գրականություն կարդալ։
2018թ․-ին ներկայանալու ենք նոր և հետաքրքիր հյուրերով։ Բաժանորդագրվեք մեր բլոգին, և հետևեք մեզ սոց․ մեդիայում։
Կհանդիպենք։
